ਖੇਤਰੀ ਪ੍ਰਤੀਨਿਧ
ਚੰਡੀਗੜ੍ਹ, 25 ਨਵੰਬਰ
ਕੇਂਦਰ ਸਰਕਾਰ ਦੀ ਕਿਰਾਇਆ ਹਾਊਸਿੰਗ ਕੰਪਲੈਕਸ ਯੋਜਨਾ ਅਧੀਨ ਇਥੋਂ ਦੇ ਸੈਕਟਰ-52 ਅਤੇ 56 ਸਥਿਤ ਟੀਨ ਸ਼ੈੱਡ ਕਲੋਨੀ ਦੇ ਵਾਸੀਆਂ ਨੂੰ ਹਾਊਸਿੰਗ ਬੋਰਡ ਵੱਲੋਂ ਮਲੌਆ ਪਿੰਡ ਵਿੱਚ ਬਣਾਏ ਗਏ ਈਡਬਲਯੂਐੱਸ ਫਲੈਟਾਂ ਵਿੱਚ ਕਿਰਾਏ ਦੇ ਆਧਾਰ ’ਤੇ ਸ਼ਿਫਟ ਕਰਨ ਲਈ ਅੱਜ ਲਾਭਪਾਤਰੀਆਂ ਲਈ ਦੂਜੇ ਗੇੜ ਦੇ ਡਰਾਅ ਕੱਢੇ ਗਏ। ਐੱਸਡੀਐੱਮ ਸੁਧਾਂਸ਼ੂ ਗੌਤਮ ਦੀ ਦੇਖਰੇਖ ਹੇਠ ਇਸ ਯੋਜਨਾ ਤਹਿਤ ਅੱਜ ਕੁੱਲ 448 ਲਾਭਪਾਤਰੀਆਂ ਨੂੰ ਕਿਰਾਏ ਦੇ ਆਧਾਰ ’ਤੇ ਫਲੈਟ ਅਲਾਟ ਕਰਨ ਲਈ ਡਰਾਅ ਕੱਢੇ ਗਏ। ਇਨ੍ਹਾਂ ’ਚ 15 ਜਣਿਆਂ ਨੂੰ ਅਪੰਗ ਹੋਣ ਕਾਰਨ ਪਹਿਲ ਦੇ ਆਧਾਰ ’ਤੇ ਗਰਾਊਂਡ ਫਲੋਰ ਵਾਲੇ ਫਲੈਟ ਅਲਾਟ ਕੀਤੇ ਗਏ।