ਸੈਂਸੈਕਸ ਤੇ ਨਿਫਟੀ ਦੇ ਸ਼ੇਅਰਾਂ ਵਿੱਚ ਭਾਰੀ ਵਾਧਾ

ਭਾਰਤੀ ਸ਼ੇਅਰ ਮਾਰਕੀਟ ਵਿਚ ਅੱਜ ਕਈ ਦਿਨਾਂ ਬਾਅਦ ਵੱਡੀ ਤੇਜ਼ੀ ਦਿਖਣ ਨੂੰ ਮਿਲੀ। ਬੀਐਸਈ ਸੈਂਸੈਕਸ ਵਿਚ 573 ਅੰਕ ਤੇ ਨਿਫਟੀ ਵਿਚ 182 ਅੰਕਾਂ ਦਾ ਵਾਧਾ ਹੋਇਆ।

ਵਪਾਰੀਆਂ ਨੇ ਕਿਹਾ ਕਿ ਏਸ਼ਿਆਈ ਮਾਰਕੀਟ ਵਿਚ ਹੁਲਾਰੇ ਤੋਂ ਬਾਅਦ ਇਸ ਦਾ ਅਸਰ ਭਾਰਤੀ ਬਾਜ਼ਾਰ ’ਤੇ ਵੀ ਪਿਆ। 30-ਸ਼ੇਅਰਾਂ ਵਾਲਾ ਬੀਐਸਈ ਸੈਂਸੈਕਸ 573.41 ਅੰਕ ਵਧ ਕੇ 85,762.01 ’ਤੇ ਬੰਦ ਹੋਇਆ। ਇਸ ਤੋਂ ਪਹਿਲਾਂ ਦਿਨ ਵੇਲੇ ਇਹ ਪੱਧਰ ਵਧ ਕੇ 85,812.27 ’ਤੇ ਪਹੁੰਚ ਗਿਆ ਸੀ। ਦੂਜੇ ਪਾਸੇ 50-ਸ਼ੇਅਰਾਂ ਵਾਲਾ ਨਿਫਟੀ 182 ਅੰਕ ਵਧ ਕੇ 26,328.55 ’ਤੇ ਪਹੁੰਚ ਗਿਆ। ਇਹ ਦਿਨ ਦੌਰਾਨ ਵਧ ਕੇ 26,340 ਦੇ ਸਰਬੋਤਮ ਸਿਖਰ ’ਤੇ ਪਹੁੰਚ ਗਿਆ ਸੀ।

ਸੈਂਸੈਕਸ ਦੇ ਅੱਜ ਐਨਟੀਪੀ ਸੀ, ਟ੍ਰੇਂਟ, ਬਜਾਜ ਫਾਈਨੈਂਸ, ਪਾਵਰ ਗਰਿੱਡ, ਮਾਰੂਤੀ, ਸਟੇਟ ਬੈਂਕ ਆਫ਼ ਇੰਡੀਆ, ਆਈਸੀਆਈਸੀਆਈ ਬੈਂਕ ਅਤੇ ਭਾਰਤ ਇਲੈਕਟ੍ਰਾਨਿਕਸ ਦੇ ਸ਼ੇਅਰ ਸਭ ਤੋਂ ਵੱਧ ਵਧੇ।

ਇਸਦੇ ਉਲਟ ਆਈਟੀਸੀ, ਕੋਟਕ ਮਹਿੰਦਰਾ ਬੈਂਕ, ਟਾਈਟਨ ਕੰਪਨੀ, ਐਕਸਿਸ ਬੈਂਕ ਅਤੇ ਭਾਰਤੀ ਏਅਰਟੈੱਲ ਪਿੱਛੇ ਰਹੇ।