ਚੰਡੀਗੜ੍ਹ: ਡਾਇਟੀਸ਼ੀਅਨ ਸ਼ਰੇਆ ਦਾ ਕਹਿਣਾ ਹੈ ਕਿ ਚੰਡੀਗੜ੍ਹ ਸ਼ੂਗਰ ਦੇ ਮਰੀਜ਼ਾਂ ਦਾ ਸ਼ਹਿਰ ਬਣਦਾ ਜਾ ਰਿਹਾ ਹੈ। ਖਾਣ ਬਣਾਉਣ ਦਾ ਸਮਾਂ ਨਾ ਹੋਣ ਕਾਰਨ ਲੋਕ ਜੰਕ ਪਕਵਾਨ ਖਾ ਕੇ ਬਿਮਾਰੀ ਹੋ ਰਹੇ ਹਨ। ਪ੍ਰੈੱਸ ਕਲੱਬ ਚੰਡੀਗੜ੍ਹ ਵਿਚ ਵਰਲਡ ਹੈਲਥ ਡੇਅ ਮੌਕੇ ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ‘ਡਾਈਟ ਟਿਫਿਨ’ ਸੇਵਾ ਵਿਚ ਸਿਹਤ ਵਰਧਕ ਪਕਵਾਨ ਪੇਸ਼ ਕੀਤੇ ਜਾਣਗੇ। ਉਨ੍ਹਾਂ ਵੱਲੋਂ ਹਾਈ ਟੈੱਕ ਰਸੋਈ ਰਾਹੀਂ ਵਰਕਪਲੇਸ ਜਾਂ ਘਰ ਭੇਜੇ ਜਾਣ ਵਾਲੇ ਟਿਫਿਨ ਵਿੱਚ ਵਿਟਾਮਿਨ, ਮਿਨਰਲ, ਪ੍ਰੋਟੀਨ ਅਤੇ ਪੌਸ਼ਟਿਕ ਤੱਤਾਂ ਵਾਲੇ ਤੇਲ ਰਹਿਤ ਪਕਵਾਨ ਸ਼ਾਮਲ ਹੋਣਗੇ। -ਵਪਾਰ ਪ੍ਰਤੀਨਿਧ