ਮੁੱਕੇਬਾਜ਼ ਪੈੱਟ੍ਰਿਕ ਡੇਅ ਦਾ ਦੇਹਾਂਤ

ਸ਼ਿਕਾਗੋ, 17 ਅਕਤੂਬਰ ਮੁੱਕੇਬਾਜ਼ ਪੈੱਟ੍ਰਿਕ ਡੇਅ ਦਾ ਚਾਰਲਸ ਕੋਨਵੇਲ ਖ਼ਿਲਾਫ਼ ਮੁਕਾਬਲੇ ਦੌਰਾਨ ਸਿਰ ’ਚ ਸੱਟ ਵੱਜਣ ਤੋਂ ਚਾਰ ਦਿਨ ਬਾਅਦ ਬੀਤੇ ਦਿਨ ਦੇਹਾਂਤ ਹੋ ਗਿਆ। ਪ੍ਰਮੋਟਰ ਲਾਓ ਡਿਬੈਲਾ ਨੇ ਕਿਹਾ ਕਿ ਪੈੱਟ੍ਰਿਕ ਡੇਅ ਨੇ ਨਾਰਥ-ਵੈਸਟਰਨ ਮੈਮੋਰੀਅਲ ਹਸਪਤਾਲ ’ਚ ਆਖਰੀ ਸਾਹ ਲਏ। ਉਹ 27 ਸਾਲਾਂ ਦਾ ਸੀ। ਡਿਬੈਲਾ ਨੇ ਆਪਣੀ ਵੈੱਬਸਾਈਟ ’ਤੇ ਬਿਆਨ ਦਿੱਤਾ, ‘ਉਸ ਦੇ ਪਰਿਵਾਰਕ ਮੈਂਬਰ, ਕਰੀਬੀ ਮਿੱਤਰ ਤੇ ਮੁੱਕੇਬਾਜ਼ੀ ਟੀਮ ਦੇ ਮੈਂਬਰ ਉਸ ਸਮੇਂ ਉਸ ਦੇ ਨਾਲ ਸੀ। ਉਹ ਇੱਕ ਪੁੱਤਰ, ਭਰਾ ਤੇ ਬਹੁਤ ਹੀ ਚੰਗਾ ਦੋਸਤ ਸੀ।’ ਪੈੱਟ੍ਰਿਕ ਡੇਅ ਸ਼ਨਿਚਰਵਾਰ ਨੂੰ ਵਿਨਟਰੱਸਟ ਐਰੇਨਾ ’ਚ ਦਸਵੇਂ ਗੇੜ ’ਚ ਨਾਕਆਊਟ ਹੋ ਗਿਆ। ਇਸ ਦੌਰਾਨ ਉਸ ਦੇ ਸਿਰ ’ਚ ਸੱਟ ਵੱਜੀ ਤੇ ਉਸ ਨੂੰ ਸਟਰੈਚਰ ’ਚ ਪਾ ਕੇ ਰਿੰਗ ਤੋਂ ਬਾਹਰ ਲਿਆਂਦਾ ਗਿਆ ਸੀ। ਇਸ ਤੋਂ ਬਾਅਦ ਉਸ ਦੇ ਦਿਮਾਗ ਦਾ ਅਪਰੇਸ਼ਨ ਹੋਇਆ ਸੀ। -ਪੀਟੀਆਈ

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਸ਼ਹਿਰ

View All