India Japan Trade: ਫਿੱਕੀ ਨੇ ਭਾਰਤ-ਜਪਾਨ ਵਪਾਰਕ ਘਾਟੇ ’ਤੇ ਚਿੰਤਾ ਜਤਾਈ
ਭਾਰਤੀ ਬਰਾਮਦਕਾਰਾਂ ਲਈ ਜਪਾਨੀ ਬਾਜ਼ਾਰਾਂ ਤੱਕ ਪਹੁੰਚ ਆਸਾਨ ਕਰਨ ਉੱਤੇ ਜ਼ੋਰ
ਜਪਾਨ ਨਾਲ ਲਗਾਤਾਰ ਵਧ ਰਿਹਾ ਵਪਾਰਕ ਘਾਟਾ ਭਾਰਤੀ ਬਰਾਮਦਕਾਰਾਂ ਲਈ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਸਨਅਤੀ ਚੈਂਬਰ ਫਿੱਕੀ ਦੇ ਪ੍ਰਧਾਨ ਅਨੰਤ ਗੋਇਨਕਾ ਨੇ ਅੱਜ ਕਿਹਾ ਕਿ ਦੋਵਾਂ ਦੇਸ਼ਾਂ ਦਾ ਵਪਾਰ ਮੁੱਖ ਤੌਰ ’ਤੇ ਇੱਕਪਾਸੜ ਰਿਹਾ ਹੈ, ਜਿਸ ਕਾਰਨ ਭਾਰਤੀ ਕੰਪਨੀਆਂ ਨੂੰ ਜਪਾਨੀ ਬਾਜ਼ਾਰਾਂ ਤੱਕ ਪਹੁੰਚ ਕਰਨ ਵਿੱਚ ਮੁਸ਼ਕਲਾਂ ਆ ਰਹੀਆਂ ਹਨ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਇਹ ਪਾੜਾ ਪੂਰਨ ਲਈ ਜਪਾਨ ਵਿੱਚ ਭਾਰਤੀ ਪ੍ਰਮਾਣ ਪੱਤਰਾਂ ਨੂੰ ਮਾਨਤਾ ਦਿੱਤੀ ਜਾਣੀ ਚਾਹੀਦੀ ਹੈ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਜਪਾਨ ਦੇ ਸਖ਼ਤ ਨਿਯਮਾਂ ਅਤੇ ਪ੍ਰਮਾਣਿਕਤਾ ਸ਼ਰਤਾਂ ਕਾਰਨ ਭਾਰਤੀ ਬਰਾਮਦਕਾਰਾਂ, ਖ਼ਾਸਕਰ ਫਾਰਮਾ ਕੰਪਨੀਆਂ ਨੂੰ ਜਪਾਨੀ ਬਾਜ਼ਾਰ ਵਿੱਚ ਆਪਣੇ ਪੈਰ ਜਮਾਉਣ ਲਈ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੁਵੱਲੇ ਵਪਾਰ ਦੇ ਅੰਕੜਿਆਂ ਮੁਤਾਬਕ ਸਾਲ 2025-26 ਦੌਰਾਨ ਦੋਵਾਂ ਦੇਸ਼ਾਂ ਵਿਚਾਲੇ 27.47 ਅਰਬ ਡਾਲਰ ਦਾ ਵਪਾਰ ਹੋਇਆ। ਇਸ ਵਿੱਚ ਭਾਰਤ ਦੀ ਬਰਾਮਦ ਸਿਰਫ਼ 6.03 ਅਰਬ ਡਾਲਰ ਜਦਕਿ ਜਪਾਨ ਤੋਂ ਦਰਾਮਦ 21.43 ਅਰਬ ਡਾਲਰ ਰਹੀ। ਇਸ ਕਾਰਨ ਵਪਾਰਕ ਘਾਟਾ ਵਧ ਕੇ 15.4 ਅਰਬ ਡਾਲਰ ਹੋ ਗਿਆ ਹੈ।
ਪਿਊਸ਼ ਗੋਇਲ ਵੱਲੋਂ ਜਪਾਨੀ ਨਿਵੇਸ਼ਕਾਂ ਨਾਲ ਮੀਟਿੰਗ
