Stock Market: HDFC ਅਤੇ AXIS ਬੈਂਕ ਵਿੱਚ ਭਾਰੀ ਬਿਕਰੀ ਕਾਰਨ ਸੈਂਸੈਕਸ 443 ਅੰਕ ਡਿੱਗਿਆ
ਮਾਰਜਨ ਨਾਲ ਜੁੜੀਆਂ ਚਿੰਤਾਵਾਂ ਅਤੇ ਅਮਰੀਕਾ-ਇਰਾਨ ਤਣਾਅ ਦੇ ਵਧਣ ਦੇ ਵਿਚਕਾਰ ਬਲੂ-ਚਿਪ ਬੈਂਕ ਸਟਾਕਸ ਐੱਚ.ਡੀ.ਐੱਫ.ਸੀ. ਬੈਂਕ ਅਤੇ ਐਕਸਿਸ ਬੈਂਕ ਵਿੱਚ ਭਾਰੀ ਬਿਕਰੀ ਦੇ ਕਾਰਨ ਸੋਮਵਾਰ ਨੂੰ ਬੈਂਚਮਾਰਕ ਇੰਡੈਕਸ ਸੈਂਸੈਕਸ ਅਤੇ ਨਿਫਟੀ ਗਿਰਾਵਟ ਨਾਲ ਬੰਦ ਹੋਏ। 30 ਸ਼ੇਅਰਾਂ ਵਾਲਾ ਬੀ.ਐੱਸ.ਈ....
ਮਾਰਜਨ ਨਾਲ ਜੁੜੀਆਂ ਚਿੰਤਾਵਾਂ ਅਤੇ ਅਮਰੀਕਾ-ਇਰਾਨ ਤਣਾਅ ਦੇ ਵਧਣ ਦੇ ਵਿਚਕਾਰ ਬਲੂ-ਚਿਪ ਬੈਂਕ ਸਟਾਕਸ ਐੱਚ.ਡੀ.ਐੱਫ.ਸੀ. ਬੈਂਕ ਅਤੇ ਐਕਸਿਸ ਬੈਂਕ ਵਿੱਚ ਭਾਰੀ ਬਿਕਰੀ ਦੇ ਕਾਰਨ ਸੋਮਵਾਰ ਨੂੰ ਬੈਂਚਮਾਰਕ ਇੰਡੈਕਸ ਸੈਂਸੈਕਸ ਅਤੇ ਨਿਫਟੀ ਗਿਰਾਵਟ ਨਾਲ ਬੰਦ ਹੋਏ। 30 ਸ਼ੇਅਰਾਂ ਵਾਲਾ ਬੀ.ਐੱਸ.ਈ. ਸੈਂਸੈਕਸ 442.93 ਅੰਕ ਭਾਵ 0.57 ਫੀਸਦੀ ਡਿੱਗ ਕੇ 77,708.52 'ਤੇ ਬੰਦ ਹੋਇਆ।
ਦਿਨ ਦੇ ਕਾਰੋਬਾਰ ਦੌਰਾਨ ਇਹ 783.16 ਅੰਕ ਭਾਵ 1 ਫੀਸਦੀ ਤੱਕ ਡਿੱਗ ਕੇ 77,368.29 'ਤੇ ਆ ਗਿਆ ਸੀ। 50 ਸ਼ੇਅਰਾਂ ਵਾਲਾ ਐੱਨ.ਐੱਸ.ਈ. ਨਿਫਟੀ 95.80 ਭਾਵ ਯਾਨੀ 0.39 ਫੀਸਦੀ ਕਮਜ਼ੋਰ ਹੋ ਕੇ 24,238.50 'ਤੇ ਬੰਦ ਹੋਇਆ। ਸੈਂਸੈਕਸ ਦੇ ਸ਼ੇਅਰਾਂ ਵਿੱਚ ਐਕਸਿਸ ਬੈਂਕ ਵੀਕੈਂਡ 'ਤੇ ਆਏ ਤਿਮਾਹੀ ਨਤੀਜਿਆਂ ਤੋਂ ਬਾਅਦ 5.48 ਫੀਸਦੀ ਦੀ ਗਿਰਾਵਟ ਨਾਲ ਸਭ ਤੋਂ ਵੱਧ ਨੁਕਸਾਨ ਵਿੱਚ ਰਿਹਾ।
ਐੱਚ.ਡੀ.ਐੱਫ.ਸੀ. ਬੈਂਕ ਵਿੱਚ 5.12 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ। ਉਮੀਦ ਨਾਲੋਂ ਕਮਜ਼ੋਰ ਨੈੱਟ ਇੰਟਰਸਟ ਮਾਰਜਿਨ ਕਾਰਨ ਐੱਚ.ਡੀ.ਐੱਫ.ਸੀ. ਬੈਂਕ ਵਿੱਚ ਆਈ ਭਾਰੀ ਗਿਰਾਵਟ ਨੇ ਨਿਵੇਸ਼ਕਾਂ ਨੂੰ ਨਿਰਾਸ਼ ਕੀਤਾ, ਜਿਸ ਨਾਲ ਬੈਂਕਿੰਗ ਸੈਕਟਰ ਅਤੇ ਵਿਆਪਕ ਬੈਂਚਮਾਰਕਾਂ 'ਤੇ ਵਾਧੂ ਦਬਾਅ ਪੈ ਗਿਆ।
ਗਲੋਬਲ ਆਇਲ ਬੈਂਚਮਾਰਕ ਬ੍ਰੈਂਟ ਕਰੂਡ 90 ਡਾਲਰ ਪ੍ਰਤੀ ਬੈਰਲ ਦੇ ਸ਼ੁਰੂਆਤੀ ਉੱਚ ਪੱਧਰ ਤੋਂ ਹੇਠਾਂ ਆ ਗਿਆ ਅਤੇ ਬਾਅਦ ਵਿੱਚ 0.05 ਫੀਸਦੀ ਦੀ ਗਿਰਾਵਟ ਨਾਲ 88.06 ਡਾਲਰ ਪ੍ਰਤੀ ਬੈਰਲ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਸ਼ੁੱਕਰਵਾਰ ਨੂੰ ਸੈਂਸੈਕਸ 964.58 ਅੰਕ ਯਾਨੀ 1.25 ਫੀਸਦੀ ਉਛਲ ਕੇ 78,151.45 'ਤੇ ਬੰਦ ਹੋਇਆ ਸੀ। ਨਿਫਟੀ 261.55 ਅੰਕ ਯਾਨੀ 1.09 ਫੀਸਦੀ ਚੜ੍ਹ ਕੇ 24,334.30 'ਤੇ ਬੰਦ ਹੋਇਆ ਸੀ।
