ਪ੍ਰਾਇਮਰੀ ਵਾਲੇ ਅਧਿਆਪਕ

ਪ੍ਰਾਇਮਰੀ ਵਾਲੇ ਅਧਿਆਪਕ

ਕੁਲਦੀਪ ਕੌਰ 11207456CD _SCHOOL PAINTINGਗੱਲ 1980 ਦੀ ਹੈ। ਮੈਂ ਆਪਣੇ ਪਿੰਡ ਗਿੱਲ (ਜ਼ਿਲ੍ਹਾ) ਮੋਗਾ ਵਿੱਚ ਆਪਣੇ ਪਿੰਡ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿੱਚ ਪੜ੍ਹਦੀ ਸੀ। ਸਾਡੇ ਕਲਾਸ ਦੇ ਅਧਿਆਪਕ ਅਜਮੇਰ ਸਿੰਘ ਪਿੰਡ ਚੰਦ (ਮੋਗਾ) ਤੋਂ ਸਾਈਕਲ ‘ਤੇ ਸਾਨੂੰ ਪੜ੍ਹਾਉਣ ਆਉਂਦੇ ਸਨ। ਮੈਂ ਸ਼ਾਇਦ ਇੰਨਾ ਮਿਹਨਤੀ ਹੋਰ ਅਧਿਆਪਕ ਆਪਣੀ ਜ਼ਿੰਦਗੀ ਵਿੱਚ ਅਜੇ ਤੱਕ ਨਹੀਂ ਦੇਖਿਆ। ਉਨ੍ਹਾਂ ਸਾਨੂੰ ਪਹਿਲੀ ਤੇ ਦੂਜੀ ਜਮਾਤ ਤੱਕ ਪੰਜਾਬੀ ਪੜ੍ਹਾਈ, ਤੀਜੀ ਕਲਾਸ ਤੋਂ ਹਿੰਦੀ। ਅਸੀਂ ਦਿਨ ਵਿੱਚ ਪੰਜ ਵਾਰ ਫੱਟੀ ਪੋਚਦੇ ਤੇ ਲਿਖਦੇ। ਉਨ੍ਹਾਂ ਆਪ ਸਾਡੇ ਲਈ ਵਧੀਆ ਕਲਮਾਂ ਘੜਨੀਆਂ ਤੇ ਫਿਰ ਸਾਨੂੰ ਵਧੀਆ ਲਿਖਾਈ ਲਈ ਪ੍ਰੇਰਨਾ। ਸਾਡੀ ਪੰਜਾਬੀ ਸੁਧਾਰਨ ਲਈ ਉਨ੍ਹਾਂ ਸਾਨੂੰ ਚਿੱਠੀਆਂ ਲਿਖਣ ਲਈ ਹੱਲਾਸ਼ੇਰੀ ਦੇਣੀ। ਅਸੀਂ ਵੀ ਕਿਤੇ ਮਾਸੀ ਨੂੰ, ਕਿਤੇ ਭੂਆ ਨੂੰ ਚਿੱਠੀਆਂ ਲਿਖਣੀਆਂ। ਫਿਰ ਮਾਸਟਰ ਜੀ ਨੇ ਸਾਡੀਆਂ ਲਿਖੀਆਂ ਚਿੱਠੀਆਂ ਪੜ੍ਹਨੀਆਂ ਤੇ ਗ਼ਲਤੀਆਂ ਸੁਧਾਰਨੀਆਂ। ਅਸੀਂ ਚਾਈਂ ਚਾਈਂ ਲੈਟਰ ਬਾਕਸ ਵਿੱਚ ਚਿੱਠੀਆਂ ਪਾਉਣ ਜਾਣਾ। ਸਾਰੇ ਬੱਚਿਆਂ ਨੇ ਆਪੋ ਆਪਣੀਆਂ ਚਿੱਠੀਆਂ ਦੇ ਜਵਾਬ ਉਡੀਕਣੇ। ਫਿਰ ਜਦੋਂ ਚਿੱਠੀ ਦਾ ਜਵਾਬ ਆਉਣਾ, ਉਹ ਵੀ ਅਸੀਂ ਮਾਸਟਰ ਜੀ ਨੂੰ ਦਿਖਾਉਣਾ। ਮਾਸਟਰ ਜੀ ਕਦੇ ਗੁੱਸੇ ਨਹੀਂ ਸਨ ਹੰਦੇ, ਉਹ ਹਮੇਸ਼ਾਂ ਸਾਨੂੰ ਪੜ੍ਹਾਉਣ, ਸਾਡੀਆਂ ਗ਼ਲਤੀਆਂ ਸੁਧਾਰਨ ਵਿੱਚ ਲੱਗੇ ਰਹਿੰਦੇ। ਸਾਨੂੰ ਪੰਜਵੀਂ ਕਲਾਸ ਤੱਕ ਵਿਆਜ਼ ਦੇ ਸਵਾਲ, ਬਰੈਕਟਾਂ ਹੱਲ ਕਰਨ ਦੇ ਸਵਾਲਾਂ ਵੀ ਖੂਬ ਆਉਣ ਲੱਗ ਪਏ। ਹਿੰਦੀ ਤੇ ਪੰਜਾਬੀ ਦਾ ਉਚਾਰਨ ਤਾਂ ਲਾਜਵਾਬ ਸੀ। 30 ਤੱਕ ਪਹਾੜੇ ਰੱਟੇ ਲੱਗੇ ਹੋਏ ਸਨ। ਫਿਰ ਉਹ ਐਤਵਾਰ ਨੂੰ ਸਪੈਸ਼ਲ ਕਲਾਸ ਲਗਾਉਣ ਆਉਂਦੇ। ਉਦੋਂ ਪੰਜਵੀਂ ਕਲਾਸ ਬੋਰਡ ਦੀ ਹੁੰਦੀ ਸੀ। ਪੇਪਰ ਤੋਂ ਪਹਿਲਾਂ ਛੁੱਟੀ ਵਾਲੇ ਦਿਨ ਸਕੂਲ ਲਾ ਕੇ ਸਾਡੀ ਤਿਆਰੀ ਕਰਵਾਉਂਦੇ। ਇੱਥੋਂ ਤੱਕ ਕਿ ਪੇਪਰ ਖ਼ਤਮ ਹੋਣ ਤੋਂ ਬਾਅਦ ਸਕੂਲੇ ਫਿਰ ਦੂਜੇ ਪੇਪਰ ਦੀ ਤਿਆਰੀ ਕਰਵਾਉਂਦੇ। ਅੱਜ ਵੀ ਹੈਰਾਨ ਹੋ ਜਾਂਦੀ ਹਾਂ ਕਿ ਇੰਨੀਆਂ ਥੋੜ੍ਹੀਆਂ ਤਨਖਾਹਾਂ ਸਨ ਮਾਸਟਰਾਂ ਦੀਆਂ ਤੇ ਉਨ੍ਹਾਂ ਵਿੱਚ ਪੜ੍ਹਾਉਣ ਦਾ ਜਜ਼ਬਾ ਤਾਂ ਮੈਂ ਬਿਆਨ ਹੀ ਨਹੀਂ ਕਰ ਸਕਦੀ। ਜੇ ਉਹ ਮੇਰੇ ਅਧਿਆਪਕ ਨਾ ਹੁੰਦੇ ਤਾਂ ਮੈਂ ਸ਼ਾਇਦ ਛੋਟੇ ਜਿਹੇ ਪਿੰਡ ‘ਚੋਂ ਉਠ ਕੇ ਸਰਕਾਰੀ ਸਕੂਲ ਵਿੱਚ ਬਾਇਲੌਜੀ ਵਿਸ਼ੇ ਦੀ ਲੈਕਚਰਾਰ ਨਾ ਲੱਗ ਸਕਦੀ। ਬੱਚਿਆਂ ਨੂੰ ਪੜ੍ਹਾਉਣ ਦੇ ਮਾਮਲੇ ‘ਤੇ ਮੈਂ ਵੀ ਉਨ੍ਹਾਂ ਦੀ ਰੀਸ ਕਰਨ ਦਾ ਯਤਨ ਕਰਦੀ ਹਾਂ। ਬੱਚਿਆਂ ਖ਼ਾਤਿਰ ਮਿਹਨਤ ਕਰਦੀ ਹਾਂ। ਸੋਚਦੀ ਰਹਿੰਦੀ ਹਾਂ ਕਿ ਬੱਚਿਆਂ, ਖਾਸ ਕਰਕੇ ਪੇਂਡੂ ਵਿਦਿਆਰਥੀਆਂ ਨੂੰ ਵੱਧ ਤੋਂ ਵੱਧ ਵਿਗਿਆਨ ਵਿਸ਼ੇ ਨਾਲ ਜੋੜਾਂ ਅਤੇ ਉਨ੍ਹਾਂ ਨੂੰ ਕਾਮਯਾਬ ਇਨਸਾਨ ਬਣਾਉਣ ਵਿੱਚ ਉਸੇ ਤਰ੍ਹਾਂ ਦਾ ਰੋਲ ਨਿਭਾਵਾਂ ਜਿਸ ਤਰ੍ਹਾਂ ਮਾਸਟਰ ਜੀ ਨੇ ਨਿਭਾਇਆ। ਸੰਪਰਕ: 95013-44880

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਜ਼ਰੂਰ ਪੜ੍ਹੋ

ਭਾਰਤੀ ਜਮਹੂਰੀਅਤ ਅਤੇ ਹਿੰਦੂਤਵ

ਭਾਰਤੀ ਜਮਹੂਰੀਅਤ ਅਤੇ ਹਿੰਦੂਤਵ

ਭਾਰਤ ਦੇ 75 ਸਾਲਾ ਰਿਕਾਰਡ ਦਾ ਲੇਖਾ ਜੋਖਾ

ਭਾਰਤ ਦੇ 75 ਸਾਲਾ ਰਿਕਾਰਡ ਦਾ ਲੇਖਾ ਜੋਖਾ

ਅੰਗਰੇਜ਼ ਸਰਕਾਰ ਨੂੰ ਵੰਗਾਰ

ਅੰਗਰੇਜ਼ ਸਰਕਾਰ ਨੂੰ ਵੰਗਾਰ

ਭਗਤ ਪੂਰਨ ਸਿੰਘ ਦੀ ਸ਼ਖ਼ਸੀਅਤ ਉਸਾਰੀ ਵਿਚ ਮਾਤਾ ਮਹਿਤਾਬ ਕੌਰ ਦੀ ਭੂਮਿਕਾ

ਭਗਤ ਪੂਰਨ ਸਿੰਘ ਦੀ ਸ਼ਖ਼ਸੀਅਤ ਉਸਾਰੀ ਵਿਚ ਮਾਤਾ ਮਹਿਤਾਬ ਕੌਰ ਦੀ ਭੂਮਿਕਾ

ਮੇਰਾ ਮਿੱਤਰ ਸ਼ਹੀਦ ਊਧਮ ਸਿੰਘ

ਮੇਰਾ ਮਿੱਤਰ ਸ਼ਹੀਦ ਊਧਮ ਸਿੰਘ

ਸ਼ਹੀਦ ਊਧਮ ਸਿੰਘ: ਸ਼ਖ਼ਸੀਅਤ ਅਤੇ ਸੰਘਰਸ਼

ਸ਼ਹੀਦ ਊਧਮ ਸਿੰਘ: ਸ਼ਖ਼ਸੀਅਤ ਅਤੇ ਸੰਘਰਸ਼

ਮੁੱਖ ਖ਼ਬਰਾਂ

ਭਾਰਤ ਨੇ ਦੁਨੀਆ ਨੂੰ ਲੋਕਤੰਤਰ ਦੀ ਅਸਲ ਸਮਰੱਥਾ ਦਿਖਾਈ: ਮੁਰਮੂ

ਭਾਰਤ ਨੇ ਦੁਨੀਆ ਨੂੰ ਲੋਕਤੰਤਰ ਦੀ ਅਸਲ ਸਮਰੱਥਾ ਦਿਖਾਈ: ਮੁਰਮੂ

ਆਜ਼ਾਦੀ ਦਿਹਾੜੇ ਦੀ ਪੂਰਬਲੀ ਸੰਧਿਆ ਰਾਸ਼ਟਰਪਤੀ ਦਾ ਕੌਮ ਦੇ ਨਾਂ ਪਹਿਲਾ ਸ...

ਮੁੱਖ ਮੰਤਰੀ ਵੱਲੋਂ ‘ਆਮ ਆਦਮੀ ਕਲੀਨਿਕ’ ਦਾ ਉਦਘਾਟਨ ਅੱਜ

ਮੁੱਖ ਮੰਤਰੀ ਵੱਲੋਂ ‘ਆਮ ਆਦਮੀ ਕਲੀਨਿਕ’ ਦਾ ਉਦਘਾਟਨ ਅੱਜ

* 75 ਕਲੀਨਿਕ ਲੋਕਾਂ ਨੂੰ ਕੀਤੇ ਜਾਣਗੇ ਸਮਰਪਿਤ * ਕਲੀਨਿਕਾਂ ਵਿਚ ਹੋ ਸਕ...

ਸੀਤਾਰਾਮਨ ਸਣੇ 11 ਭਾਰਤੀਆਂ ਖ਼ਿਲਾਫ਼ ਅਮਰੀਕਾ ’ਚ ਪਟੀਸ਼ਨ

ਸੀਤਾਰਾਮਨ ਸਣੇ 11 ਭਾਰਤੀਆਂ ਖ਼ਿਲਾਫ਼ ਅਮਰੀਕਾ ’ਚ ਪਟੀਸ਼ਨ

ਮਨੁੱਖੀ ਹੱਕਾਂ ਦੇ ਘਾਣ ਅਤੇ ਭ੍ਰਿਸ਼ਟਾਚਾਰ ਦੇ ਲਾਏ ਗਏ ਦੋਸ਼

ਸ਼ਹਿਰ

View All