ਸ਼ੇਅਰ ਬਾਜ਼ਾਰ ਵਿੱਚ ਮਾਮੂਲੀ ਗਿਰਾਵਟ; sensex ਅਤੇ Nifty ਦੇ ਜ਼ਿਆਦਾਤਰ ਸ਼ੇਅਰ ਸ਼ੁਰੂਆਤੀ ਕਾਰੋਬਾਰ ਵਿੱਚ ਡਿੱਗੇ

ਸ਼ੇਅਰ ਬਾਜ਼ਾਰ ਵਿੱਚ ਅੱਜ ਕਾਰੋਬਾਰ ਦੀ ਸ਼ੁਰੂਆਤ ਤੇਜ਼ੀ ਨਾਲ ਨਹੀਂ ਹੋਈ ਸਗੋਂ ਸ਼ੁਰੂਆਤੀ ਕਾਰੋਬਾਰ ਦੌਰਾਨ ਸੈਂਸੈਕਸ 71.53 ਅੰਕ ਡਿੱਗ ਕੇ 82,555.23 ਦੇ ਪੱਧਰ 'ਤੇ ਆ ਗਿਆ। ਇਸੇ ਤਰ੍ਹਾਂ ਨਿਫਟੀ ਵਿੱਚ ਵੀ ਹਲਕੀ ਗਿਰਾਵਟ ਦੇਖਣ ਨੂੰ ਮਿਲੀ ਅਤੇ ਇਹ 11.95 ਅੰਕ ਡਿਗ ਕੇ 25,459.15 'ਤੇ ਪਹੁੰਚ ਗਿਆ। ਬਾਜ਼ਾਰ ਵਿੱਚ ਨਿਵੇਸ਼ਕਾਂ ਵੱਲੋਂ ਚੌਕਸੀ ਵਰਤੀ ਜਾ ਰਹੀ ਹੈ ਜਿਸ ਕਾਰਨ ਸੂਚਕ ਅੰਕ ਵਿੱਚ ਇਹ ਮਾਮੂਲੀ ਉਤਾਰ-ਚੜ੍ਹਾਅ ਦੇਖਿਆ ਜਾ ਰਿਹਾ ਹੈ।

ਇਸ ਦੌਰਾਨ Reliance Industries ਦੇ ਨਵੇਂ ਪ੍ਰੋਜੈਕਟਾਂ ਦੀਆਂ ਖ਼ਬਰਾਂ ਕਾਰਨ ਸ਼ੇਅਰ ਵਿੱਚ ਚੰਗੀ ਤੇਜ਼ੀ ਦੇਖੀ ਜਾ ਰਹੀ ਹੈ, Infosys ਆਈ.ਟੀ. ਸੈਕਟਰ ਵਿੱਚ ਖਰੀਦਦਾਰੀ ਵਧਣ ਨਾਲ ਇਸ ਦੇ ਸ਼ੇਅਰਾਂ ਦੀ ਕੀਮਤ ਉੱਪਰ ਗਈ ਹੈ। HDFC Bank ਬੈਂਕਿੰਗ ਸੈਕਟਰ ਵਿੱਚ ਮਜ਼ਬੂਤੀ ਕਾਰਨ ਇਹ ਸ਼ੇਅਰ ਹਰੇ ਨਿਸ਼ਾਨ ’ਤੇ ਕਾਰੋਬਾਰ ਕਰ ਰਿਹਾ ਹੈ। Tata Steel ਗਲੋਬਲ ਮੰਗ ਵਿੱਚ ਸੁਧਾਰ ਦੀਆਂ ਉਮੀਦਾਂ ਕਾਰਨ ਸਟੀਲ ਸ਼ੇਅਰਾਂ ਵਿੱਚ ਉਛਾਲ ਦੇਖਣ ਨੂੰ ਮਿਲਿਆ ਹੈ।

ਇਸ ਦੇ ਉਲਟ Axis Bank ਮੁਨਾਫ਼ਾ ਵਸੂਲੀ (Profit Booking) ਕਾਰਨ ਇਸ ਦੇ ਸ਼ੇਅਰ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ। Maruti Suzuki ਆਟੋ ਸੈਕਟਰ ’ਤੇ ਪੈ ਰਹੇ ਦਬਾਅ ਕਾਰਨ ਇਸ ਸ਼ੇਅਰ ਵਿੱਚ ਨਰਮੀ ਦੇਖੀ ਜਾ ਰਹੀ ਹੈ। NTPC ਤੇ Larsen & Toubro (L&T) ਵਿਚ ਗਿਰਾਵਟ ਦੇਖਣ ਨੂੰ ਮਿਲੀ।