ਇਕਬਾਲ ਸਿੰਘ ਸ਼ਾਂਤ
ਲੰਬੀ, 7 ਜੁਲਾਈ
ਚਾਰ ਹਥਿਆਰਬੰਦ ਲੁਟੇਰਿਆਂ ਨੇ ਬੀਤੀ ਮੰਡੀ ਕਿੱਲਿਆਂਵਾਲੀ ਵਿਖੇ ਕੌਮੀ ਸ਼ਾਹ ਰਾਹ-9 ‘ਤੇ ਮਾਰਬਲ-ਸੈਨੇਟਰੀ ਦੁਕਾਨ ‘ਚ ਫਾਇਰਿੰਗ ਕਰਕੇ 1.20 ਲੱਖ ਰੁਪਏ ਲੁੱਟ ਲਏ। ਫਾਇਰਿੰਗ ‘ਚ ਦੁਕਾਨਦਾਰ ਅਸ਼ੋਕ ਸਿੰਗਲਾ, ਉਸ ਦਾ ਪੁੱਤਰ ਅਤੇ ਦੋ ਹੋਰ ਵਪਾਰੀ ਬਚ ਗਏ। ਇਸ ਦੁਕਾਨ ਤੋਂ ਤਿੰਨ ਸੌ ਮੀਟਰ ‘ਤੇ ਪੰਜਾਬ ਪੁਲੀਸ ਦਾ ਪੱਕਾ ਇੰਟਰ ਸਟੇਟ ਨਾਕਾ ਹੈ, ਜਦੋਂਕਿ ਬੀਤੀ ਸ਼ਾਮ ਤੋਂ ਈ-ਪਾਸਿੰਗ ਪ੍ਰਕਿਰਿਆ ਲਈ ਦੁਕਾਨ ਤੋਂ ਕਰੀਬ ਚਾਰ ਸੌ ਮੀਟਰ ਦੂਰੀ ਉੱਪਰ ਹਰਿਆਣਵੀ ਹੱਦ ਸੀਲ ਕੀਤੀ ਹੋਈ ਹੈ। ਪੁਲੀਸ ਨੇ ਮੌਕੇ ਦੋ ਚੱਲੇ ਕਾਰਤੂਸ ਬਰਾਮਦ ਕੀਤੇ ਹਨ। ਲੁਟੇਰਿਆਂ ਨੇ ਬੜੇ ਆਰਾਮ ਨਾਲ ਦੁਕਾਨ ਦਾ ਗੱਲਾ ਫਰੋਲਿਆ ਅਤੇ ਦੁਕਾਨ ‘ਚ ਮੌਜੂਦ ਵਿਅਕਤੀਆਂ ਦੀ ਜੇਬਾਂ ਵਿੱਚੋਂ ਰੁਪਏ ਵੀ ਕਢਵਾ ਲਏ। ਲੁਟੇਰੇ ਹੌਂਡਾ ਸਿਟੀ ਕਾਰ ‘ਤੇ ਆਏ ਸਨ। ਇ