ਲੋਕਾਂ ਦੇ ਅਧਿਕਾਰਾਂ ਲਈ ਗੰਭੀਰ ਖ਼ਤਰਾ !    ਕਸ਼ਮੀਰੀਆਂ ਲਈ ਪੰਜਾਬ ’ਚੋਂ ਉੱਠੀ ਆਵਾਜ਼ ਦਾ ਮਹੱਤਵ !    ਅੱਸੂ !    ਖ਼ੁਦਕੁਸ਼ੀ ਪੀੜਤ ਪਰਿਵਾਰ ਦੀ ਮਦਦ ਲਈ ਸਰਕਾਰ ਤੋਂ ਪਹਿਲਾਂ ਪੁੱਜੇ ਸਮਾਜ ਸੇਵੀ !    ਅਫ਼ਗਾਨਿਸਤਾਨ ਵਿਚ ਰਾਸ਼ਟਰਪਤੀ ਚੋਣਾਂ ਲਈ ਕਮਰਕੱਸੇ !    ਪਾਕਿ ਰਾਹਤ ਲਈ ਅਮਰੀਕਾ ਤੋਂ ਲੈ ਸਕਦੈ ਸਹਾਇਤਾ !    ਵਿਕਾਸ ਕਾਰਜਾਂ ’ਚ ਤੇਜ਼ੀ ਲਈ ਵਿਧਾਇਕਾਂ ਨਾਲ ਤਾਲਮੇਲ ਰੱਖਣ ਮੰਤਰੀ: ਕੈਪਟਨ !    ਸੌਮਿਆ ਸਰਕਾਰ ਬੰਗਲਾਦੇਸ਼ ਕ੍ਰਿਕਟ ਟੀਮ ’ਚੋਂ ਬਾਹਰ !    ਵਿਸ਼ਵ ਕੱਪ-2019 ਆਈਸੀਸੀ ਦਾ ਸਭ ਤੋਂ ਵੱਧ ਵੇਖਿਆ ਜਾਣ ਵਾਲਾ ਟੂਰਨਾਮੈਂਟ !    ਔਡ-ਈਵਨ ਯੋਜਨਾ ਖ਼ਿਲਾਫ਼ ਐਨਜੀਟੀ ’ਚ ਪਟੀਸ਼ਨ !    

ਲੇਹਲ ਖੁਰਦ -ਜਵਾਹਰਵਾਲਾ ਡਰੇਨ ’ਤੇ ਪੱਕਾ ਪੁਲ ਬਣਾਉਣ ਦੀ ਮੰਗ

Posted On September - 11 - 2019

ਪੱਤਰ ਪ੍ਰੇਰਕ
ਲਹਿਰਾਗਾਗਾ,10 ਸਤੰਬਰ

ਡਰੇਨ ਪੁਲ ’ਤੇ ਪੱਕਾ ਪੁੱਲ ਬਣਾਉਣ ਲਈ ਮੰਗ ਕਰਦੇ ਹੋਏ ਵਸਨੀਕ। -ਫੋਟੋ: ਭਾਰਦਵਾਜ

ਇੱਥੇ ਵਾਰਡ ਨੰਬਰ 6 ਦੀ ਟਰੱਕ ਯੂਨੀਅਨ ਦੇ ਪਿੱਛੇ ਆਬਾਦੀ ’ਚ ਲੰਘਦੀ ਲੇਹਲ ਖੁਰਦ ਵਾਲੀ ਡਰੇਨ ’ਤੇ ਪੱਕਾ ਪੁੱਲ ਨਾ ਹੋਣ ਕਰਕੇ ਵਸਨੀਕਾਂ ਨੂੰ ਖੇਤਾਂ ਤੋਂ ਇਲਾਵਾ ਪਿੰਡ ਜਵਾਹਰਵਾਲਾ, ਗੁਰਨੇ ਅਤੇ ਲੇਹਲ ਆਦਿ ਜਾਣ ’ਚ ਮੁਸ਼ਕਲ ਆਉਂਦੀ ਹੈ। ਇਸ ਡਰੇਨ ’ਤੇ ਪੱਕਾਂ ਪੁਲ ਬਣਾਉਣ ਨੂੰ ਲੈ ਕੇ ਲੋਕ ਰਾਜਨੀਤਕ ਨੇਤਾਵਾਂ ਅਤੇ ਅਧਿਕਾਰੀਆਂ ਕੋਲ ਕਈ ਵਾਰ ਫਰਿਆਦ ਕਰ ਚੁੱਕੇ ਹਨ। ਵਾਰਡ ਨਿਵਾਸੀਆਂ ਜਗਤਾਰ ਸਿੰਘ, ਗੁਰਤੇਜ ਸਿੰਘ, ਰਾਮਫਲ ਸਿੰਘ ਅਤੇ ਗੁਰਮੁੱਖ ਸਿੰਘ ਆਦਿ ਨੇ ਦੱਸਿਆ ਕਿ ਡਰੇਨ ਦੇ ਦੋਹਾਂ ਪਾਸੀ ਵਾਰਡ ਦੀ ਆਬਾਦੀ ਹੈ ਪਰ ਨਗਰ ਕੌਂਸਲ ਨੇ ਮੰਡੀ ਵਾਲੀ ਸਾਈਡ ਸੜਕ ਬਣਾ ਕੇ ਡਰੇਨ ਪੁਲ ਤੋਂ ਪਰਲੇ ਪਾਸੇ ਦੀ ਛੱਡ ਦਿੱਤੀ। ਵਸਨੀਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਪੱਧਰ ’ਤੇ ਢੋਲੀਆਂ ਦੱਬ ਕੇ ਕੰਮ ਚਲਾਇਆ ਹੈ ਜਿੱਥੇ ਭਾਰੀ ਚੀਜ਼ ਨਹੀਂ ਲੰਘ ਸਕਦੀ। ਉਨ੍ਹਾਂ ਕਿਹਾ ਕਿ ਇਥੋਂ ਦਿਨ ਰਾਤ ਆਵਾਜਾਈ ਚੱਲਣ ਕਰਕੇ ਕੋਈ ਹਾਦਸਾ ਵਾਪਰ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਬਾਰਸ਼ਾਂ ਦੇ ਦਿਨਾਂ ਵਿੱਚ ਡਰੇਨ ਭਰ ਕੇ ਲੋਕਾਂ ਦੇ ਪੁਲ ਉਪਰੋਂ ਪਾਣੀ ਲੰਘਣ ਕਰਕੇ ਲੋਕ ਖੇਤ ਜਾਂ ਆਪਣੇ ਘਰ ਨਹੀਂ ਜਾ ਸਕਦੇ। ਇਸ ਮੌਕੇ ਡਰੇਨ ਦੀ ਸਫ਼ਾਈ ਨਾ ਹੋਣ ਕਰਕੇ ਨੀਵੇਂ ਪੁਲ ਦੇ ਆਲੇ-ਦੁਆਲੇ ਗਾਜਰ ਬੂੁਟੀ ਪੈਦਾ ਹੋ ਗਈ ਹੈ। ਉਨ੍ਹਾਂ ਕਿਹਾ ਇੱਥੇ ਪੱਕਾ ਪੁਲ ਬਣਾਉਣ ਨੂੰ ਲੈ ਕੇ ਵਸਨੀਕ ਕਈ ਵਾਰ ਪ੍ਰਸ਼ਾਸਨ ਨੂੰ ਲਿਖਤੀ ਪੱਤਰ ਵੀ ਦੇ ਚੁੱਕੇ ਹਨ। ਪਰ ਕੋਈ ਕਾਰਵਾਈ ਨਹੀਂ ਹੋਈ। ਲੋਕ ਨਿਰਮਾਣ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਸੜਕ ਲੋਕ ਨਿਰਮਾਣ ਵਿਭਾਗ ਅਧੀਨ ਨਾ ਹੋਣ ਕਰਕੇ ਪੁਲ ਨਗਰ ਕੌਂਸਲ ਜਾਂ ਡਰੇਨ ਵਿਭਾਗ ਹੀ ਬਣਾ ਸਕਦਾ ਹੈ। ਨਗਰ ਕੌਂਸਲ ਉਧਰ ਆਬਾਦੀ ਖੇਤਾਂ ’ਚ ਘਰ ਹੋਣ ਕਰਕੇ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੀ। ਕੌਂਸਲ ਦੇ ਸੀਨੀਅਰ ਮੀਤ ਪ੍ਰਧਾਨ ਮਹੇਸ਼ ਸ਼ਰਮਾ ਨੀਟੂੂ ਦਾ ਕਹਿਣਾ ਹੈ ਕਿ ਡਰੇਨ ’ਤੇ ਪੁਲ ਬਣਾਉਣਾ ਡਰੇਨ ਵਿਭਾਗ ਦੀ ਜਿੰਮੇਵਾਰੀ ਹੈ ਜਿਨ੍ਹਾਂ ਨੂੰ ਲਿਖ ਕੇ ਭੇਜਿਆ ਜਾ ਰਿਹਾ ਹੈ।

 


Comments Off on ਲੇਹਲ ਖੁਰਦ -ਜਵਾਹਰਵਾਲਾ ਡਰੇਨ ’ਤੇ ਪੱਕਾ ਪੁਲ ਬਣਾਉਣ ਦੀ ਮੰਗ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.