Share Market: ਅਮਰੀਕਾ ਅਤੇ ਇਰਾਨ ਦੀ ਜੰਗਬੰਦੀ ਦੇ ਐਲਾਨ ਤੋਂ ਬਾਅਦ ਸ਼ੇਅਰ ਬਜ਼ਾਰ ’ਚ ਉਛਾਲ

ਬੈਂਚਮਾਰਕ ਸੂਚਕ ਸ਼ੁੱਕਰਵਾਰ ਨੂੰ ਭਾਰੀ ਉਛਾਲ ਨਾਲ ਬੰਦ ਹੋਏ, ਜਿਸ ਵਿੱਚ ਸੈਂਸੈਕਸ 1,695.40 ਅੰਕ ਚੜ੍ਹਿਆ ਅਤੇ ਨਿਫਟੀ ਲਗਪਗ 2 ਫੀਸਦੀ ਵਧਿਆ। ਇਹ ਵਾਧਾ ਵਿਸ਼ਵ ਬਾਜ਼ਾਰਾਂ ਵਿੱਚ ਆਈ ਤੇਜ਼ੀ ਅਤੇ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਵੱਲੋਂ ਇਹ ਐਲਾਨ ਕਰਨ ਤੋਂ ਬਾਅਦ ਕਿ ਉਨ੍ਹਾਂ ਦਾ ਦੇਸ਼ ਇਰਾਨ ਨਾਲ ਜੰਗ ਖਤਮ ਕਰ ਚੁੱਕਾ ਹੈ।

30-ਸ਼ੇਅਰਾਂ ਵਾਲਾ ਬੀਐੱਸਈ ਸੈਂਸੈਕਸ 1,695.40 ਅੰਕ ਜਾਂ 2.30 ਫੀਸਦੀ ਦੇ ਉਛਾਲ ਨਾਲ 75,527.95 'ਤੇ ਬੰਦ ਹੋਇਆ। ਦਿਨ ਦੇ ਦੌਰਾਨ, ਇਹ 1,775.47 ਅੰਕ ਜਾਂ 2.40 ਫੀਸਦੀ ਦੇ ਵਾਧੇ ਨਾਲ 75,608.02 ਤੱਕ ਪਹੁੰਚ ਗਿਆ ਸੀ।

50-ਸ਼ੇਅਰਾਂ ਵਾਲਾ ਐੱਨਐੱਸਈ ਨਿਫਟੀ 461.30 ਅੰਕ ਜਾਂ 1.99 ਫੀਸਦੀ ਦੇ ਭਾਰੀ ਉਛਾਲ ਨਾਲ 23,622.90 'ਤੇ ਬੰਦ ਹੋਇਆ। ਦਿਨ ਦੇ ਕਾਰੋਬਾਰ ਦੌਰਾਨ, ਬੈਂਚਮਾਰਕ ਸੂਚਕਾਂਕ 483.75 ਅੰਕ ਜਾਂ 2 ਫੀਸਦੀ ਦੇ ਵਾਧੇ ਨਾਲ 23,645.35 ਤੱਕ ਪਹੁੰਚ ਗਿਆ ਸੀ।

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਇਰਾਨ ਨਾਲ ਜੰਗ ਖਤਮ ਕਰਨ ਲਈ ਇੱਕ ਸਮਝੌਤਾ ਲਗਪਗ ਪੂਰਾ ਹੋ ਚੁੱਕਾ ਹੈ ਅਤੇ ਇਸ 'ਤੇ ਵੀਕੈਂਡ ਦੌਰਾਨ ਯੂਰਪ ਵਿੱਚ ਦਸਤਖਤ ਕੀਤੇ ਜਾਣ ਦੀ ਉਮੀਦ ਹੈ, ਕਿਉਂਕਿ ਉਨ੍ਹਾਂ ਨੇ ਇਸਲਾਮਿਕ ਗਣਰਾਜ ਦੇ ਤੇਲ ਉਦਯੋਗ ਨੂੰ ਆਪਣੇ ਕਬਜ਼ੇ ਵਿੱਚ ਲੈਣ ਦੀ ਧਮਕੀ ਦੇਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਫੌਜੀ ਹਮਲਿਆਂ ਨੂੰ ਰੱਦ ਕਰ ਦਿੱਤਾ ਸੀ।

ਟਰੰਪ ਨੇ ਵੀਰਵਾਰ ਦੁਪਹਿਰ ਨੂੰ ਓਵਲ ਆਫਿਸ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਪ ਰਾਸ਼ਟਰਪਤੀ ਜੇ.ਡੀ. ਵੈਂਸ ਦੇ ਦਸਤਖਤ ਸਮਾਰੋਹ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਹੈ, ਜੋ ਇਸ ਵੀਕੈਂਡ ਤੱਕ ਯੂਰਪ ਵਿੱਚ ਹੋ ਸਕਦਾ ਹੈ।

ਪਿਛਲੇ ਸੈਸ਼ਨ ਵਿੱਚ, 30-ਸ਼ੇਅਰਾਂ ਵਾਲਾ ਬੀਐੱਸਈ ਸੈਂਸੈਕਸ 150.63 ਅੰਕ ਜਾਂ 0.20 ਫੀਸਦੀ ਦੀ ਗਿਰਾਵਟ ਨਾਲ 73,832.55 'ਤੇ ਬੰਦ ਹੋਇਆ ਸੀ। ਨਿਫਟੀ 53.35 ਅੰਕ ਜਾਂ 0.23 ਫੀਸਦੀ ਦੀ ਗਿਰਾਵਟ ਨਾਲ 23,161.60 'ਤੇ ਬੰਦ ਹੋਇਆ ਸੀ।