ਚੰਡੀਗੜ੍ਹ, 27 ਮਈ
ਕਸਟਮ ਵਿਭਾਗ ਨੇ 25 ਮਈ ਨੂੰ ਚੰਡੀਗੜ੍ਹ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਦੁਬਈ ਤੋਂ ਆਏ ਦੋ ਯਾਤਰੀਆਂ ਤੋਂ 2 ਕਰੋੜ ਰੁਪਏ ਤੋਂ ਵੱਧ ਮੁੱਲ ਦਾ ਚਾਰ ਕਿਲੋ ਸੋਨਾ ਬਰਾਮਦ ਕੀਤਾ ਹੈ। ਅਧਿਕਾਰੀਆਂ ਨੇ ਇੱਕ ਯਾਤਰੀ ਨੂੰ ਰੋਕ ਕੇ ਉਸ ਦੇ ਹੈਂਡ ਬੈਗ ਵਿੱਚੋਂ ਇੱਕ-ਇੱਕ ਕਿਲੋ ਦੀਆਂ ਚਾਰ ਸੋਨੇ ਦੀਆਂ ਇੱਟਾਂ ਬਰਾਮਦ ਕੀਤੀਆਂ। ਸੋਨੇ ਦੀਆਂ ਇੱਟਾਂ ਨੂੰ ਤੌਲੀਏ ’ਚ ਲਪੇਟਿਆ ਹੋਇਆ ਸੀ। ਸੋਨੇ ਦੀ ਬਾਜ਼ਾਰੀ ਕੀਮਤ 2.08 ਕਰੋੜ ਰੁਪਏ ਹੈ। ਕਸਟਮ ਅਧਿਕਾਰੀਆਂ ਨੇ ਉਸੇ ਫਲਾਈਟ ਤੋਂ ਇਕ ਹੋਰ ਯਾਤਰੀ ਨੂੰ ਰੋਕਿਆ ਅਤੇ 142 ਗ੍ਰਾਮ ਵਜ਼ਨ ਦੀ ਸੋਨੇ ਦੀ ਚੇਨ ਦੇ ਪੰਜ ਕੱਟੇ ਹੋਏ ਟੁਕੜੇ ਮਿਲੇ, ਜਿਨ੍ਹਾਂ ਦੀ ਬਾਜ਼ਾਰੀ ਕੀਮਤ 7.36 ਲੱਖ ਰੁਪਏ ਹੈ।