ਬੂੰਦ ਬੂੰਦ ਤਰਸ ਗਏ, ਅਸੀਂ ਪੁੱਤ ਦਰਿਆਵਾਂ ਦੇ... !    ਜਮਹੂਰੀਅਤ ਵਿਚ ਵਿਰੋਧੀ ਸੁਰਾਂ ਦੀ ਅਹਿਮੀਅਤ !    ਅੰਕੜਿਆਂ ਦੀ ਖੇਡ, ਵਿਕਾਸ ਦੀ ਹਨੇਰੀ ਤੇ ਬਾਸ਼ਾ ਡਰਾਈਵਰ !    ਮੋਗਾ ਦੀਆਂ ਤਿੰਨ ਮੁਟਿਆਰਾਂ ’ਤੇ ਡਾਕੂਮੈਂਟਰੀ ਰਿਲੀਜ਼ !    ਘੱਗਰ ਕਰੇ ਤਬਾਹੀ: ਸੁੱਤੀਆਂ ਸਰਕਾਰਾਂ ਨਾ ਲੈਣ ਸਾਰਾਂ !    ਆੜ੍ਹਤੀਏ ਖ਼ਿਲਾਫ਼ 34 ਲੱਖ ਰੁਪਏ ਦੀ ਠੱਗੀ ਦਾ ਕੇਸ ਦਰਜ !    ਸੈਲਾਨੀਆਂ ਲਈ 24 ਤੋਂ 31 ਜੁਲਾਈ ਤਕ ਬੰਦ ਰਹੇਗਾ ਵਿਰਾਸਤ-ਏ-ਖਾਲਸਾ !    ਅਕਾਲੀ ਦਲ ਨੇ ਜੇਲ੍ਹਾਂ ਵਿਚ ਅਪਰਾਧੀਆਂ ਦੀਆਂ ਹੋਈਆਂ ਮੌਤਾਂ ਦੀ ਜਾਂਚ ਮੰਗੀ !    ਕੋਇਨਾ ਮਿੱਤਰਾ ਨੂੰ ਛੇ ਮਹੀਨੇ ਦੀ ਕੈਦ !    ਮਾਲੇਗਾਓਂ ਧਮਾਕਾ: ਹਾਈ ਕੋਰਟ ਵਲੋਂ ਸੁਣਵਾਈ ਮੁਕੰਮਲ ਹੋਣ ਤੱਕ ਦਾ ਸ਼ਡਿਊਲ ਦੇਣ ਦੇ ਆਦੇਸ਼ !    

ਮਹਿਲਾ ਸਸ਼ਕਤੀਕਰਨ ਦਾ ਮੁੱਦਾ

Posted On June - 30 - 2019

ਡਾ. ਜਗਦੀਸ਼ ਕੌਰ ਵਾਡੀਆ

ਪੁਸਤਕ ‘ਭਾਰਤੀ ਨਾਰੀ: ਦਰਪੇਸ਼ ਚੁਣੌਤੀਆਂ’ (ਸੰਪਾਦਕ: ਡਾ. ਸੰਦੀਪ ਕੌਰ ਸੇਖੋਂ; ਕੀਮਤ: 250 ਰੁਪਏ; ਚੇਤਨਾ ਪ੍ਰਕਾਸ਼ਨ, ਲੁਧਿਆਣਾ) ਅਜੋਕੇ ਸਮਾਜ ਵਿਚ ਭਾਰਤੀ ਨਾਰੀ ਨੂੰ ਜੀਵਨ ਵਿਚ ਪੇਸ਼ ਆਉਂਦੀਆਂ ਚੁਣੌਤੀਆਂ ਤੇ ਉਸ ਦੀ ਮਾਨਿਸਕ ਦਸ਼ਾ ਦੇ ਭਖਦੇ ਮਸਲੇ ਬਾਰੇ ਦੱਸਦੀ ਹੈ। ਇਕ ਪਾਸੇ ਲੋਕ-ਸਚਾਈਆਂ ਹਨ: ਧੀਆਂ ਨਾਲ ਜਗ ਵਸਦਾ, ਧੀ ਅਨਮੋਲ ਰੱਬੀ ਦਾਤ, ਔਰਤ ਭਗਤੀ ਤੇ ਸ਼ਕਤੀ ਦਾ ਸੁਮੇਲ, ਪਰਿਵਾਰਕ ਗੱਡੀ ਦਾ ਦੂਸਰਾ ਪਹੀਆ ਤੇ ਮਰਦ ਲਈ ਪ੍ਰੇਰਣਾ ਸ੍ਰੋਤ; ਪਰ ਦੂਜੇ ਪਾਸੇ ਧੀ ਦਾ ਗਰਭ ਵਿਚ ਹੀ ਕਤਲ, ਛੇ ਮਹੀਨੇ ਦੀ ਬੱਚੀ ਤੋਂ ਸੱਤਰ ਸਾਲ ਦੀ ਔਰਤ ਨਾਲ ਬਲਾਤਕਾਰ ਜੋ ਮਰਦ ਦੀ ਹਵਸ ਦਾ ਪ੍ਰਮਾਣ ਹੈ, ਤੇ ਨਾਰੀ ਸੋਸ਼ਣ ਦੀਆਂ ਹੋਰ ਅਨੇਕਾਂ ਘਟਨਾਵਾਂ। ਇਨ੍ਹਾਂ ਦੋਵਾਂ ਤਰ੍ਹਾਂ ਦੇ ਵਿਚਾਰਾਂ ਨੂੰ ਲੈ ਕੇ ਲੁਧਿਆਣਾ ਵਿਖੇ ਇਕ ਰੋਜ਼ਾ ਰਾਸ਼ਟਰੀ ਸੈਮੀਨਾਰ ਹੋਇਆ ਤੇ ਮੁੱਖ ਮੁੱਦਾ ਸੀ ‘ਦਰਪੇਸ਼ ਚੁਣੌਤੀਆਂ ਤੇ ਭਾਰਤੀ ਨਾਰੀ।’ ਇਹ ਪੁਸਤਕ ਸੈਮੀਨਾਰ ਵਿਚ ਵੱਖ ਵੱਖ ਵਿਦਵਾਨਾਂ ਵੱਲੋਂ ਪੜ੍ਹੇ ਗਏ ਖੋਜ ਪੱਤਰਾਂ ਦਾ ਸੰਗ੍ਰਹਿ ਹੈ।
ਇਸ ਪੁਸਤਕ ਵਿਚਲੇ ਸਾਰੇ ਨਿਬੰਧ ਭਾਰਤੀ ਨਾਰੀ ਦੀ ਸਥਿਤੀ ਅਤੇ ਭਾਰਤੀ ਕਾਨੂੰਨ ਬਾਰੇ ਖੋਜ ਭਰਪੂਰ ਨਿਬੰਧ ਹਨ। ਇਨ੍ਹਾਂ ਨਿਬੰਧਾਂ ਵਿਚ ਔਰਤ ਜਾਂ ਧੀ ਦੀ ਮੁੱਢਲੇ ਸਮਾਜ ਤੋਂ ਹੁਣ ਤਕ ਦੇ ਸਮਾਜ ਵਿਚ ਸਥਿਤੀ ਨੂੰ ਪੱਛਮੀ ਵਿਦਵਾਨਾਂ ਤੇ ਭਾਰਤੀ ਵਿਦਵਾਨਾਂ ਦੇ ਵਿਚਾਰਾਂ ਨੂੰ ਆਧਾਰ ਬਣਾ ਕੇ ਪੇਸ਼ ਕੀਤਾ ਗਿਆ ਹੈ। ਇਕ ਲੇਖ ਵਿਚ ਤਾਂ ਔਰਤ ਵੱਲੋਂ ਸਮਾਜਿਕ ਵਿਕਾਸ ਵਿਚ ਪਾਏ ਯੋਗਦਾਨ ਨੂੰ ਮੁੱਢ ਤੋਂ ਹੁਣ ਤਕ ਦੇ ਸਮਾਜ ਵਿਚ ਹਾਂ-ਪੱਖੀ ਸੋਚ ਨੂੰ ਲੈ ਕੇ ਬਾਖ਼ੂਬੀ ਪੇਸ਼ ਕੀਤਾ ਗਿਆ ਹੈ ਕਿ ਜੰਗਲ ਰਾਜ ਤੋਂ ਲੈ ਕੇ ਆਧੁਨਿਕ ਸਭਿਅਤਾ ਤਕ ਜਿਨ੍ਹਾਂ ਔਰਤਾਂ ਨੇ ਯੋਗਦਾਨ ਪਾਇਆ ਉਨ੍ਹਾਂ ਦੇ ਨਾਂ ਤਕ ਦੇ ਕੇ ਔਰਤ ਦੀ ਮਜ਼ਬੂਤ ਸਥਿਤੀ ਨੂੰ ਪੇਸ਼ ਕੀਤਾ ਹੈ। ਪਰ ਜੋ ਹਾਲਾਤ ਵਾਪਰਦੇ ਰਹੇ ਤੇ ਹੁਣ ਵੀ ਵਾਪਰ ਰਹੇ ਹਨ ਉਨ੍ਹਾਂ ਸਾਰੀਆਂ ਪਰਿਸਥਿਤੀਆਂ ਨੂੰ ਵੱਖ ਵੱਖ ਨਿਬੰਧਾਂ ਵਿਚ ਵਿਸਤਾਰ ਸਹਿਤ ਖੋਜ ਭਰਪੂਰ ਢੰਗਾਂ ਨਾਲ ਪੇਸ਼ ਕੀਤਾ ਗਿਆ ਹੈ। ਅੰਤਲੇ ਕਾਂਡ ਵਿਚ ‘ਮਹਿਲਾ ਸਸ਼ਕਤੀਕਰਨ ਤੇ ਭਾਰਤੀ ਕਾਨੂੰਨ’ ਵਿਸ਼ੇ ਨੂੰ ਵਧੀਆ ਢੰਗ ਨਾਲ ਦਰਸਾਇਆ ਹੈ- ਕਿਹੜੇ ਕਾਨੂੰਨ ਉਸ ਦੇ ਹੱਕ ਵਿਚ ਤੇ ਕਦੋਂ ਬਣਾਏ ਗਏ, ਸੰਵਿਧਾਨਕ ਵਿਵਸਥਾਵਾਂ, ਕਾਨੂੰਨੀ ਵਿਵਸਥਾਵਾਂ, ਮਹਿਲਾਵਾਂ ਲਈ ਸਕੀਮਾਂ ਤੇ ਸੁਝਾਅ ਹਵਾਲਿਆਂ ਸਹਿਤ ਦਿੱਤੇ ਗਏ ਹਨ।

ਸੰਪਰਕ: 98555-84298


Comments Off on ਮਹਿਲਾ ਸਸ਼ਕਤੀਕਰਨ ਦਾ ਮੁੱਦਾ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.