ਪਿੰਡਾਂ ਦੇ ਵਿਕਾਸ ਲਈ ਸਰਕਾਰ ਵਚਨਬੱਧ: ਬੈਂਸ

ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਨੇ ਅੱਜ 69 ਪਿੰਡਾਂ ਦੀਆਂ ਪੰਚਾਇਤਾਂ ਨੂੰ ਕੁੱਲ 2.50 ਕਰੋੜ ਰੁਪਏ ਦੇ ਵਿਕਾਸ ਗ੍ਰਾਂਟ ਚੈੱਕ ਵੰਡੇ। ਉਨ੍ਹਾਂ ਕਿਹਾ ਕਿ ਪਿੰਡਾਂ ਦੇ ਵਿਕਾਸ ਲਈ ਪੰਜਾਬ ਸਰਕਾਰ ਹਰ ਸੰਭਵ ਯਤਨ ਕਰ ਰਹੀ ਹੈ ਅਤੇ ਕਿਸੇ ਕੰਮ ਵਿੱਚ ਕਸਰ ਨਹੀਂ ਛੱਡੀ ਜਾਵੇਗੀ।

ਅੱਜ ਸਥਾਨਕ ਮੀਡੀਆ ਸੈਂਟਰ ਵਿੱਚ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਹਰਜੋਤ ਸਿੰਘ ਬੈਂਸ ਨੇ ਦੱਸਿਆ ਕਿ ਗਲੀਆਂ-ਨਾਲੀਆਂ, ਸੀਵਰੇਜ ਪ੍ਰਣਾਲੀ, ਗੰਦੇ ਪਾਣੀ ਦੀ ਨਿਕਾਸੀ, ਖੇਡ ਗਰਾਉਂਡਾਂ ਅਤੇ ਹੋਰ ਬੁਨਿਆਦੀ ਢਾਂਚੇ ਦੇ ਕੰਮਾਂ ਲਈ ਰਕਮ ਜਾਰੀ ਕੀਤੀ ਗਈ ਹੈ।

ਨਾਨਗਰਾਂ ਪਿੰਡ ਲਈ 12.50 ਲੱਖ, ਸਹਿਜੋਵਾਲ ਲਈ 9 ਲੱਖ, ਥੱਪਲ ਲਈ 7.50 ਲੱਖ, ਬ੍ਰਹਮਪੁਰ ਅੱਪਰ ਲਈ 7 ਲੱਖ, ਸਜਮੌਰ ਲਈ 7.50 ਲੱਖ, ਤਾਰਾਪੁਰ ਲਈ 6 ਲੱਖ ਅਤੇ ਤਿੜਕ ਕਰਮਾਂ, ਤਿੜਕ ਗਾਂਧੀ ਬਾਸ, ਬੜਾਂ, ਸੱਧੇਵਾਲ, ਕਲੋਤਾ, ਲਖੇੜ, ਬਣੀ, ਨੱਕੀਆਂ, ਹਰਸਾਬੇਲਾ ਅਤੇ ਭਨੂਪਲੀ ਸਮੇਤ ਕਈ ਪਿੰਡਾਂ ਲਈ 5-5 ਲੱਖ ਰੁਪਏ ਮਨਜ਼ੂਰ ਕਰਕੇ ਜਾਰੀ ਕੀਤੇ ਗਏ। ਇਸ ਤੋਂ ਇਲਾਵਾ ਗੰਗੂਵਾਲ, ਦਬੂੜ ਅੱਪਰ, ਗੱਗ, ਬੱਢਲ ਅੱਪਰ, ਬਾਸੋਵਾਲ ਕਲੋਨੀ, ਗੱਜਪੁਰ, ਸਰਸਾ ਨੰਗਲ, ਦੋਨਾਲ, ਖਾਨਪੁਰ, ਢਾਹੇ, ਕੋਟਬਾਲਾ ਅਤੇ ਹੋਰ ਪਿੰਡਾਂ ਨੂੰ 4 ਲੱਖ ਤੋਂ 2.50 ਲੱਖ ਰੁਪਏ ਤੱਕ ਦੀ ਗ੍ਰਾਂਟ ਮਿਲੀ। ਕਈ ਪਿੰਡਾਂ ਵਿੱਚ ਖੇਡ ਗਰਾਊਂਡਾਂ ਦੀ ਸੰਭਾਲ ਅਤੇ ਗੰਦੇ ਪਾਣੀ ਦੇ ਨਿਕਾਸੀ ਪ੍ਰਣਾਲੀ ਲਈ ਵੱਖ-ਵੱਖ ਰਕਮਾਂ ਜਾਰੀ ਕੀਤੀਆਂ ਗਈਆਂ ਹਨ।

ਨੱਕੀਆਂ, ਭੀਖਾਪੁਰ, ਹੰਬੇਵਾਲ ਅਤੇ ਹੋਰ ਪਿੰਡਾਂ ਵਿੱਚ ਖੇਡ ਗਰਾਉਂਡਾਂ ਦੇ ਵਿਕਾਸ ਲਈ ਵੀ ਰਕਮ ਨਿਰਧਾਰਤ ਕੀਤੀ ਗਈ ਹੈ। ਹਰਜੋਤ ਸਿੰਘ ਬੈਂਸ ਨੇ ਜ਼ੋਰ ਦੇ ਕੇ ਕਿਹਾ ਕਿ ਪਿੰਡਾਂ ਦੀ ਤਰੱਕੀ ਲਈ ਯੋਜਨਾਬੱਧ ਢੰਗ ਨਾਲ ਕੰਮ ਕੀਤਾ ਜਾ ਰਿਹਾ ਹੈ, ਤਾਂ ਜੋ ਲੋਕਾਂ ਨੂੰ ਬਿਹਤਰ ਸਹੂਲਤਾਂ ਮਿਲ ਸਕਣ।