ਪੀ. ਪੀ. ਵਰਮਾ
ਪੰਚਕੂਲਾ, 12 ਜੁਲਾਈ
ਪੰਚਕੂਲਾ ਜ਼ਿਲ੍ਹੇ ਵਿੱਚ ਕਰੋਨਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਅੱਜ ਸੀਆਰਪੀਐਫ ਜਵਾਨ ਸਮੇਤ ਨੌ ਨਵੇਂ ਕਰੋਨਾ ਪਾਜ਼ੇਟਿਵ ਮਰੀਜ਼ ਸਾਹਮਣੇ ਆਏ ਹਨ। ਇਨ੍ਹਾਂ ਵਿੱਚੋਂ 8 ਮਰੀਜ਼ ਪੰਚਕੂਲਾ ਜ਼ਿਲ੍ਹੇ ਦੇ ਅਤੇ ਇੱਕ ਕੇਸ ਜ਼ੀਰਕਪੁਰ ਤੋਂ ਆਇਆ ਹੈ। ਪੰਚਕੂਲਾ ਦੀ ਸਿਵਲ ਸਰਜਨ ਡਾ. ਜਸਜੀਤ ਕੌਰ ਨੇ ਦੱਸਿਆ ਕਿ ਨਵੇਂ ਮਰੀਜ਼ਾਂ ਵਿੱਚ ਕਾਲਕਾ ਦੀ 19 ਸਾਲ ਦੀ ਲੜਕੀ, 35 ਸਾਲਾ ਵਿਅਕਤੀ, ਮਨਸਾ ਦੇਵੀ ਕੰਪਲੈਕਸ ਵਿੱਚੋਂ 20 ਸਾਲਾ ਅਤੇ 43 ਸਾਲਾ ਵਿਅਕਤੀ, ਆਸ਼ੀਆਨਾ ਦਾ ਇੱਕ ਵਿਅਕਤੀ, ਸੈਕਟਰ-27 ਦਾ 41 ਸਾਲਾ ਵਿਅਕਤੀ , ਆਸ਼ੀਆਨਾ ਦਾ 15 ਸਾਲਾ ਦਾ ਲੜਕਾ, ਇੰਡਸਟਰੀਅਲ ਏਰੀਏ ਦਾ ਇੱਕ ਵਿਅਕਤੀ ਅਤੇ ਸੀਆਰਪੀਐਫ ਕੈਂਪ ਪਿੰਜੌਰ ਦਾ ਇਕ ਜਵਾਨ ਸ਼ਾਮਲ ਹੈ। ਉਨ੍ਹਾਂ ਦੱਸਿਆ ਕਿ ਇੱਕ ਮਰੀਜ਼ ਜ਼ੀਰਕਪੁਰ ਦਾ ਹੈ ਜਿਸ ਦੀ ਉਮਰ 46 ਸਾਲ ਹੈ।