ਸ੍ਰੀ ਹਰਿਮੰਦਰ ਸਾਹਿਬ ਦੇ ਮੁੱਖ ਮੈਨੇਜਰ ਭਗਵੰਤ ਸਿੰਘ ਧੰਗੇੜਾ ਦਾ ਫੋਨ ਹੈਕ

ਸ੍ਰੀ ਹਰਿਮੰਦਰ ਸਾਹਿਬ ਦੇ ਮੁੱਖ ਮੈਨੇਜਰ ਭਗਵੰਤ ਸਿੰਘ ਧੰਗੇੜਾ ਦਾ ਮੋਬਾਇਲ ਨੰਬਰ ਹੈਕਰਾਂ ਵੱਲੋਂ ਹੈਕ ਕਰ ਕੀਤੇ ਜਾਣ ਬਾਰੇ ਮਾਮਲਾ ਸਾਹਮਣੇ ਆਇਆ ਹੈ। ਵੇਰਵਿਆਂ ਅਨੁਸਾਰ ਉਨ੍ਹਾਂ ਦੇ ਜਾਣਕਾਰਾਂ ਕੋਲੋਂ ਪੈਸੇ ਵੀ ਮੰਗੇ ਗਏ ਹਨ।

ਮੁੱਖ ਮੈਨੇਜਰ ਨੇ ਇਸ ਸੰਬੰਧ ਵਿੱਚ ਸ੍ਰੀ ਹਰਿਮੰਦਰ ਸਾਹਿਬ ਦੇ ਨੇੜੇ ਗਲਿਆਰਾ ਪੁਲੀਸ ਚੌਂਕੀ ਵਿੱਚ ਇਸ ਸਬੰਧੀ ਸ਼ਿਕਾਇਤ ਕੀਤੀ ਹੈ।

ਇਸ ਬਾਰੇ ਗੱਲ ਕਰਦਿਆਂ ਸ੍ਰੀ ਧੰਗੇੜਾ ਨੇ ਦੱਸਿਆ ਕੁਝ ਸਮਾਂ ਪਹਿਲਾਂ ਇੱਕ ਫੋਨ ਆਇਆ ਸੀ ਅਤੇ ਫੋਨ ਕਰਤਾ ਨੇ ਆਖਿਆ ਕਿ ਉਨ੍ਹਾਂ ਦਾ ਇੱਕ ਪਾਰਸਲ ਆਇਆ ਹੈ। ਉਸ ਨੇ ਦੱਸੇ ਗਏ ਨੰਬਰ ’ਤੇ ਫੋਨ ਕਰਨ ਵਾਸਤੇ ਆਖਿਆ, ਮੁੜ ਫੋਨ ਆਉਣ ਬਾਅਦ ਉਨ੍ਹਾਂ ਦੱਸੇ ਗਏ ਨੰਬਰ ਤੇ ਫੋਨ ਕੀਤਾ ਅਤੇ ਕੁਝ ਹੀ ਮਿੰਟਾਂ ਵਿੱਚ ਵਟਸਐਪ ਬੰਦ ਹੋ ਗਿਆ। ਇਸ ਦੌਰਾਨ ਹੈਕਰਾਂ ਵੱਲੋਂ ਉਨ੍ਹਾਂ ਦੇ ਮੋਬਾਈਲ ਨੰਬਰ ਵਿੱਚ ਸੇਵ ਕੀਤੇ ਗਏ ਨੰਬਰਾਂ ਤੇ ਮੈਸੇਜ ਕਰਕੇ ਸਾਰਿਆਂ ਕੋਲੋਂ ਪੈਸੇ ਮੰਗੇ ਹਨ। ਇਸ ਦੀ ਜਾਣਕਾਰੀ ਮਿਲਣ ਤੇ ਉਹਨਾਂ ਤੁਰੰਤ ਇਸ ਬਾਰੇ ਪੁਲੀਸ ਨੂੰ ਸੂਚਿਤ ਕੀਤਾ ਹੈ।