ਪੱਤਰਕਾਰ ਅਤੇ ਕਵੀ ਧਰਮਪਾਲ ਉਪਾਸ਼ਕ ਨੂੰ ਅੰਤਿਮ ਵਿਦਾਇਗੀ

ਧਰਮਪਾਲ ਉਪਾਸ਼ਕ ਦੀ ਵੱਡ ਆਕਾਰੀ ਤਸਵੀਰ ਲਾ ਕੇ ਅੰਤਿਮ ਯਾਤਰਾ ਉਨ੍ਹਾਂ ਦੇ ਫੇਜ਼ ਪੰਜ ਵਿਚਲੇ ਘਰ ਤੋਂ ਆਰੰਭ ਹੋ ਕੇ ਸ਼ਮਸ਼ਾਨਘਾਟ ਪਹੁੰਚੀ, ਜਿੱਥੇ ਉਨ੍ਹਾਂ ਦਾ ਸਸਕਾਰ ਕੀਤਾ ਗਿਆ। ਉਨ੍ਹਾਂ ਦੇ ਪੁੱਤਰ ਕੁਮਾਰ ਪਵਨਦੀਪ, ਧੀ ਅਨੀਤਾ, ਪੋਤਰੇ ਅਨਿਕੇਤ ਅਤੇ ਅਨੁਰਾਗ ਨੇ ਚਿਤਾ ਨੂੰ ਅਗਨੀ ਦਿਖਾਈ। ਇਸ ਮੌਕੇ ਵੱਖ-ਵੱਖ ਸਾਹਿਤ ਸਭਾਵਾਂ ਅਤੇ ਪ੍ਰੈੱਸ ਕਲੱਬਾਂ ਨੇ ਉਨ੍ਹਾਂ ਦੀ ਮ੍ਰਿਤਕ ਦੇਹ ’ਤੇ ਫੁੱਲ ਮਾਲਾਵਾਂ ਅਤੇ ਲੋਈਆਂ ਪਾਈਆਂ। ਧਰਮਪਾਲ ਉਪਸ਼ਕ ਨਮਿਤ ਅੰਤਿਮ ਅਰਦਾਸ 30 ਅਗਸਤ ਨੂੰ ਮੁਹਾਲੀ ਦੇ ਫੇਜ਼ ਪੰਜ ਦੇ ਗੁਰਦੁਆਰੇ ਵਿੱਚ ਦੁਪਹਿਰ ਬਾਰਾਂ ਤੋਂ ਦੋ ਵਜੇ ਤੱਕ ਹੋਵੇਗੀ।

ਇਸ ਮੌਕੇ ਹਲਕਾ ਵਿਧਾਇਕ ਕੁਲਵੰਤ ਸਿੰਘ, ਲਖਵਿੰਦਰ ਕੌਰ ਗਰਚਾ, ਕੁਲਜੀਤ ਸਿੰਘ ਬੇਦੀ, ਪੰਜਾਬੀ ਟ੍ਰਿਬਿਊਨ ਦੇ ਸਾਬਕਾ ਸੰਪਾਦਕ ਡਾ. ਸਵਰਾਜਬੀਰ, ਡਾ. ਸੁਖਦੇਵ ਸਿੰਘ ਸਿਰਸਾ, ਮਲਕੀਤ ਰੌਣੀ, ਸੁਸ਼ੀਲ ਦੁਸਾਂਝ, ਜਸਵੰਤ ਦਮਨ, ਦੇਵਿੰਦਰ ਦਮਨ, ਗੁਰਨਾਮ ਕੰਵਰ, ਦਰਸ਼ਨ ਔਲਖ, ਬਲਕਾਰ ਸਿੱਧੂ, ਬਲਵਿੰਦਰ ਉੱਤਮ, ਸੁਰਜੀਤ ਜੱਜ, ਗੁਰਪ੍ਰੀਤ ਕੌਰ ਭੰਗੂ, ਗੁਰਭੇਜ ਗੁਰਾਇਆ, ਦਲਜੀਤ ਸਿੰਘ ਸ਼ਾਹੀ, ਰਮਨ ਢਿੱਲੋਂ, ਸੰਜੀਵਨ ਸਿੰਘ, ਰੰਜੀਵਨ ਸਿੰਘ, ਡਾ. ਅਰੀਤ, ਜਸਬੀਰ ਗਿੱਲ, ਬਲਬੀਰ ਸੂਫ਼ੀ, ਸਿਕੰਦਰ ਸਲੀਮ, ਲੱਖਾ ਲਹਿਰੀ, ਇੰਦਰਜੀਤ ਗੋਲਡੀ, ਡਾ. ਸ਼ਿੰਦਰਪਾਲ ਸਿੰਘ, ਕੌਂਸਲਰ ਪਰਮਜੀਤ ਸਿੰਘ ਕਾਹਲੋਂ, ਸਤਵੀਰ ਸਿੰਘ ਧਨੋਆ, ਮਨਜੀਤ ਸਿੰਘ ਸੇਠੀ, ਸ਼ਮਸ਼ੇਰ ਪੁਰਖਾਲਵੀ ਤੋਂ ਇਲਾਵਾ ਪੱਤਰਕਾਰ ਗੁਰਪ੍ਰੀਤ ਸਿੰਘ ਨਿਆਮੀਆਂ, ਕਮਲਜੀਤ ਸਿੰਘ ਬਨਵੈਤ, ਡਾ. ਭੁਪਿੰਦਰ ਸਿੰਘ, ਕਿਰਨਦੀਪ ਕੌਰ, ਅਜਾਇਬ ਔਜਲਾ, ਗੁਰਜੀਤ ਬਿੱਲਾ ਅਤੇ ਰਣਜੀਤ ਰਾਣਾ ਹਾਜ਼ਰ ਸਨ।