Stock Market: ਤੇਲ ਦੀਆਂ ਕੀਮਤਾਂ ਵਿੱਚ ਉਛਾਲ ਦੇ ਚਲਦਿਆਂ ਸ਼ੇਅਰ ਬਾਜ਼ਾਰਾਂ ’ਚ ਗਿਰਾਵਟ

Stock Market: ਪੱਛਮੀ ਏਸ਼ੀਆ ਵਿੱਚ ਤਣਾਅ ਦੇ ਨਵੇਂ ਸਿਰੇ ਤੋਂ ਵਧਣ ਤੋਂ ਬਾਅਦ ਤੇਲ ਦੀਆਂ ਵਧਦੀਆਂ ਕੀਮਤਾਂ ਅਤੇ ਕਮਜ਼ੋਰ ਵਿਸ਼ਵਵਿਆਪੀ ਬਾਜ਼ਾਰ ਦੇ ਰੁਝਾਨਾਂ ਦੇ ਵਿਚਕਾਰ ਸੋਮਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿੱਚ ਬੈਂਚਮਾਰਕ ਸੂਚਕ ਸੈਂਸੈਕਸ ਅਤੇ ਨਿਫਟੀ ਵਿੱਚ ਗਿਰਾਵਟ ਆਈ। ਸੰਯੁਕਤ ਅਰਬ ਅਮੀਰਾ (ਯੂ.ਏ.ਈ.) ਵਿੱਚ ਬਰਾਕਾਹ ਪ੍ਰਮਾਣੂ ਸਹੂਲਤ ਨੂੰ ਐਤਵਾਰ ਨੂੰ ਇੱਕ ਡਰੋਨ ਹਮਲੇ ਨੇ ਨਿਸ਼ਾਨਾ ਬਣਾਇਆ, ਜੋ ਪੱਛਮੀ ਏਸ਼ੀਆ ਸੰਘਰਸ਼ ਵਿੱਚ ਇੱਕ ਖ਼ਤਰਨਾਕ ਵਾਧੇ ਨੂੰ ਦਰਸਾਉਂਦਾ ਹੈ।

30 ਸ਼ੇਅਰਾਂ ਵਾਲਾ BSE Sensex ਸ਼ੁਰੂਆਤੀ ਕਾਰੋਬਾਰ ਵਿੱਚ 833.20 ਅੰਕ ਡਿੱਗ ਕੇ 74,404.79 ’ਤੇ ਆ ਗਿਆ। 50 ਸ਼ੇਅਰਾਂ ਵਾਲਾ ਐੱਨ ਐੱਸ ਈ ਨਿਫਟੀ 234 ਅੰਕ ਡਿੱਗ ਕੇ 23,401.70 'ਤੇ ਆ ਗਿਆ। 30-ਸੈਂਸੈਕਸ ਕੰਪਨੀਆਂ ਵਿੱਚੋਂ, ਟਾਟਾ ਸਟੀਲ, ਪਾਵਰ ਗ੍ਰਿਡ, ਮਾਰੂਤੀ, ਟ੍ਰੈਂਟ, ਟਾਈਟਨ ਅਤੇ ਐੱਚ.ਡੀ.ਐੱਫ.ਸੀ. ਬੈਂਕ ਸਭ ਤੋਂ ਵੱਧ ਪੱਛੜਨ ਵਾਲਿਆਂ ਵਿੱਚ ਸਨ।

ਇਨਫੋਸਿਸ, ਟੈਕ ਮਹਿੰਦਰਾ, ਭਾਰਤੀ ਏਅਰਟੈੱਲ ਅਤੇ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ ਮੁਨਾਫਾ ਕਮਾਉਣ ਵਾਲਿਆਂ ਵਿੱਚ ਰਹੇ। ਗਲੋਬਲ ਤੇਲ ਬੈਂਚਮਾਰਕ ਬ੍ਰੈਂਟ ਕਰੂਡ 1.79 ਫੀਸਦੀ ਵਧ ਕੇ 111.2 ਡਾਲਰ ਪ੍ਰਤੀ ਬੈਰਲ 'ਤੇ ਕਾਰੋਬਾਰ ਕਰ ਰਿਹਾ ਸੀ।

ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਇਰਾਨ ਨੂੰ 'ਜਲਦੀ ਅਤੇ ਤੇਜ਼ੀ ਨਾਲ ਕਦਮ ਚੁੱਕਣ' (get moving, FAST) ਦੀ ਚਿਤਾਵਨੀ ਨੇ ਇੱਕ ਵਾਰ ਫਿਰ ਗਲੋਬਲ ਕੱਚੇ ਤੇਲ ਦੀ ਸਪਲਾਈ ਦੇ ਰੂਟਾਂ, ਖਾਸ ਤੌਰ 'ਤੇ ਹੋਰਮੁਜ਼ ਦੇ ਜਲਮਾਰਗ ਦੇ ਆਲੇ-ਦੁਆਲੇ ਸੰਭਾਵਿਤ ਵਿਘਨ ਬਾਰੇ ਚਿੰਤਾਵਾਂ ਨੂੰ ਮੁੜ ਸੁਰਜੀਤ ਕਰ ਦਿੱਤਾ ਹੈ।"

ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਭਾਰਤੀ ਬਾਜ਼ਾਰਾਂ ਲਈ ਸਭ ਤੋਂ ਵੱਡੀ ਚਿੰਤਾ ਕੱਚੇ ਤੇਲ ਦੀਆਂ ਵਧੀਆਂ ਕੀਮਤਾਂ ਅਤੇ ਕਰੰਸੀ ਦਾ ਦਬਾਅ ਬਣੀ ਹੋਈ ਹੈ।

ਸ਼ੁੱਕਰਵਾਰ ਨੂੰ, ਸੈਂਸੈਕਸ 160.73 ਅੰਕ ਜਾਂ 0.21 ਫੀਸਦੀ ਡਿੱਗ ਕੇ 75,237.99 'ਤੇ ਬੰਦ ਹੋਇਆ ਸੀ। ਨਿਫਟੀ 46.10 ਅੰਕ ਜਾਂ 0.19 ਫੀਸਦੀ ਦੀ ਗਿਰਾਵਟ ਨਾਲ 23,643.50 'ਤੇ ਬੰਦ ਹੋਇਆ, ਜਿਸ ਨਾਲ ਇਸਦੀ ਦੋ ਦਿਨਾਂ ਦੀ ਬੜ੍ਹਤ ਦਾ ਸਿਲਸਿਲਾ ਰੁਕ ਗਿਆ।

ਉਧਰ ਰੁਪੱਈਆ ਕਮਜ਼ੋਰ ਰੁਖ਼ ਨਾਲ ਖੁੱਲ੍ਹਿਆ ਅਤੇ ਸੋਮਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿੱਚ 96.25 ਦੇ ਹੁਣ ਤੱਕ ਦੇ ਸਭ ਤੋਂ ਹੇਠਲੇ ਪੱਧਰ 'ਤੇ ਆ ਗਿਆ, ਕਿਉਂਕਿ ਕੱਚੇ ਤੇਲ ਦੀਆਂ ਵਧੀਆਂ ਕੀਮਤਾਂ, ਵਿਸ਼ਵਵਿਆਪੀ ਅਨਿਸ਼ਚਿਤਤਾ ਅਤੇ ਮਜ਼ਬੂਤ ਹੁੰਦਾ ਡਾਲਰ ਘਰੇਲੂ ਕਰੰਸੀ ਲਈ ਮੁੱਖ ਜੋਖਮ ਬਣੇ ਹੋਏ ਹਨ।