B.R. Ambedkar State Institute of Medical Sciences: ਸਰਕਾਰੀ ਮੈਡੀਕਲ ਕਾਲਜ ਸੈਕਟਰ 81 ’ਚ ਤਬਦੀਲ ਹੋਵੇਗਾ

ਜਗ੍ਹਾ ਦੀ ਘਾਟ ਹੋਣ ਕਾਰਨ ਉੱਥੇ ਮੈਡੀਕਲ ਕਾਲਜ ਦਾ ਹਾਲੇ ਤੱਕ ਹੋਸਟਲ ਨਹੀਂ ਬਣ ਸਕਿਆ ਅਤੇ ਕੁੱਝ ਹੋਰ ਵਿੰਗਾਂ ਲਈ ਵੀ ਇਮਾਰਤ ਦੀ ਘਾਟ ਦਰਪੇਸ਼ ਹੈ। ਸੈਕਟਰ 81 ਵਿੱਚ ਪਹਿਲਾਂ ਹੀ ਸਿੱਖਿਆ ਸੰਸਥਾਵਾਂ ਲਈ ਨਾਲੇਜ ਪਾਰਕ ਵਿਕਸਿਤ ਕੀਤਾ ਗਿਆ ਹੈ, ਜਿੱਥੇ ਆਇਸਰ, ਆਈ ਐੱਸ ਬੀ, ਨਾਬੀ ਸਮੇਤ ਕਈਂ ਕੇਂਦਰੀ ਸੰਸਥਾਵਾਂ ਮੌਜੂਦ ਹਨ। ਮੈਡੀਕਲ ਕਾਲਜ ਲਈ ਥਾਂ ਸੈਕਟਰ 81 ਅਤੇ ਸੈਕਟਰ 84 ਨੂੰ ਵੰਡਦੀ ਸੜਕ ਉੱਤੇ ਸੈਕਟਰ 81 ਵਿਚ ਸੰਸਥਾ ਨਾਬੀ (ਨੈਸ਼ਨਲ ਐਗਰੀਫੂਡ ਅਤੇ ਬਾਇਓ ਮੈਨੂਫੈਕਚਰਿੰਗ ਇੰਸਟੀਚਿਊਟ) ਦੇ ਪਿਛਲੇ ਦੇ ਪਿਛਲੇ ਪਾਸੇ ਅਲਾਟ ਕੀਤੀ ਗਈ ਹੈ।

ਗਮਾਡਾ ਨੇ ਇਸ ਲਗਪਗ 65 ਏਕੜ ਜਗ੍ਹਾ ’ਚ ਬੁਨਿਆਦੀ ਢਾਂਚਾ ਵਿਕਸਿਤ ਕਰਨ ਲਈ ਕਾਰਵਾਈ ਆਰੰਭ ਦਿੱਤੀ ਗਈ ਹੈ। ਇਹ ਥਾਂ ਖਾਲੀ ਪਈ ਹੈ ਤੇ ਇਸ ਵਿਚ ਵੱਡੀ ਗਿਣਤੀ ਵਿਚ ਆਪ ਮੁਹਾਰੇ ਪਹਾੜੀ ਕਿੱਕਰਾਂ ਉੱਗੀਆਂ ਹੋਈਆਂ ਹਨ। ਕਾਲਜ ਵਾਲੀ ਥਾਂ ਦੇ ਅੱਗੇ ਨੂੰ ਲੰਘਦੀ ਸੜਕ ਦੇ ਰੇਲ ਲਾਈਨ ਤੱਕ ਦੇ ਟੋਟੇ ਨੂੰ ਵੀ ਪੂਰਾ ਕੀਤਾ ਜਾ ਚੁੱਕਾ ਹੈ ਤੇ ਇਸ ’ਤੇ ਆਵਾਜਾਈ ਚਾਲੂ ਹੋ ਗਈ ਹੈ।

ਰੇਲ ਲਾਈਨ ਤੋਂ ਦੂਜੇ ਪਾਸੇ ਪੈਂਦੇ ਅਗਲੇਰੇ ਖੇਤਰਾਂ ਦੀਆਂ ਸੜਕਾਂ ਬਣਾਉਣ ਲਈ ਵੀ ਜ਼ਮੀਨ ਐਕੁਆਇਰ ਕਰਨ ਦੀ ਪ੍ਰਕਿਰਿਆ ਗਮਾਡਾ ਵੱਲੋਂ ਆਰੰਭੀ ਜਾ ਚੁੱਕੀ ਹੈ। ਰੇਲ ਪਟੜੀ ਦੇ ਦੋਵੇਂ ਪਾਸੇ ਸਨੇਟਾ ਤੱਕ ਵੀ ਸੜਕ ਬਣਾਈ ਜਾਣੀ ਹੈ।