ਪੀ.ਪੀ. ਵਰਮਾ
ਪੰਚਕੂਲਾ, 15 ਅਪਰੈਲ
ਪਿਜੌਰ ਦੇ ਧਰਮਪੁਰ ਵਿੱਚ ਪੈਂਦੀ ਗਰੀਨ ਵੈਲੀ ਵਿੱਚ ਅੱਜ ਦੁਪਹਿਰੇ ਅੱਗ ਲੱਗ ਗਈ। ਇਸ ਅੱਗ ਕਾਰਨ ਆਸਪਾਸ ਦੇ ਆਬਾਦੀ ਵਾਲੇ ਇਲਾਕੇ ਵਿੱਚ ਦਹਿਸ਼ਤ ਫੈਲ ਗਈ। ਗਰੀਨ ਵੈਲੀ ਦੇ ਵਸਨੀਕ ਮੇਨਪਾਲ ਨੇ ਦੱਸਿਆ ਇਸ ਬਾਰੇ ਫਾਇਰ ਬ੍ਰਿਗੇਡ ਨੂੰ ਸੂਚਨਾ ਦੇ ਦਿੱਤੀ ਗਈ ਸੀ ਪਰ ਫਾਇਰ ਬ੍ਰਿਗੇਡ ਨੇ ਆਉਣ ਵਿੱਚ ਕਾਫ਼ੀ ਸਮਾਂ ਲਿਆ। ਉਸ ਨੇ ਦੱਸਿਆ ਕਿ ਜੰਗਲ ਵਿੱਚ ਕਈ ਥਾਵਾਂ ਤੇ ਅੱਗ ਲੱਗੀ ਹੋਈ ਸੀ ਜਿਸ ਕਾਰਨ ਜੰਗਲੀ ਜਾਨਵਰ ਆਬਾਦੀ ਵਾਲੇ ਇਲਾਕੇ ਵਿੱਚ ਆ ਗਏ। ਅੱਗ ਨੇ ਆਬਾਦੀ ਵਾਲੇ ਖੇਤਰ ਨੂੰ ਵੀ ਆਪਣੀ ਝਪੇਟ ਵਿੱਚ ਲੈ ਲੈਣਾ ਸੀ ਪਰ ਮੌਕੇ ’ਤੇ ਇਕੱਠੇ ਹੋਏ ਲੋਕਾਂ ਨੇ ਕਾਫੀ ਮੁਸ਼ੱਕਤ ਨਾਲ ਅੱਗ ਨੂੰ ਅੱਗੇ ਵਧਣ ਤੋਂ ਰੋਕਿਆ। ਇਸ ਦੇ ਬਾਵਜੂਦ ਰਿਹਾਇਸੀ ਖੇਤਰ ’ਚ ਬਣੇ ਕਈ ਘਰ ਇਸ ਅੱਗ ਦੀ ਲਪੇਟ ਵਿੱਚ ਆ ਗਏ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।