ਯਹੂਦੀ ਘੱਲੂਘਾਰੇ ਦਾ ਪ੍ਰਮਾਣਿਕ ਹਸਤਾਖਰ !    ਗੋਰੀ ਦੀਆਂ ਝਾਂਜਰਾਂ ਵਾਲਾ ਨੰਦ ਲਾਲ ਨੂਰਪੁਰੀ !    ਸਿੱਧੂ ਮਗਰੋਂ ਸੋਨੀ ਵੀ ਨਵੇਂ ਮਹਿਕਮੇ ਦਾ ਚਾਰਜ ਲੈਣ ਤੋਂ ਇਨਕਾਰੀ !    ਅਜੋਕੇ ਦੌਰ ਦਾ ਪੰਜਾਬੀ ਚਿੰਤਨ !    ਮਨੁੱਖੀ ਨਸਲ ਦਾ ਅਨਿਸ਼ਚਿਤ ਭਵਿੱਖ !    ਇਨਕਲਾਬੀ ਗੁਰੀਲੇ ਦਾ ਘਰ !    ਨਦੀਨ !    ਸੰਜੀਦਗੀ ਭਰਪੂਰ ਸ਼ਾਇਰੀ !    ਅਜੋਕੇ ਮਨੁੱਖ ਦੀ ਵੇਦਨਾ-ਸੰਵੇਦਨਾ !    ਮਨੁੱਖੀ ਮਨ ਨੂੰ ਸਮਝਣ ਦੀ ਕੋਸ਼ਿਸ਼ !    

ਇੰਟਰਕਾਂਟੀਨੈਂਟਲ ਕੱਪ: ਅਨਸ ਦੀ ਭਾਰਤੀ ਫੁਟਬਾਲ ਟੀਮ ’ਚ ਵਾਪਸੀ

Posted On June - 12 - 2019

ਨਵੀਂ ਦਿੱਲੀ, 11 ਜੂਨ
ਭਾਰਤੀ ਫੁਟਬਾਲ ਟੀਮ ਦੇ ਮੁੱਖ ਕੋਚ ਇਗੋਰ ਸਟਿਮਕ ਨੇ ਡਿਫੈਂਡਰ ਅਨਸ ਇਦਾਥੋਡਿਕਾ ਨੂੰ ਸੰਨਿਆਸ ਤੋਂ ਵਾਪਸੀ ਕਰਵਾਉਂਦਿਆਂ ਅਗਲੇ ਮਹੀਨੇ ਹੋਣ ਵਾਲੇ ਇੰਟਰਕਾਂਟੀਨੈਂਟਲ ਕੱਪ ਦੇ 35 ਸੰਭਾਵਿਤ ਖਿਡਾਰੀਆਂ ਵਿੱਚ ਸ਼ਾਮਲ ਕੀਤਾ ਹੈ। ਸਟਿਮਕ ਦਾ ਇਹ ਕਦਮ ਸਪਸ਼ਟ ਤੌਰ ’ਤੇ ਜ਼ਾਹਰ ਕਰਦਾ ਹੈ ਕਿ ਟੀਮ ਦਾ ਸੈਂਟਰਲ ਡਿਫੈਂਸ ਕਮਜੋਰ ਹੈ।
ਹਾਲ ਹੀ ਵਿੱਚ ਥਾਈਲੈਂਡ ਵਿੱਚ ਕੁਰਾਕਾਓ ਤੋਂ ਕਿੰਗਜ਼ ਕੱਪ ਦੇ ਮੈਚ ਦੌਰਾਨ ਭਾਰਤ ਦੇ ਸੈਂਟਰਲ ਡਿਫੈਂਸ ਨੇ ਕਾਫ਼ੀ ਗ਼ਲਤੀਆਂ ਕੀਤੀਆਂ ਸਨ, ਜਿਸ ਕਾਰਨ ਭਾਰਤ ਨੇ ਪਹਿਲੇ ਹਾਫ਼ ਵਿੱਚ 18 ਮਿੰਟ ਦੇ ਅੰਦਰ ਤਿੰਨ ਗੋਲ ਗੁਆਏ ਅਤੇ ਟੀਮ ਨੂੰ 1-3 ਨਾਲ ਹਾਰ ਝੱਲਣੀ ਪਈ। ਇਸ ਦੌਰਾਨ ਰਾਹੁਲ ਭੇਕੇ ਡਿਫੈਂਸ ਵਿੱਚ ਕਮਜ਼ੋਰ ਰਿਹਾ। ਅਨਸ ਦੇ ਸੰਨਿਆਸ ਮਗਰੋਂ ਭੇਕੇ ਨੂੰ ਡਿਫੈਂਸ ਵਿੱਚ ਸੰਦੇਸ਼ ਝਿੰਗਨ ਨਾਲ ਸ਼ਾਮਲ ਕੀਤਾ ਗਿਆ ਸੀ। ਇਸ ਤੋਂ ਪਹਿਲਾਂ ਦੋ ਸਾਲ ਤੱਕ ਝਿੰਗਨ ਅਤੇ ਅਨਸ ਸੈਂਟਰਲ ਡਿਫੈਂਸ ਵਿੱਚ ਭੂਮਿਕਾ ਨਿਭਾਅ ਰਹੇ ਸਨ। ਜਨਵਰੀ ਵਿੱਚ ਏਐਫਸੀ ਏਸ਼ਿਆਈ ਕੱਪ ਮਗਰੋਂ ਕੌਮਾਂਤਰੀ ਫੁਟਬਾਲ ਤੋਂ ਸੰਨਿਆਸ ਦਾ ਐਲਾਨ ਕਰਨ ਵਾਲੇ 32 ਸਾਲ ਦੇ ਅਨਸ ਨੇ ਕਿਹਾ ਕਿ ਉਸ ਨੂੰ ਕੋਚ ਸਟਿਮਕ ਦਾ ਸੁਨੇਹਾ ਮਿਲਿਆ ਸੀ, ਜਿਸ ਮਗਰੋਂ ਉਸ ਨੇ ਕੌਮਾਂਤਰੀ ਸੰਨਿਆਸ ਤੋਂ ਵਾਪਸੀ ਕਰਨ ਦਾ ਫ਼ੈਸਲਾ ਕੀਤਾ ਹੈ।

-ਪੀਟੀਆਈ


Comments Off on ਇੰਟਰਕਾਂਟੀਨੈਂਟਲ ਕੱਪ: ਅਨਸ ਦੀ ਭਾਰਤੀ ਫੁਟਬਾਲ ਟੀਮ ’ਚ ਵਾਪਸੀ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.