ਸਿੱਖਿਆ ਦੇ ਅੰਤਰਰਾਸ਼ਟਰੀਕਰਨ ਦਾ ਭਾਵ ਸਿਰਫ ਵਿਦਿਆਰਥੀ ਵਿਦੇਸ਼ ਭੇਜਣਾ ਨਹੀਂ: ਪਟਨਾਇਕ !    ਗੁਜਰਾਤ ’ਚ ਹੁਣ ਆਈਟੀਆਈ ਤੇ ਪੌਲੀਟੈਕਨਿਕ ਕਾਲਜਾਂ ’ਚ ਬਣਨਗੇ ਲਰਨਿੰਗ ਲਾਇਸੈਂਸ !    ਸ਼ਬਦ ਲੰਗਰ ਵਿਚ ‘ਜਗਤ ਗੁਰੂ ਬਾਬਾ’ ਕਿਤਾਬ ਵੰਡੀ !    ਖੱਡ ’ਚ ਕਾਰ ਡਿੱਗਣ ਕਾਰਨ ਦੋ ਹਲਾਕ !    ਦੋ ਰਾਜ ਸਭਾ ਸੀਟਾਂ ਲਈ ਜ਼ਿਮਨੀ ਚੋਣ 12 ਦਸੰਬਰ ਨੂੰ !    ਸਿੱਖਿਆ ਵਿਭਾਗ ਨੇ ਪੱਤਰਕਾਰੀ ਕਰ ਰਹੇ ਸਰਕਾਰੀ ਮੁਲਾਜ਼ਮਾਂ ’ਤੇ ਸ਼ਿਕੰਜਾ ਕੱਸਿਆ !    ਕਿੰਗਜ਼ ਇਲੈਵਨ ਪੰਜਾਬ ਨਾਲ ਜੁੜੇਗਾ ਗੌਤਮ !    ਮਿਉਂਸਿਪਲ ਪਾਰਕ ਦੀ ਮਾੜੀ ਹਾਲਤ ਕਾਰਨ ਲੋਕ ਔਖੇ !    ਕਾਂਗਰਸ ਵੱਲੋਂ ਦਿੱਲੀ ਸਰਕਾਰ ’ਤੇ ਘਪਲੇ ਦਾ ਦੋਸ਼ !    ਜੀਕੇ ਵੱਲੋਂ ਲਾਂਘੇ ਸਬੰਧੀ ਪ੍ਰਧਾਨ ਮੰਤਰੀ ਨੂੰ ਪੱਤਰ !    

ਵਿਸ਼ਵ ਦੀ ਲੋਕਧਾਰਾ ਦਾ ਦਰਪਣ

Posted On October - 27 - 2019

ਪ੍ਰਿੰ. ਗੁਰਮੀਤ ਸਿੰਘ ਫਾਜ਼ਿਲਕਾ
ਦੁਨੀਆਂ ਦੀਆਂ ਵੱਖ ਵੱਖ ਭਾਸ਼ਾਵਾਂ ਵਿਚ ਲੋਕ ਸਾਹਿਤ ਦਾ ਵਡਮੁੱਲਾ ਖ਼ਜ਼ਾਨਾ ਹੈ। ਪੁਸਤਕ ‘ਬਾਤਾਂ ਦੇਸ਼ ਵਿਦੇਸ਼ ਦੀਆਂ’ (ਕੀਮਤ: 195 ਰੁਪਏ; ਲੋਕਗੀਤ ਪ੍ਰਕਾਸ਼ਨ, ਮੁਹਾਲੀ) ਵਿਚ ਭਾਰਤ ਸਮੇਤ ਦੁਨੀਆਂ ਦੇ ਵੱਖ ਵੱਖ ਦੇਸ਼ਾਂ ਦੀਆਂ ਅਨੁਵਾਦਿਤ ਇੱਕੀ ਬਾਤਾਂ ਹਨ। ਸਾਰੀਆਂ ਬਾਤਾਂ ਵਿਚ ਕਰਾਮਾਤੀ ਅੰਸ਼ ਹੈ ਕਿਉਂਕਿ ਮਨੁੱਖ ਸ਼ੁਰੂ ਵਿਚ ਕਰਮਾਤਾਂ ਵਿਚ ਵਿਸ਼ਵਾਸ ਰੱਖਦਾ ਸੀ। ਪੂਰਨ ਤੌਰ ’ਤੇ ਅੰਧ-ਵਿਸ਼ਵਾਸੀ ਸੀ। ਸੂਰਜ ਚੰਦ ਤਾਰੇ ਆਦਿ ਉਸ ਲਈ ਦੇਵੀ ਦੇਵਤੇ ਸਨ। ਮਨੁੱਖ ਸਮੁੰਦਰਾਂ ਕੰਢੇ ਵਸਦਾ ਸੀ। ਸ਼ਿਕਾਰ ਕਰਨਾ ਉਸ ਦਾ ਮੁੱਢਲਾ ਸ਼ੌਕ ਸੀ ਕਿਉਂਕਿ ਪੇਟ ਭਰਨ ਦਾ ਵੱਡਾ ਮਸਲਾ ਸੀ। ਪੁਸਤਕ ਦੀ ਅਮਰੀਕੀ ਬਾਤ ਵਿਚ ਪੱਥਰ ਦੇ ਟੁਕੜਿਆਂ ਤੋਂ ਰੰਗ ਬਰੰਗੇ ਤਿਤਲੀਆਂ ਦੇ ਖੰਭ ਬਣ ਜਾਂਦੇ ਹਨ। ਆਈਸਲੈਂਡ ਦੀ ਬਾਤ ਵਿਚ ਸਮੁੰਦਰ ਕੰਢੇ ਮੱਛੀਆਂ ਫੜਨ ਵਾਲੇ ਮਛੇਰੇ ਨੂੰ ਸੁੰਦਰ ਮੁਟਿਆਰਾਂ ਮਿਲਦੀਆਂ ਹਨ। ਵੇਖਦੇ ਵੇਖਦੇ ਉਹ ਪਰੀਆਂ ਬਣ ਜਾਂਦੀਆਂ ਹਨ। ਉਨ੍ਹਾਂ ਵਿਚੋਂ ਇਕ ਦੀ ਕੁੰਜ ਮਛੇਰਾ ਘਰ ਲੈ ਆਉਂਦਾ ਹੈ। ਉਹ ਕੁੰਜ ਅਲਮਾਰੀ ਵਿਚ ਸੰਭਾਲ ਦਿੰਦਾ ਹੈ। ਵਿਆਹ ਵੀ ਕਰਵਾ ਲੈਂਦਾ ਹੈ। ਪਰੀ ਤੋਂ ਬਣੀ ਪਤਨੀ ਦੇ ਸੱਤ ਬੱਚੇ ਹੁੰਦੇ ਹਨ। ਇਕ ਦਿਨ ਉਸ ਨੂੰ ਆਪਣੀ ਕੁੰਜ ਘਰ ਵਿਚੋਂ ਮਿਲ ਜਾਂਦੀ ਹੈ। ਉਹ ਕੁੰਜ ਪਾ ਕੇ ਬੱਚੇ ਛੱਡ ਕੇ ਸਮੁੰਦਰ ਵੱਲ ਭੱਜ ਜਾਂਦੀ ਹੈ। ਮਛੇਰਾ ਸਮੁੰਦਰ ਵਿਚ ਉਸ ਦੀ ਤਲਾਸ਼ ਵਿਚ ਜਾਂਦਾ ਹੈ, ਪਰ ਉਹ ਕਿਧਰੇ ਨਹੀਂ ਲੱਭਦੀ।
ਪੋਲੈਂਡ ਦੀ ਬਾਤ ਵਿਚ ਸੁਸਤ ਕੁੜੀ (ਝਾਟੋ) ਬਾਗ਼ਾਂ ਦੇ ਰਾਖੇ ਨਾਲ ਵਿਆਹ ਕਰਾਉਂਦੀ ਹੈ, ਪਰ ਚਮਤਕਾਰੀ ਢੰਗ ਨਾਲ ਸੁਸਤੀ ਛੱਡ ਕੇ ਫੁਰਤੀ ਹਾਸਲ ਕਰਦੀ ਹੈ। ਅਸਕੀਮੋ ਬਾਤ ‘ਸ਼ਿਕਾਰੀ ਸ਼ਿਕਾਰ ਕਰਨ ਗਿਆ’ ਵਿਚ ਬੰਦਾ ਜਾਨਵਰ ਜੂਨਾਂ ਵਿਚੋਂ ਲੰਘ ਕੇ ਫਿਰ ਮਨੁੱਖ ਬਣਦਾ ਹੈ। ਮੈਕਸਿਕੋ ਦੀ ਬਾਤ ‘ਰੱਬ, ਮੌਤ ਅਤੇ ਕਿਸਾਨ’ ਵਿਚ ਗ਼ਰੀਬੀ ਅਮੀਰੀ ਦੀ ਗੱਲ ਹੈ। ਇਹ ਕੁੱਲ ਦੁਨੀਆਂ ਦਾ ਮਸਲਾ ਹੈ। ਬਰਮਾ ਦੀ ਬਾਤ ਵਿਚ ਗਪੌੜੀਏ ਗੱਪਾਂ ਮਾਰਦੇ ਹਨ, ਪਰ ਰਾਜਕੁਮਾਰ ਚੁਸਤੀ ਨਾਲ ਗਪੌੜੀਆਂ ਦੇ ਚੁੰਗਲ ਵਿਚ ਨਹੀਂ ਫਸਦਾ ਸਗੋਂ ਚੁਸਤ ਗੱਪ ਮਾਰ ਕੇ ਗੱਪੀਆਂ ਨੂੰ ਆਪਣਾ ਗੁਲਾਮ ਬਣਾ ਲੈਂਦਾ ਹੈ। ਤਿੱਬਤ ਦੀ ਬਾਤ, ਪੋਲੈਂਡ ਦੀ ਬਾਤ, ਤਨਜ਼ਾਨੀਆ ਦੀ ਬਾਤ, ਅਮਰੀਕਾ ਦੀ ਬਾਤ ਵਿਚ ਕਬੀਲਾ ਪ੍ਰਸੰਗ ਹੈ। ਦੋ ਬੁੱਢੀਆਂ ਹਾਸਰਸ ਵਾਲੀ ਬਾਤ ਹੈ। ਜਰਮਨੀ, ਚੀਨ, ਅਫ਼ਰੀਕਾ ਦੀਆਂ ਬਾਤਾਂ ਵਿਚ ਕਰਾਮਾਤੀ ਅੰਸ਼ ਹੈ। ਪੁਸਤਕ ਵਿਚ ਵਿਸ਼ਵ ਦਾ ਵਿਰਾਸਤੀ ਲੋਕਧਾਰਾ ਦਾ ਵੰਨ-ਸੁਵੰਨਾ ਰੰਗ ਹੈ।
ਸੰਪਰਕ: 098148-56160


Comments Off on ਵਿਸ਼ਵ ਦੀ ਲੋਕਧਾਰਾ ਦਾ ਦਰਪਣ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.