LIVE NOW
Bihar Election Results LIVE: ਵੋਟਾਂ ਦੀ ਗਿਣਤੀ ਸ਼ੁਰੂ; ਸ਼ੁਰੂਆਤੀ ਰੁਝਾਨਾਂ ਵਿਚ ਐੱਨਡੀਏ ਅੱਗੇ
Advertisement
ਬਿਹਾਰ ਦੀਆਂ 243 ਅਸੈਂਬਲੀ ਸੀਟਾਂ ਲਈ ਵੋਟਾਂ ਦੀ ਗਿਣਤੀ ਸ਼ੁੱਕਰਵਾਰ ਸਵੇਰੇ 8 ਵਜੇ ਸ਼ੁਰੂ ਹੋ ਗਈ ਹੈ। ਦੋ ਗੇੜਾਂ ਵਿਚ ਰਿਕਾਰਡ 67.13 ਫੀਸਦ ਵੋਟਿੰਗ ਨੂੰ ਦੇਖਦਿਆਂ ਨਤੀਜਿਆਂ ਨੂੰ ਲੈ ਕੇ ਰਾਜ ਵਿੱਚ ਉਤਸ਼ਾਹ ਅਤੇ ਸਿਆਸੀ ਸਰਗਰਮੀ ਸਿਖਰ ’ਤੇ ਹੈ। 243 ਸੀਟਾਂ ਦੇ ਸ਼ੁਰੂਆਤੀ ਰੁਝਾਨਾਂ ਵਿਚ ਐੱਨਡੀਏ 162, ਮਹਾਂਗੱਠਬੰਧਨ 77 ਤੇ ਹੋਰ 4 ਸੀਟਾਂ ’ਤੇ ਅੱਗੇ ਹਨ। ਪੋਸਟਲ ਬੈਲੇਟ ਮਗਰੋਂ ਹੁਣ ਈਵੀਐੱਮਜ਼ ਵਿਚਲੀਆਂ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋ ਗਈ ਹੈ।
ਚੋਣ ਕਮਿਸ਼ਨ ਨੇ ਵੋਟਾਂ ਦੀ ਗਿਣਤੀ ਲਈ ਬਿਹਾਰ ਦੇ ਸਾਰੇ 243 ਵਿਧਾਨ ਸਭਾ ਹਲਕਿਆਂ ’ਚ ਪੁਖ਼ਤਾ ਪ੍ਰਬੰਧ ਕੀਤੇ ਹਨ। ਸੂਬੇ ’ਚ ਵੋਟ ਗਿਣਤੀ ਨਿਗਰਾਨਾਂ ਤੇ ਉਮੀਦਵਾਰਾਂ ਜਾਂ ਉਨ੍ਹਾਂ ਦੇ ਏਜੰਟਾਂ ਦੀ ਹਾਜ਼ਰੀ ’ਚ ਚੋਣ ਅਧਿਕਾਰੀ ਵੋਟਾਂ ਦੀ ਗਿਣਤੀ ਕਰਨਗੇ। ਕਮਿਸ਼ਨ ਨੇ ਮੀਡੀਆ ਨੂੰ ਸਿਰਫ਼ ਅਧਿਕਾਰਤ ਚੋਣ ਨਤੀਜਿਆਂ ’ਤੇ ਹੀ ਇਤਬਾਰ ਕਰਨ ਦੀ ਸਲਾਹ ਦਿੱਤੀ ਹੈ।
Advertisement
ਕਮਿਸ਼ਨ ਨੇ ਕਿਹਾ ਕਿ ਹਰ ਟੇਬਲ ’ਤੇ ਵੋਟ ਗਿਣਤੀ ਨਿਗਰਾਨ, ਵੋਟ ਗਿਣਤੀ ਸਹਾਇਕ ਤੇ ‘ਮਾਈਕਰੋ-ਅਬਜ਼ਰਵਰ’ ਨਾਲ 4,372 ਵੋਟ ਗਿਣਤੀ ਕਾਊਂਟਰ ਲਾਏ ਗਏ ਹਨ। ਉਮੀਦਵਾਰਾਂ ਦੇ ਲਾਏ 18 ਹਜ਼ਾਰ ਤੋਂ ਵੱਧ ਏਜੰਟ ਵੋਟਾਂ ਦੀ ਗਿਣਤੀ ਪ੍ਰਕਿਰਿਆ ਦੀ ਨਿਗਰਾਨੀ ਕਰਨਗੇ। ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ ਪੋਸਟਲ ਬੈਲੇਟ ਦੀ ਗਿਣਤੀ ਸਭ ਤੋਂ ਪਹਿਲਾਂ ਸ਼ੁਰੂ ਹੋਵੇਗੀ। ਇਸ ਮਗਰੋਂ ਸਵੇਰੇ 8.30 ਵਜੇ ਈ ਵੀ ਐੱਮ ’ਚ ਦਰਜ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋਵੇਗੀ।
ਐਨਡੀਏ 157 ਸੀਟਾਂ ਨਾਲ ਅੱਗੇ, ਮਹਾਂਗੱਠਜੋੜ 82 ਸੀਟਾਂ 'ਤੇ
November 14, 2025 9:53 am
ਐਨਡੀਏ 158 ਸੀਟਾਂ 'ਤੇ ਅੱਗੇ, ਮਹਾਂਗਠਜੋੜ 75 ਸੀਟਾਂ 'ਤੇ ਅੱਗੇ
November 14, 2025 9:52 am
ਪਾਲੀਗੰਜ ਵਿੱਚ ਸੀਪੀਆਈਐਮ (ਐਲ) ਲਿਬਰੇਸ਼ਨ ਦੇ ਸੰਦੀਪ ਸੌਰਵ 241 ਵੋਟਾਂ ਨਾਲ ਅੱਗੇ, ਐਲਜੇਪੀ (ਆਰਵੀ) ਦੇ ਸੁਨੀਲ ਕੁਮਾਰ ਪਿੱਛੇ: ਚੋਣ ਕਮਿਸ਼ਨ
November 14, 2025 9:52 am
ਬਾਂਕੀਪੁਰ ਵਿੱਚ ਭਾਜਪਾ ਦੇ ਨਿਤਿਨ ਨਬੀਨ 2,043 ਵੋਟਾਂ ਨਾਲ ਅੱਗੇ, ਆਰਜੇਡੀ ਉਮੀਦਵਾਰ ਰੇਖਾ ਕੁਮਾਰੀ ਪਿੱਛੇ: ਚੋਣ ਕਮਿਸ਼ਨ
November 14, 2025 9:52 am
ਐਨਡੀਏ 141 ਸੀਟਾਂ 'ਤੇ ਅੱਗੇ, ਮਹਾਂਗਠਜੋੜ 73 ਸੀਟਾਂ 'ਤੇ ਅੱਗੇ
November 14, 2025 9:29 am
ਐੱਨਡੀਏ 83 ਤੇ ਮਹਾਂਗਠਬੰਧਨ 55 ਸੀਟਾਂ ’ਤੇ ਅੱਗੇ
November 14, 2025 8:50 am
ਸ਼ੁਰੁਆਤੀ 11 ਰੁਝਾਨਾਂ ਵਿਚ NDA 7 ਸੀਟਾਂ ਨਾਲ ਅੱਗੇ
November 14, 2025 8:23 am
ਸ਼ੁਰੂਆਤੀ ਰੁਝਾਨਾਂ ਵਿਚ ਐੱਨਡੀਏ ਅੱਗੇ
November 14, 2025 8:19 am
ਐੱਨਡੀਏ 5, ਮਹਾਂਗੱਠਬੰਧਨ 2 ਤੇ ਹੋਰ 1
ਸਭ ਤੋਂ ਪਹਿਲਾਂ ਪੋਸਟਲ ਬੈਲੇਟ ਦੀ ਹੋਵੇਗੀ ਗਿਣਤੀ
November 14, 2025 7:40 am
ਚੋਣ ਕਮਿਸ਼ਨ ਦੇ ਨਿਰਦੇਸ਼ਾਂ ਅਨੁਸਾਰ, ਸਭ ਤੋਂ ਪਹਿਲਾਂ ਡਾਕ ਮੱਤ ਪੱਤਰ (ਪੋਸਟਲ ਬੈਲੇਟ) ਦੀ ਗਿਣਤੀ ਸ਼ੁਰੂ ਹੋਵੇਗੀ। ਇਸ ਤੋਂ ਬਾਅਦ ਸਵੇਰੇ 8:30 ਵਜੇ ਤੋਂ ਈਵੀਐਮ ਖੋਲ੍ਹ ਕੇ ਗਿਣਤੀ ਕੀਤੀ ਜਾਵੇਗੀ। ਚੋਣ ਕਮਿਸ਼ਨ ਨੇ ਸਾਰੇ ਜ਼ਿਲ੍ਹੇ ਦੇ ਪ੍ਰਬੰਧਕਾਂ ਨੂੰ ਵੋਟਿੰਗ ਕਾਰਜ ਸੁਚਾਰੂ ਰੂਪ ਵਿਚ ਸਿਰੇ ਚਾਡ਼੍ਹਨ ਦੇ ਨਿਰਦੇਸ਼ ਦਿੱਤੇ ਹਨ
Advertisement
Copyright @2025 Punjabi Tribune
Designed and developed by : 