ਸਿੱਖਿਆ ਦੇ ਅੰਤਰਰਾਸ਼ਟਰੀਕਰਨ ਦਾ ਭਾਵ ਸਿਰਫ ਵਿਦਿਆਰਥੀ ਵਿਦੇਸ਼ ਭੇਜਣਾ ਨਹੀਂ: ਪਟਨਾਇਕ !    ਗੁਜਰਾਤ ’ਚ ਹੁਣ ਆਈਟੀਆਈ ਤੇ ਪੌਲੀਟੈਕਨਿਕ ਕਾਲਜਾਂ ’ਚ ਬਣਨਗੇ ਲਰਨਿੰਗ ਲਾਇਸੈਂਸ !    ਸ਼ਬਦ ਲੰਗਰ ਵਿਚ ‘ਜਗਤ ਗੁਰੂ ਬਾਬਾ’ ਕਿਤਾਬ ਵੰਡੀ !    ਖੱਡ ’ਚ ਕਾਰ ਡਿੱਗਣ ਕਾਰਨ ਦੋ ਹਲਾਕ !    ਦੋ ਰਾਜ ਸਭਾ ਸੀਟਾਂ ਲਈ ਜ਼ਿਮਨੀ ਚੋਣ 12 ਦਸੰਬਰ ਨੂੰ !    ਸਿੱਖਿਆ ਵਿਭਾਗ ਨੇ ਪੱਤਰਕਾਰੀ ਕਰ ਰਹੇ ਸਰਕਾਰੀ ਮੁਲਾਜ਼ਮਾਂ ’ਤੇ ਸ਼ਿਕੰਜਾ ਕੱਸਿਆ !    ਕਿੰਗਜ਼ ਇਲੈਵਨ ਪੰਜਾਬ ਨਾਲ ਜੁੜੇਗਾ ਗੌਤਮ !    ਮਿਉਂਸਿਪਲ ਪਾਰਕ ਦੀ ਮਾੜੀ ਹਾਲਤ ਕਾਰਨ ਲੋਕ ਔਖੇ !    ਕਾਂਗਰਸ ਵੱਲੋਂ ਦਿੱਲੀ ਸਰਕਾਰ ’ਤੇ ਘਪਲੇ ਦਾ ਦੋਸ਼ !    ਜੀਕੇ ਵੱਲੋਂ ਲਾਂਘੇ ਸਬੰਧੀ ਪ੍ਰਧਾਨ ਮੰਤਰੀ ਨੂੰ ਪੱਤਰ !    

ਗਲੀਆਂ ਦੇ ਚਿੱਕੜ ’ਚ ਰੁਲਿਆ ਸੰਦੀਪ ਨਗਰ ਦਾ ਵਿਕਾਸ

Posted On November - 9 - 2019

ਲਖਵਿੰਦਰ ਸਿੰਘ
ਮਲੋਟ, 8 ਨਵੰਬਰ

ਗਲੀ ਵਿੱਚ ਪਏ ਚਿੱਕੜ ’ਚ ਰੇਤਾ ਸੁੱਟਦਾ ਹੋਇਆ ਨੇੜਲੇ ਘਰ ਵਿੱਚ ਰਹਿੰਦਾ ਇੱਕ ਮੈਂਂਬਰ।

ਕਰੀਬ 27 ਸਾਲ ਪਹਿਲਾ ਮਲੋਟ ਡੱਬਵਾਲੀ ਰੋਡ ’ਤੇ ਸੇਮ ਨਾਲੇ ਦੇ ਪਰਲੇ ਪਾਸੇ ਵਸਿਆ ਸੰਦੀਪ ਨਗਰ ਬੁਨਿਆਦੀ ਸਹੂਲਤਾਂ ਤੋਂ ਕੋਰਾ ਸੱਖਣਾ ਹੈ। ਨਗਰ ਵਿੱਚ ਅੱਜ ਤੱਕ ਨਾ ਗਲੀਆਂ ਨਾਲੀਆਂ ਤੇ ਨਾ ਹੀ ਸੜਕਾਂ, ਪੀਣ ਵਾਲਾ ਪਾਣੀ ਵੀ ਸਵੱਛ ਨਹੀਂ ਮਿਲਦਾ, ਸਟਰੀਟ ਲਾਈਟਾਂ ਦਾ ਕੋਈ ਪ੍ਰਬੰਧ ਨਹੀਂ।
ਪ੍ਰਧਾਨ ਧਰਮਪਾਲ ਸਿੰਘ ਅਤੇ ਸਿਮਰਨਜੀਤ ਸਿੰਘ ਨੇ ਦੱਸਿਆ ਕਿ ਕਰੀਬ 30 ਫੁੱਟ ਚੌੜੀ ਤੇ 150 ਫੁੱਟ ਲੰਬੀ ਇਸ ਸੜਕ ’ਤੇ ਕਈ ਸਾਲ ਪਹਿਲਾਂ ਇੱਟਾਂ ਦਾ ਖੜਵੰਜਾ ਲੱਗਿਆ ਸੀ ਪਰ ਉਸ ਮਗਰੋਂ ਨਾ ਅਕਾਲੀਆਂ ਤੇ ਨਾ ਹੀ ਕਾਂਗਰਸੀਆਂ ਨੇ ਗੇੜਾ ਮਾਰਿਆ।
ਪੂਰੇ 27 ਸਾਲ ਬੀਤ ਗਏ ਨਰਕ ਭੋਗਦਿਆਂ ਨੂੰ। ਧਰਮਪਾਲ ਨੇ ਤਾਂ ਇਥੋਂ ਤੱਕ ਕਿਹਾ ਕਿ ਉਸ ਨੇ 20 ਸਾਲ ਬਾਦਲ ਪਾਰਟੀ ਨਾਲ ਸੇਵਾ ਕੀਤੀ ਹੈ ਤੇ ਹੁਣ 15 ਸਾਲਾਂ ਤੋਂ ਕਾਂਗਰਸ ਨਾਲ ਸਾਂਝ ਹੈ ਪਰ ਸੁਣਵਾਈ ਕੋਈ ਨਹੀਂ। ਉਨ੍ਹਾਂ ਦੱਸਿਆ ਕਿ ਇੱਕ ਵਾਰ ਗਲੀ ਦੇ ਖਸਤਾ ਹਾਲਤ ਦੇਖ ਕੇ ਨਗਰ ਕੀਰਤਨ ਵਾਪਸ ਮੁੜ ਗਿਆ। ਸਕੂਲੀ ਬੱਚਿਆਂ ਦਾ ਬੁਰਾ ਹਾਲ ਹੈ ਕਈ ਤਿਲਕਣ ਕਰਕੇ ਡਿੱਗ ਪੈਂਦੇ ਹਨ ਅਤੇ ਕਈ ਵਾਹਨ ਚਿੱਕੜ ਵਿੱਚ ਫਸ ਜਾਂਦੇ ਹਨ ਬਦਬੂ ਤੇ ਮੱਛਰ ਨਾਲ ਬੁਰਾ ਹਾਲ ਹੈ।
ਹਾਰ ਕੇ ਉਹਨਾਂ ਕੋਲੋਂ ਪੈਸੇ ਪਾ ਕੇ ਸੜਕ ’ਤੇ 2-4 ਟਰਾਲੀਆਂ ਮਿੱਟੀ ਦੀਆਂ ਸੁਟਵਾਈਆਂ ਹਨ ਤਾਂ ਜੋ ਆਮ ਰਾਹਗੀਰਾਂ ਨੂੰ ਪ੍ਰੇਸਾਨੀ ਨਾ ਆਵੇ।
ਉਨ੍ਹਾਂ ਕਿਹਾ ਕਿ ਜੇਕਰ ਉਨ੍ਹਾਂ ਦੇ ਮੁਹੱਲੇ ਦਾ ਸੁਧਾਰ ਨਾ ਹੋਇਆ ਤਾਂ ਉਹ ਅਣਮਿਥੇ ਸਮੇਂ ਲਈ ਹੜਤਾਲ ’ਤੇ ਬੈਠਣਗੇ ਅਤੇ ਵੋਟ ਕੇਵਲ ਉਸ ਪਾਰਟੀ ਦੇ ਨੁਮਾਇੰਦੇ ਨੂੰ ਹੀ ਕਰਨਗੇ ਜਿਹੜਾ ਉਨ੍ਹਾਂ ਦੀਆਂ ਬੁਨਿਆਦੀ ਲੋੜਾਂ ਤੇ ਸਹੂਲਤਾਂ ਵੱਲ ਧਿਆਨ ਦੇਵੇਗਾ।


Comments Off on ਗਲੀਆਂ ਦੇ ਚਿੱਕੜ ’ਚ ਰੁਲਿਆ ਸੰਦੀਪ ਨਗਰ ਦਾ ਵਿਕਾਸ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.