DT
PT
Subscribe To Print Edition About The Punjabi Tribune Code Of Ethics Download App Advertise with us Classifieds
Add Tribune As Your Trusted Source
search-icon-img
search-icon-img
Advertisement

ਹਵਾਈ ਸੈਨਾ ਦੇ IAF C-130 aircraft ਨੇ ਗੰਭੀਰ ਬਿਮਾਰ ਵਿਅਕਤੀ ਨੂੰ ਲੇਹ ਤੋਂ ਚੰਡੀਗੜ੍ਹ ਪਹੁੰਚਾਇਆ

IAF C-130 aircraft: ਪਹਾੜੀ ਖੇਤਰਾਂ ਵਿੱਚ ਫ਼ੌਜੀ ਜਵਾਨਾਂ ਦੇ ਨਾਲ-ਨਾਲ ਮੁਸੀਬਤ ਵਿੱਚ ਫਸੇ ਆਮ ਨਾਗਰਿਕਾਂ ਦੀ ਸੁਰੱਖਿਆ ਅਤੇ ਬਚਾਅ ਲਈ ਲਗਾਤਾਰ ਅਜਿਹੇ ਅਭਿਆਨ ਚਲਾਏ ਜਾਂਦੇ ਹਨ

  • fb
  • twitter
  • whatsapp
  • whatsapp
featured-img featured-img
ਗੰਭੀਰ ਬਿਮਾਰ ਵਿਅਕਤੀ ਨੂੰ ਇਲਾਜ ਲਈ ਲੈਜਾਂਦੇ ਹੋਏ। ਤਸਵੀਰ: ਡਿਫੈਂਸ ਪੀ.ਆਰ.ਓ.
Advertisement

ਲੱਦਾਖ ਪ੍ਰਸ਼ਾਸਨ ਦੀ ਫ਼ੌਰੀ ਮੈਡੀਕਲ ਸਹਾਇਤਾ ਦੀ ਮੰਗ ’ਤੇ ਕਾਰਵਾਈ ਕਰਦਿਆਂ ਭਾਰਤੀ ਹਵਾਈ ਸੈਨਾ (ਆਈ.ਏ.ਐੱਫ.) ਨੇ ਦੇਰ ਰਾਤ ਇੱਕ ਵਿਸ਼ੇਸ਼ ਅਪਰੇਸ਼ਨ ਤਹਿਤ 70 ਸਾਲਾ ਗੰਭੀਰ ਬਿਮਾਰ ਲੱਦਾਖੀ ਮੂਲ ਦੇ ਵਿਅਕਤੀ ਨੂੰ ਲੇਹ ਤੋਂ ਏਅਰਲਿਫਟ ਕਰਕੇ ਚੰਡੀਗੜ੍ਹ ਪਹੁੰਚਾਇਆ।

ਇਕ ਰੱਖਿਆ ਬੁਲਾਰੇ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਿਮਾਲਿਆ ਦੇ ਔਖੇ ਪਹਾੜੀ ਖੇਤਰਾਂ ਅਤੇ ਖਰਾਬ ਮੌਸਮ ਵਿੱਚ ਘੁੱਪ ਹਨ੍ਹੇਰੇ ਦੌਰਾਨ ਇਹ ਮਿਸ਼ਨ ਬਹੁਤ ਚੁਣੌਤੀਪੂਰਨ ਸੀ, ਜਿਸ ਨੂੰ ਪਾਇਲਟਾਂ ਨੇ ਰਾਤ ਦੀ ਨਜ਼ਰ ਵਾਲੀਆਂ ਵਿਸ਼ੇਸ਼ ਐਨਕਾਂ (ਨਾਈਟ ਵਿਜ਼ਨ ਗੌਗਲਜ਼) ਦੀ ਮਦਦ ਨਾਲ ਸਫ਼ਲਤਾਪੂਰਵਕ ਨੇਪਰੇ ਚਾੜ੍ਹਿਆ। IAF ਦਾ C-130 ਜਹਾਜ਼ ਅਜਿਹੇ ਸੰਕਟਕਾਲੀਨ ਅਤੇ ਮਾਨਵਤਾਵਾਦੀ ਮਿਸ਼ਨਾਂ ਨੂੰ ਨਿਯਮਤ ਤੌਰ ’ਤੇ ਅੰਜਾਮ ਦਿੰਦਾ ਹੈ ਜਿੱਥੇ ਵਿਜ਼ੀਬਿਲਟੀ (ਨਜ਼ਰ ਆਉਣਾ) ਬਹੁਤ ਮਹੱਤਵਪੂਰਨ ਹੁੰਦੀ ਹੈ।

Advertisement

ਬੁਲਾਰੇ ਨੇ ਅੱਗੇ ਕਿਹਾ ਕਿ ਇਸ ਸਮੇਂ ਸਿਰ ਚੁੱਕੇ ਗਏ ਕਦਮ ਨਾਲ ਜਿੱਥੇ ਮਰੀਜ਼ ਨੂੰ ਤੁਰੰਤ ਜਾਨ ਬਚਾਉਣ ਵਾਲਾ ਮੈਡੀਕਲ ਇਲਾਜ ਮਿਲਿਆ ਹੈ, ਉੱਥੇ ਹੀ ਇਹ ਘਟਨਾ ਐਤਕੀਂ ਵੀ ਦੇਸ਼ ਅਤੇ ਦੁਨੀਆ ਵਿੱਚ “ਕਿਸੇ ਵੀ ਸਮੇਂ, ਕਿਤੇ ਵੀ” ਲੋੜਵੰਦਾਂ ਦੀ ਮਦਦ ਲਈ ਭਾਰਤੀ ਹਵਾਈ ਸੈਨਾ ਦੀ ਪੇਸ਼ੇਵਰਤਾ ਅਤੇ ਵਚਨਬੱਧਤਾ ਨੂੰ ਬਾਖ਼ੂਬੀ ਦਰਸਾਉਂਦੀ ਹੈ।

Advertisement

ਦੱਸਣਯੋਗ ਹੈ ਕਿ ਭਾਰਤੀ ਹਵਾਈ ਸੈਨਾ ਅਤੇ ਆਰਮੀ ਐਵੀਏਸ਼ਨ ਕੋਰ ਵੱਲੋਂ ਪਹਾੜੀ ਖੇਤਰਾਂ ਵਿੱਚ ਫ਼ੌਜੀ ਜਵਾਨਾਂ ਦੇ ਨਾਲ-ਨਾਲ ਮੁਸੀਬਤ ਵਿੱਚ ਫਸੇ ਆਮ ਨਾਗਰਿਕਾਂ ਦੀ ਸੁਰੱਖਿਆ ਅਤੇ ਬਚਾਅ ਲਈ ਲਗਾਤਾਰ ਅਜਿਹੇ ਅਭਿਆਨ ਚਲਾਏ ਜਾਂਦੇ ਹਨ। ਲੱਦਾਖ ਦੇ ਖਰਾਬ ਮੌਸਮ ਅਤੇ ਉੱਚਾਈ ਕਾਰਨ ਉੱਥੇ ਤਾਇਨਾਤ ਸੈਨਿਕਾਂ ਅਤੇ ਆਮ ਲੋਕਾਂ ਨੂੰ ਅਕਸਰ ਆਕਸੀਜਨ ਦੀ ਕਮੀ ਜਾਂ ਹੋਰ ਸਿਹਤ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਤੋਂ ਇਲਾਵਾ ਲੈਂਡਸਲਾਈਡ ਜਾਂ ਬਰਫ਼ ਦੇ ਤੋਦੇ ਡਿੱਗਣ ਵਰਗੀਆਂ ਕੁਦਰਤੀ ਆਫ਼ਤਾਂ ਦੌਰਾਨ ਵੀ ਲੋਕ ਫਸ ਜਾਂਦੇ ਹਨ।

ਅਜਿਹੇ ਗੰਭੀਰ ਮਾਮਲਿਆਂ ਵਿੱਚ ਮਰੀਜ਼ਾਂ ਨੂੰ ਪਹਿਲਾਂ ਹੈਲੀਕਾਪਟਰਾਂ ਰਾਹੀਂ ਦੂਰ-ਦੁਰਾਡੇ ਦੇ ਇਲਾਕਿਆਂ ਵਿੱਚੋਂ ਕੱਢਿਆ ਜਾਂਦਾ ਹੈ ਅਤੇ ਫਿਰ ਉੱਨਤ ਡਾਕਟਰੀ ਸਹੂਲਤਾਂ ਲਈ ਚੰਡੀਗੜ੍ਹ, ਸ਼੍ਰੀਨਗਰ ਜਾਂ ਜੰਮੂ ਵਰਗੇ ਵੱਡੇ ਸ਼ਹਿਰਾਂ ਵਿੱਚ ਫਿਕਸਡ-ਵਿੰਗ ਜਹਾਜ਼ਾਂ ਰਾਹੀਂ ਪਹੁੰਚਾਇਆ ਜਾਂਦਾ ਹੈ।

Advertisement
×