ਚੰਡੀਗੜ੍ਹ: ਭਾਰਤੀ ਜਨਤਾ ਪਾਰਟੀ ਨੇ ਆਗਾਮੀ ਚੰਡੀਗੜ੍ਹ ਨਗਰ ਨਿਗਮ ਦੀਆਂ ਚੋਣਾਂ ਸਬੰਧੀ ਪਾਰਟੀ ਦੇ 7 ਉਮੀਦਵਾਰਾਂ ਦੀ ਦੂਜੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਇਹ ਸੂਚੀ ਭਾਜਪਾ ਪ੍ਰਧਾਨ ਅਰੁਣ ਸੂਦ ਵੱਲੋਂ ਜਾਰੀ ਕੀਤੀ ਗਈ ਹੈ। ਭਾਜਪਾ ਪ੍ਰਧਾਨ ਅਰੁਣ ਸੂਦ ਵੱਲੋਂ ਜਾਰੀ ਕੀਤੀ ਗਈ ਸੂਚੀ ਤਹਿਤ ਵਾਰਡ ਨੰਬਰ-2 ਤੋਂ ਮਹੇਸ਼ਇੰਦਰ ਸਿੱਧੂ, ਵਾਰਡ ਨੰਬਰ-8 ਤੋਂ ਹਰਜੀਤ ਸਿੰਘ, ਵਾਰਡ ਨੰਬਰ-14 ਤੋਂ ਕੁਲਜੀਤ ਸਿੰਘ ਸੰਧੂ, ਵਾਰਡ ਨੰਬਰ-18 ਤੋਂ ਸੁਨੀਤਾ ਧਵਨ, ਵਾਰਡ ਨੰਬਰ-19 ਤੋਂ ਯੋਗਿਤਾ ਵਿੱਕੀ ਸ਼ੇਰਾ, ਵਾਰਡ ਨੰਬਰ-25 ਤੋਂ ਵਿਜੈ ਰਾਣਾ, ਵਾਰਡ ਨੰਬਰ-30 ਤੋਂ ਸ਼ਕਤੀ ਦੇਵਸ਼ਾਲੀ ਨੂੰ ਉਮੀਦਵਾਰ ਐਲਾਨਿਆ ਹੈ। -ਟ੍ਰਿਬਿਊਨ ਨਿਊਜ਼ ਸਰਵਿਸ