ਬਠਿੰਡਾ: ਆਦਰਸ਼ ਚੋਣ ਜਾਬਤੇ ਦੀ ਪਾਲਣਾ ਕਰਨੀ ਬਣਾਈ ਜਾਵੇ ਯਕੀਨੀ: ਜ਼ਿਲ੍ਹਾ ਚੋਣ ਅਫਸਰ
1 ਤੋਂ 4 ਦਸੰਬਰ 2025 ਤੱਕ ਭਰੇ ਜਾਣਗੇ ਨਾਮਜ਼ਦਗੀ ਪੱਤਰ; 14 ਦਸੰਬਰ ਪੋਲਿੰਗ ਤੇ 17 ਦਸੰਬਰ ਨੂੰ ਹੋਵੇਗੀ ਗਿਣਤੀ; ਸਵੇਰੇ 8 ਤੋਂ ਸ਼ਾਮ 4 ਵਜੇ ਤੱਕ ਪੈਣਗੀਆਂ ਵੋਟਾਂ
ਜ਼ਿਲ੍ਹਾ ਚੋਣ ਅਫਸਰ ਸ਼੍ਰੀ ਰਾਜੇਸ਼ ਧੀਮਾਨ ਨੇ ਦਾਖਲ ਕੀਤੇ ਜਾਣ ਵਾਲੇ ਨਾਮਜ਼ਦਗੀ ਪੱਤਰਾਂ ਦੇ ਸਥਾਨਾਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜ਼ਿਲ੍ਹਾ ਪ੍ਰਸ਼ੀਦ ਬਠਿੰਡਾ ਦੇ 17 ਜੋਨਾਂ ਲਈ ਸਥਾਨਕ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਦੇ ਕਮਰਾ ਨੰਬਰ 211 ਏਡੀਸੀ ਕੋਰਟ ਰੂਮ 'ਚ ਨਾਮਜ਼ਦਗੀ ਪੱਤਰ ਦਾਖਲ ਕਰਵਾਏ ਜਾਣਗੇ।
ਉਨ੍ਹਾਂ ਅੱਗੇ ਦੱਸਿਆ ਕਿ 137 ਪੰਚਾਇਤ ਸੰਮਤੀ ਜੋਨਾਂ ਲਈ ਨਾਮਜਦਗੀ ਪੱਤਰ ਪੰਚਾਇਤ ਸੰਮਤੀ ਮੌੜ ਦੇ ਪੰਚਾਇਤ ਸੰਮਤੀ ਜੋਨ ਮਾਈਸਰਖਾਨਾ ਤੇ ਜੋਧਪੁਰ ਪਾਖਰ ਲਈ ਨਾਮਜਦਗੀ ਪੱਤਰ ਕੋਰਟ ਰੂਮ ਐਸਡੀਐਮ ਦਫਤਰ ਮੌੜ, ਰਾਮਪੁਰਾ ਦੇ ਮੰਡੀ ਕਲਾ ਤੇ ਕਰਾੜ ਵਾਲਾ ਲਈ ਦਫਤਰ ਬੀਡੀਪੀਓ ਰਾਮਪੁਰਾ, ਤਲਵੰਡੀ ਸਾਬੋ ਦੇ ਪੱਕਾ ਕਲਾਂ ਬੰਗੀ ਰੁਲਦੂ ਸਿੰਘ ਵਾਲਾ ਅਤੇ ਸਿੰਗੋ ਮੰਡੀ ਲਈ ਕੋਰਟ ਰੂਮ ਦਫਤਰ ਉਪ ਮੰਡਲ ਮੈਜਿਸਟਰੇਟ ਤਲਵੰਡੀ ਸਾਬੋ, ਬਠਿੰਡਾ ਦੇ ਫੂਸ ਮੰਡੀ ਅਤੇ ਬਹਿਮਣ ਦੀਵਾਨਾਂ ਲਈ ਕਮਰਾ ਨੰਬਰ 311 ਅਦਾਲਤ ਰੂਮ ਦੂਜੀ ਮੰਜ਼ਿਲ ਦਫਤਰ ਉਪ ਮੰਡਲ ਮੈਜਿਸਟ੍ਰੇਟ ਬਠਿੰਡਾ, ਸੰਗਤ ਦੇ ਬਾਂਡੀ ਅਤੇ ਜੈ ਸਿੰਘ ਵਾਲਾ ਲਈ ਦਫਤਰ ਬੀਡੀਪੀਓ ਸੰਗਤ, ਗੋਨਿਆਣਾ ਦੇ ਬਲਾਹੜ ਬਿੰਝੂ ਅਤੇ ਕਿਲੀ ਨਿਹਾਲ ਸਿੰਘ ਵਾਲਾ ਲਈ ਨਿਊ ਦਫਤਰ ਮਾਰਕੀਟ ਕਮੇਟੀ ਨੇੜੇ ਬੱਸ ਸਟੈਂਡ ਗੋਨਿਆਣਾ, ਨਥਾਣਾ ਦੇ ਭੁੱਚੋ ਕਲਾ ਅਤੇ ਪੂਹਲਾ ਲਈ ਦਫਤਰ ਨਾਇਬ ਤਹਿਸੀਲਦਾਰ ਨਥਾਣਾ ਅਤੇ ਪੰਚਾਇਤ ਸੰਮਤੀ ਫੂਲ ਦੇ ਪੰਚਾਇਤ ਸੰਮਤੀ ਜੋਨ ਸੀਰੀਏਵਾਲਾ ਤੇ ਬੁਰਜ ਗਿੱਲ ਲਈ ਨਾਮਜ਼ਦਗੀ ਪੱਤਰ ਦਫਤਰ ਉਪ ਮੰਡਲ ਮੈਜਿਸਟਰੇਟ ਰਾਮਪੁਰਾ ਫੂਲ ਵਿਖੇ ਦਾਖਲ ਕਰਵਾਏ ਜਾਣਗੇ।
