ਭਾਰਤੀ ਮੂਲ ਦੇ ਸਰਜਨ ਦੀ ਕਰੋਨਾ ਵਾਇਰਸ ਕਾਰਨ ਮੌਤ !    ਸਰਬ-ਪਾਰਟੀ ਮੀਟਿੰਗ ਸੱਦਣ ਲਈ ਨਾ ਸਮਾਂ ਅਤੇ ਨਾ ਹੀ ਲੋੜ: ਕੈਪਟਨ !    ਪੰਚਾਇਤੀ ਜ਼ਮੀਨਾਂ ਦੀ ਬੋਲੀ ਸਬੰਧੀ ਪ੍ਰੋਗਰਾਮ ਉਲੀਕਣ ਦੀ ਹਦਾਇਤ !    ਵਿਸਾਖੀ ਮੌਕੇ ਧਾਰਮਿਕ ਮੁਕਾਬਲਿਆਂ ਦਾ ਐਲਾਨ !    ਬੱਬਰ ਅਕਾਲੀ ਲਹਿਰ: ਇਤਿਹਾਸਕ ਅਤੇ ਵਿਚਾਰਧਾਰਕ ਸੰਘਰਸ਼ !    ਗੌਰਵ ਦਾ ਪ੍ਰਤੀਕ ਖਾਲਸਾ ਸਾਜਨਾ ਦਿਵਸ !    1699 ਦੀ ਇਤਿਹਾਸਕ ਵਿਸਾਖੀ !    ਮੈਡੀਕਲ ਸਟੋਰ ਤੇ ਲੈਬਾਰਟਰੀਆਂ 10 ਤੋਂ ਸ਼ਾਮ 5 ਵਜੇ ਤੱਕ ਖੋਲ੍ਹਣ ਦੇ ਹੁਕਮ !    ਸਪੁਰਦਗੀ ਨਾ ਲੈਣ ’ਤੇ ਪੁਲੀਸ ਕਰੇਗੀ ਸਸਕਾਰ !    ਆੜ੍ਹਤੀਆਂ ਵੱਲੋਂ ਸਬਜ਼ੀ ਦੇ ਬਾਈਕਾਟ ਦਾ ਐਲਾਨ !    

ਪੈਂਚ ਵਰਕ ਤਾਂ ਹੋਇਆ ਪਰ ਦਿਖਿਆ ਨਹੀਂ

Posted On February - 24 - 2020

ਜਗਤਾਰ ਸਮਾਲਸਰ
ਏਲਨਾਬਾਦ, 23 ਫਰਵਰੀ

ਏਲਨਾਬਾਦ-ਜੀਵਨ ਨਗਰ ਸੜਕ ’ਤੇ ਪੈਂਚ ਵਰਕ ਮਗਰੋਂ ਬਣੇ ਖੱਡੇ।

ਪੀਡਬਲਊਡੀ ਵਿਭਾਗ ਵੱਲੋਂ ਕਰੀਬ 10 ਦਿਨ ਪਹਿਲਾਂ ਸ਼ਹਿਰ ਦੇ ਤਲਵਾੜਾ ਚੌਕ ਤੋਂ ਲੈ ਕੇ ਜੀਵਨ ਨਗਰ ਤੱਕ ਦੀ ਸੜਕ ’ਤੇ ਕੀਤਾ ਗਿਆ ਪੈਂਚ ਵਰਕ ਕੇਵਲ ਸਰਕਾਰੀ ਖ਼ਜ਼ਾਨੇ ਨੂੰ ਚੂਨਾ ਲਗਾਏ ਜਾਣ ਵਾਲਾ ਸਾਬਤ ਹੋਇਆ ਹੈ ਕਿਉਂਕਿ ਦਸ ਦਿਨ ਪਹਿਲਾਂ ਇਸ ਸੜਕ ’ਤੇ ਵਿਭਾਗ ਵੱਲੋਂ ਕੀਤਾ ਗਿਆ ਇਹ ਪੈਂਚ ਵਰਕ ਸਹੀ ਸਮੱਗਰੀ ਅਤੇ ਸਹੀ ਢੰਗ ਨਾਲ ਨਾ ਕੀਤੇ ਜਾਣ ਕਾਰਨ ਇਸ ਸੜਕ ਵਿੱਚ ਵਿਭਾਗ ਵਲੋਂ ਇਸ ਕੰਮ ਤਹਿਤ ਸੜਕ ਵਿੱਚ ਭਰੇ ਗਏ ਖੱਡੇ ਕੇਵਲ 10 ਦਿਨ ਵਿੱਚ ਹੀ ਪਹਿਲਾਂ ਵਾਲੀ ਸਥਿਤੀ ਵਿੱਚ ਆ ਗਏ ਹਨ। ਸੜਕ ਦੀ ਹਾਲਤ ਦੇਖ ਕੇ ਲੱਗਦਾ ਹੈ ਕਿ ਜਿਵੇਂ ਪੈਂਚ ਵਰਕ ਹੋਇਆ ਹੀ ਨਹੀਂ। ਅੱਜ ਸਰਵ ਭਾਰਤ ਨੌਜਵਾਨ ਸਭਾ ਦੇ ਕਾਰਕੁਨਾਂ ਸਰਬਜੀਤ ਸਿੰਘ ਸਿੱਧੂ ਦੀ ਅਗਵਾਈ ਹੇਠ ਇੱਕਠੇ ਹੋ ਕੇ ਦੱਸਿਆ ਕਿ ਵਿਭਾਗ ਵੱਲੋਂ ਇਸ ਸੜਕ ਦੀ ਮੁਰੰਮਤ ਵੇਲੇ ਬਹੁਤੇ ਖੱਡਿਆਂ ਵਿੱਚ ਤਾਂ ਮਟੀਰੀਅਲ ਪਾਇਆ ਹੀ ਨਹੀਂ ਗਿਆ ਅਤੇ ਜਿਹੜੇ ਖੱਡੇ ਭਰੇ ਗਏ ਸਨ ਉੱਥੇ ਕੇਵਲ 10 ਦਿਨ ਵਿੱਚ ਫਿਰ ਖੱਡੇ ਬਣ ਚੁੱਕੇ ਹਨ। ਉਨ੍ਹਾਂ ਦੱਸਿਆ ਕਿ ਜਦੋਂ ਸੜਕ ਦਾ ਪੈਂਚ ਵਰਕ ਚੱਲ ਰਿਹਾ ਸੀ ਤਾਂ ਉਨ੍ਹਾਂ ਲੇਬਰ ਨੂੰ ਵਧੀਆ ਢੰਗ ਨਾਲ ਕੰਮ ਕਰਨ ਲਈ ਆਖਿਆ ਸੀ ਪਰ ਲੇਬਰ ਵਲੋਂ ਜਵਾਬ ਮਿਲਿਆ ਸੀ ਕਿ ਉਹ 5 ਫੁੱਟ ਤੋਂ ਜ਼ਿਆਦਾ ਵੱਡਾ ਖੱਡਾ ਨਹੀਂ ਭਰਨਗੇ। ਉਨ੍ਹਾਂ ਮੰਗ ਕੀਤੀ ਕਿ ਇਸ ਸੜਕ ਦੇ ਹੋਏ ਪੈਂਚ ਵਰਕ ਦੇ ਕੰਮ ਦੀ ਉੱਚ ਪੱਧਰੀ ਜਾਂਚ ਕਰਵਾਈ ਜਾਵੇ ਅਤੇ ਸੜਕ ਨਵੇਂ ਸਿਰੇ ਤੋਂ ਬਣਾਈ ਜਾਵੇ।
ਮੁਰੰਮਤ ਜਲਦੀ ਕਰਵਾਈ ਜਾਵੇਗੀ: ਐੱਸਡੀਓ
ਪੀਡਬਲਊਡੀ ਵਿਭਾਗ ਦੇ ਐੱਸਡੀਓ ਵੇਦ ਪ੍ਰਕਾਸ਼ ਨੇ ਗੱਲਬਾਤ ਕਰਨ ’ਤੇ ਦੱਸਿਆ ਕਿ ਪੂਰੇ ਹਰਿਆਣਾ ਵਿੱਚ ਹੀ ਸੜਕਾਂ ਦੇ ਪੈਂਚ ਵਰਕ ਦਾ ਠੇਕਾ ਗੁਰੂਗ੍ਰਾਮ ਦੀ ਇੱਕ ਕੰਪਨੀ ਨੂੰ ਦਿੱਤਾ ਗਿਆ ਹੈ। ਕੰਪਨੀ ਨਾਲ ਤਿੰਨ ਸਾਲ ਤੱਕ ਦਾ ਐਗਰੀਮੈਂਟ ਹੈ। ਜੇਕਰ ਇਸ ਸਮੇਂ ਦੌਰਾਨ ਕਿਧਰੇ ਵੀ ਸੜਕ ਦੁਬਾਰਾ ਟੁੱਟਦੀ ਹੈ ਤਾਂ ਕੰਪਨੀ ਆਪਣੇ ਖਰਚ ’ਤੇ ਦੁਬਾਰਾ ਬਣਾਏਗੀ। ਕੰਪਨੀ ਦਾ ਇਹ ਟਾਈਮ ਪੀਰੀਅਡ ਕਰੀਬ 3-4 ਮਹੀਨੇ ਪਹਿਲਾਂ ਹੀ ਸ਼ੁਰੂ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਮਟੀਰੀਅਲ ਦੀ ਕਮੀ ਕਾਰਨ ਸੜਕ ਵਿਚਲੇ ਇਹ ਖੱਡੇ ਸਹੀ ਢੰਗ ਨਾਲ ਨਹੀਂ ਭਰੇ ਗਏ ਅਤੇ ਜਲਦੀ ਹੀ ਸੜਕ ਦੀ ਮੁਰੰਮਤ ਕਰਵਾ ਦਿੱਤੀ ਜਾਵੇਗੀ।

 


Comments Off on ਪੈਂਚ ਵਰਕ ਤਾਂ ਹੋਇਆ ਪਰ ਦਿਖਿਆ ਨਹੀਂ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Manav Mangal Smart School
Available on Android app iOS app
Powered by : Mediology Software Pvt Ltd.