ਨਵੀਂ ਦਿੱਲੀ, 28 ਅਕਤੂਬਰ
ਸਪਾਈਵੇਅਰ ਪੈਗਾਸਸ ਵਿਵਾਦ ਨੂੰ ਭਾਰਤ ਦਾ ‘ਅੰਦਰੂਨੀ ਮਾਮਲਾ’ ਕਰਾਰ ਦਿੰਦਿਆਂ ਭਾਰਤ ਵਿੱਚ ਇਜ਼ਰਾਈਲ ਦੇ ਨਵ-ਨਿਯੁਕਤ ਰਾਜਦੂਤ ਨਾਓਰ ਗਿਲੋਨ ਨੇ ਅੱਜ ਕਿਹਾ ਕਿ ਐੱਨਐੱਸਓ ਵਰਗੀਆਂ ਕੰਪਨੀਆਂ ਆਪਣੇ ਉਤਪਾਦ ਐੱਨਜੀਓ, ਸੰਸਥਾਵਾਂ ਜਾਂ ਵਿਅਕਤੀਆਂ ਨੂੰ ਨਹੀਂ ਵੇਚ ਸਕਦੀਆਂ ਹਨ। ਇਥੇ ਪੱਤਰਕਾਰ ਸੰਮੇਲਨ ਵਿੱਚ ਉਨ੍ਹਾਂ ਇਹ ਗੱਲ ਕਹੀ। ਉਨ੍ਹਾਂ ਕਿਹਾ,‘ ਮੈਂ ਸਿਰਫ ਇਹੀ ਕਹਾਂਗਾ ਕਿ ਇਹ ਵਿਵਾਦ ਭਾਰਤ ਦਾ ਅੰਦਰੂਨੀ ਮਾਮਲਾ ਹੈ ਤੇ ਸਪਸ਼ਟ ਕਰਦਿਆਂ ਕਿ ਐੱਨਐੱਸਓ ਵਰਗੀਆਂ ਕੰਪਨੀਆਂ ਹਰ ਨਿਰਯਾਤ ਲਈ ਇਜ਼ਾਈਲ ਸਰਕਾਰ ਤੋਂ ਪ੍ਰਵਾਨਗੀ ਲੈਂਦੀਆਂ ਹਨ। ਅਸੀਂ ਸਿਰਫ ਸਰਕਾਰਾਂ ਨੂੰ ਨਿਰਯਾਤ ਕਰਨ ਲਈ ਲਾਇਸੈਂਸ ਦਿੰਦੇ ਹਾਂ।’