ਗੈਂਗਸਟਰ ਰਾਜਵਿੰਦਰ ਘਾਲੀ ਦਾ ਕਤਲ !    ਨੌਜਵਾਨ ਸੋਚ: ਪੰਜਾਬ ’ਚ ਵਾਤਾਵਰਨ ਦਾ ਸੰਕਟ !    ਨੌਜਵਾਨਾਂ ਵਿਚ ਵਧ ਰਹੀ ਅਸਹਿਣਸ਼ੀਲਤਾ !    ਜਬਰ-ਜਨਾਹ ਦੀਆਂ ਪੀੜਤ ਕੁੜੀਆਂ ਤੇ ਸਾਡਾ ਸਮਾਜ !    ਵਜ਼ੀਫ਼ਿਆਂ ਬਾਰੇ ਜਾਣਕਾਰੀ !    ਸਵਾਮੀ ਨੇ ਪੁਰਾਣਾ ਰਿਕਾਰਡ ਕੱਢ ਕਾਂਗਰਸ ’ਤੇ ਨਿਸ਼ਾਨਾ ਸਾਧਿਆ !    ਨਾਗਰਿਕਤਾ ਬਿੱਲ ਦਾ ਡੇਢ ਕਰੋੜ ਲੋਕਾਂ ਨੂੰ ਲਾਭ ਹੋਵੇਗਾ: ਸੰਘ !    ਹਾਈਪਰਲੂਪ ਪ੍ਰਾਜੈਕਟ ਬਾਰੇ ਊਧਵ ਨਾਲ ਮੁਲਾਕਾਤ ਕਰਨਗੇ ਬ੍ਰੈਨਸਨ !    ਵਕੀਲਾਂ ਵੱਲੋਂ ਲਾਹੌਰ ਦੇ ਹਸਪਤਾਲ ’ਚ ਭੰਨਤੋੜ, ਪੰਜ ਮਰੀਜ਼ਾਂ ਦੀ ਮੌਤ !    ਪਾਕਿ ਅਦਾਲਤ ਵੱਲੋਂ ਹਾਫ਼ਿਜ਼ ਸਈਦ ਖ਼ਿਲਾਫ਼ ਦੋਸ਼ ਆਇਦ !    

ਲੋਕ ਨਾਚ ਮੁਕਾਬਲਿਆਂ ’ਚ ਭੰਗੜਾ ਟੀਮ ਦੀ ਝੰਡੀ

Posted On September - 11 - 2019

ਜੇਤੂ ਟੀਮ ਦੇ ਵਿਦਿਆਰਥੀਆਂ ਨਾਲ ਰਾਜਿੰਦਰ ਟਾਂਕ ਅਤੇ ਜੱਜ।

ਕੁਲਦੀਪ ਸਿੰਘ
ਨਵੀਂ ਦਿੱਲੀ, 10 ਸਤੰਬਰ
ਸਿੱਖਿਆ ਵਿਭਾਗ, ਦਿੱਲੀ ਸਰਕਾਰ ਵੱਲੋਂ ਜ਼ੋਨ 18 ਅਧੀਨ ਆਉਂਦੇ ਸਕੂਲਾਂ ਵਿਚਕਾਰ ਲੋਕ-ਨਾਚ ਮੁਕਾਬਲੇ ਕਰਵਾਏ ਗਏ। ਇਹ ਮੁਕਾਬਲੇ ਕਮਲ ਮਾਡਲ ਸਕੂਲ, ਮੋਹਨ ਗਾਰਡਨ, ਦਿੱਲੀ ਵਿੱਚ ਹੋਏ, ਜਿਸ ’ਚ ਜੱਜਾਂ ਦੀ ਭੂਮਿਕਾ ਮੈਡਮ ਅਨੀਤਾ ਅਤੇ ਸ੍ਰੀ ਗੰਗਾਨੀ ਨੇ ਨਿਭਾਈ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਵਾਲੀਆਂ ਲਗਪਗ 167 ਟੀਮਾਂ ਨੇ ਵੱਖ- ਵੱਖ ਲੋਕ ਨਾਚ ਵਿਧਾਵਾਂ ਰਾਹੀਂ ਵਧ ਚੜ੍ਹ ਕੇ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ। ਪਰੰਤੂ ਲਾਰੰਸ ਪਬਲਿਕ ਸਕੂਲ ਦੀ ਭੰਗੜਾ ਟੀਮ ਨੇ ਆਪਣੀ ਪ੍ਰਸਤੁਤੀ ਨਾਲ ਜੱਜਾਂ ਸਮੇਤ ਸਾਰਿਆਂ ਨੂੰ ਨੱਚਣ ਲਈ ਮਜਬੂਰ ਕਰ ਦਿੱਤਾ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਲਾਰੰਸ ਪਬਲਿਕ ਸਕੂਲ ਨੇ ਪਹਿਲਾ, ਸਰਵੋਦਿਆ ਬਾਲ ਵਿਦਿਆਲਾ ਵਿਕਾਸ ਪੁਰੀ ਨੇ ਦੂਜਾ ਅਤੇ ਡੀਪੀਐਸ ਸਕੂਲ ਵਿਕਾਸ ਪੁਰੀ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਦੱਸਣਯੋਗ ਹੈ ਕਿ ਲਾਰੰਸ ਪਬਲਿਕ ਸਕੂਲ ਦੀ ਭੰਗੜਾ ਟੀਮ ਦੀ ਟਰੇਨਿੰਗ ਅੰਤਰਰਾਸ਼ਟਰੀ ਲੋਕ ਨਾਚਾਂ ਦੇ ਕੋਚ ਰਾਜਿੰਦਰ ਟਾਂਕ ਵਲੋਂ ਆਪਣੇ ਸਹਿਯੋਗੀ ਢੋਲੀ ਅਮਿਤ ਵੈਦ ਨਾਲ ਮਿਲ ਕੇ ਦਿੱਤੀ ਗਈ ਸੀ। ਇਹ ਵੀ ਦੱਸਣਯੋਗ ਹੈ ਕਿ ਜੇਤੂ ਭੰਗੜਾ ਟੀਮ ‘ਅੰਤਰ ਜ਼ੋਨ ਮੁਕਾਬਲਿਆਂ’ ਲਈ ਜ਼ਿਲ੍ਹਾ ਪੱਧਰ ’ਤੇ ਹਿੱਸਾ ਲਵੇਗੀ। ਅੰਤ ’ਚ ਸਕੂਲ ਮੈਨੇਜਰ ਜਗਦੀਸ਼ ਝਾਂਭ ਨੇ ਜੇਤੂ ਟੀਮ ਅਤੇ ਉਸ ਦੇ ਕੋਚ ਰਾਜਿੰਦਰ ਟਾਂਕ ਨੂੰ ਪਹਿਲਾ ਸਥਾਨ ਹਾਸਿਲ ਕਰਨ ਲਈ ਵਧਾਈ ਦਿੱਤੀ ਅਤੇ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ਲਈ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।


Comments Off on ਲੋਕ ਨਾਚ ਮੁਕਾਬਲਿਆਂ ’ਚ ਭੰਗੜਾ ਟੀਮ ਦੀ ਝੰਡੀ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.