Land Dispute: ਠਾਕੁਰਦੁਆਰੇ ਦੀ ਜ਼ਮੀਨ ’ਤੇ ਉਸਾਰੀ ਦੇ ਦੋਸ਼

ਲਾਲੜੂ ਪਿੰਡ ਵਾਸੀਆਂ ਨੇ ਐੱਸ ਡੀ ਐੱਮ ਡੇਰਾਬੱਸੀ ਨੂੰ ਸ਼ਿਕਾਇਤ ਦੇ ਕੇ ਕੱਚਾ ਠਾਕੁਰਦੁਆਰੇ ਨੇੜੇ ਆਈ ਟੀ ਆਈ ਚੌਕ ਸਥਿਤ ਕਰੀਬ 24 ਬਿੱਘੇ 13 ਬਿਸਵੇ ਜ਼ਮੀਨ ’ਤੇ ਅਦਾਲਤੀ ਹੁਕਮਾਂ ਦੀ ਕਥਿਤ ਉਲੰਘਣਾ ਕਰਦਿਆਂ ਨਾਜਾਇਜ਼ ਉਸਾਰੀ ਕਰਨ ਦੇ ਦੋਸ਼ ਲਾਏ ਹਨ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਉਸਾਰੀ ਤੁਰੰਤ ਰੋਕਣ ਦੀ ਮੰਗ ਕੀਤੀ ਹੈ। ਸ਼ਿਕਾਇਤਕਰਤਾਵਾਂ ਨੇ ਕਿਹਾ ਕਿ ਇਹ ਜ਼ਮੀਨ ਕੱਚਾ ਠਾਕੁਰਦੁਆਰੇ ਨਾਲ ਸਬੰਧਤ ਹੈ ਅਤੇ ਇਸ ਬਾਰੇ ਮਾਮਲਾ ਅਦਾਲਤ ਵਿੱਚ ਵਿਚਾਰ ਅਧੀਨ ਹੈ। ਇਹ ਸ਼ਿਕਾਇਤ ਵਿਜੇ ਰਾਣਾ, ਰਾਮਪਾਲ ਸਿੰਘ ਰਾਣਾ, ਹਰਪਾਲ ਸਿੰਘ ਲੰਬੜਦਾਰ, ਰਮੇਸ਼ ਕੁਮਾਰ ਮਗਰਾ, ਧੰਨ ਸਿੰਘ, ਅਜੈ ਰਾਣਾ, ਵਿਜੇਪਾਲ ਸਿੰਘ, ਕੁਲੂ ਰਾਣਾ, ਡਿੰਪਲ ਰਾਣਾ, ਰਾਜਪਾਲ, ਮਾਨ ਸਿੰਘ ਮਗਰਾ, ਜਸਬੀਰ ਸਿੰਘ, ਰਾਮ ਸਿੰਘ ਅਤੇ ਸੁਸ਼ੀਲ ਕੁਮਾਰ ਵੱਲੋਂ ਦਿੱਤੀ ਗਈ ਹੈ।

ਦੂਜੇ ਪਾਸੇ, ਕੱਚਾ ਠਾਕੁਰਦੁਆਰੇ ਦੇ ਮਹੰਤ ਸੁਖਬੀਰ ਦਾਸ ਨੇ ਦੋਸ਼ਾਂ ਨੂੰ ਨਕਾਰਦਿਆਂ ਕਿਹਾ ਕਿ ਉਹ ਕਿਸੇ ਵੀ ਅਦਾਲਤੀ ਹੁਕਮ ਦੀ ਉਲੰਘਣਾ ਨਹੀਂ ਕਰ ਰਹੇ ਅਤੇ ਸਾਰੇ ਕੰਮ ਕਾਨੂੰਨ ਅਨੁਸਾਰ ਕੀਤੇ ਜਾ ਰਹੇ ਹਨ।