1975 ਦੀ ਐਮਰਜੈਂਸੀ : ਜੇਲ੍ਹ ਯਾਤਰਾ ਦੀਆਂ ਯਾਦਾਂ !    ਪਾਵਰਕਾਮ: ਫ਼ੈਸਲੇ ਤੇ ਪ੍ਰਭਾਵ !    ਭਾਰਤੀ ਸਮਾਜ ਅਤੇ ਔਰਤ !    ਡਰਾਈਵਰ ਦਾ ਕਮਿਊਨਿਜ਼ਮ !    ਫੀਫਾ ਮਹਿਲਾ ਵਿਸ਼ਵ ਕੱਪ: ਬ੍ਰਾਜ਼ੀਲ ਤੇ ਇੰਗਲੈਂਡ ਕੁਆਰਟਰਜ਼ ’ਚ !    ਸੁਖਬੀਰ ਬਾਦਲ ਨੇ ਫਿਰੋਜ਼ਪੁਰ ਪੀਜੀਆਈ ਬਾਰੇ ਕੇਂਦਰ ਨੂੰ ਪੱਤਰ ਲਿਖਿਆ !    ਭਾਜਪਾ ਦੀ ਜੰਮੂ-ਕਸ਼ਮੀਰ ਇਕਾਈ ਵੱਲੋਂ ਹੁਰੀਅਤ ਨਾਲ ਗੱਲਬਾਤ ਦਾ ਵਿਰੋਧ !    ਮੈਡੀਕਲ ਸਮੂਹਾਂ ਵੱਲੋਂ ਵਾਤਾਵਰਨ ਤਬਦੀਲੀ ‘ਸਿਹਤ ਐਮਰਜੈਂਸੀ’ ਕਰਾਰ !    ਪੰਚਾਇਤ ਮੀਟਿੰਗ ’ਚ ਹੋਏ ਝਗੜੇ ਦੌਰਾਨ ਦੋ ਦੀ ਮੌਤ !    ਮੈਰਿਟ ’ਚ ਆਉਣ ਵਾਲਿਆਂ ਨੂੰ ਮਿਲਣਗੇ ਲੈਪਟਾਪ !    

‘ਹੰਕਾਰੀ ਸਰਕਾਰ’ ਦਾ ਵਕਤ ਖਤਮ: ਪ੍ਰਿਯੰਕਾ

Posted On May - 15 - 2019

ਪਠਾਨਕੋਟ ਵਿੱਚ ਪ੍ਰਿਯੰਕਾ ਗਾਂਧੀ ਦੇ ਰੋਡ ਸ਼ੋਅ ਸਮੇਂ ਮੌਕੇ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ।

ਐਨ.ਪੀ.ਧਵਨ
ਪਠਾਨਕੋਟ, 14 ਮਈ
ਕਾਂਗਰਸ ਦੀ ਕੌਮੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਅੱਜ ਪਠਾਨਕੋਟ ਵਿੱਚ ਪਾਰਟੀ ਉਮੀਦਵਾਰ ਸੁਨੀਲ ਜਾਖੜ ਦੇ ਹੱਕ ਵਿੱਚ ਰੋਡ ਸ਼ੋਅ ਕੱਢਦੇ ਹੋਏ ਜਨਤਾ ਕੋਲੋਂ ਸਵਾਲ ਪੁੱਛਿਆ ਕਿ ਉਨ੍ਹਾਂ ਨੂੰ ‘ਨੇਤਾ ਚਾਹੀਦਾ ਹੈ ਜਾਂ ਅਭਿਨੇਤਾ? ਇਸ ’ਤੇ ਜੁੜੀ ਭੀੜ ਨੇ ‘ਨੇਤਾ’ ਦੇ ਰੂਪ ਵਿੱਚ ਉੱਤਰ ਦਿੱਤਾ। ਉਨ੍ਹਾਂ ਨਾਲ ਸੂਬੇ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ, ਪੰਜਾਬ ਮਾਮਲਿਆਂ ਦੀ ਇੰਚਾਰਜ ਆਸ਼ਾ ਕੁਮਾਰੀ, ਸਥਾਨਕ ਸਰਕਾਰ ਮੰਤਰੀ ਨਵਜੋਤ ਸਿੰਘ ਸਿੱਧੂ, ਸੁਨੀਲ ਜਾਖੜ ਅਤੇ ਵਿਧਾਇਕ ਅਮਿਤ ਵਿਜ ਵੀ ਸਨ। ਪ੍ਰਿਯੰਕਾ ਨੇ ਕਿਹਾ ਕਿ ਦੇਸ਼ ਵਿੱਚ ਪਿਛਲੇ ਪੰਜ ਸਾਲ ਪ੍ਰਧਾਨ ਮੰਤਰੀ ਦੇ ਰੂਪ ਵਿੱਚ ਆਵਾਮ ਨੇ ਅਭਿਨੇਤਾ ਹੀ ਦੇਖਿਆ ਹੈ। ਇਸ ਅਭਿਨੇਤਾ ਨੇ ਜਨਤਾ ਅਤੇ ਦੇਸ਼ ਤੇ ਨੋਟਬੰਦੀ ’ਤੇ ਜੀਐਸਟੀ. ਲਗਾ ਕੇ ਕਿੰਨਾ ਨੁਕਸਾਨ ਪਹੁੰਚਾਇਆ ਹੈ। ਇਹ ਤਾਂ ਦੇਸ਼ ਨੇ ਦੇਖਿਆ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਨੇ 5 ਸਾਲ ਤੱਕ ‘ਹੰਕਾਰੀ ਸਰਕਾਰ’ ਨੂੰ ਦੇਖਿਆ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਜਨਤਾ ਨੇ ਤਹਿ ਕਰਨਾ ਹੈ ਕਿ ਦੇਸ਼ ਨੂੰ ਸੱਚੀ ਰਾਜਨੀਤੀ ਚਾਹੀਦੀ ਹੈ ਜਾਂ ਝੂਠੀ? ਕੀ ਅਗਲੇ ਪੰਜ ਸਾਲਾਂ ਦੇ ਲਈ ਲੋਕ ਫਿਰ ਤੋਂ ਦੇਸ਼ ਨੂੰ ਗਲਤ ਹੱਥਾਂ ਵਿੱਚ ਦੇਣਾ ਚਾਹੁੰਦੇ ਹਨ? ਆਵਾਮ ’ਤੇ ਵੱਡੀ ਜ਼ਿੰਮੇਵਾਰੀ ਹੈ। ਨੌਜਵਾਨਾਂ ਦੇ ਲਈ 10 ਹਜ਼ਾਰ ਗ੍ਰਾਮੀਣ ਰੋਜ਼ਗਾਰ ਕੇਂਦਰ ਬਣਨਗੇ। 24 ਲੱਖ ਸਰਕਾਰੀ ਨੌਕਰੀਆਂ ਨੂੰ ਯੂ.ਪੀ.ਏ. ਸਰਕਾਰ ਇਕ ਸਾਲ ਦੇ ਅੰਦਰ ਭਰੇਗੀ।

ਪ੍ਰਿਯੰਕਾ ਨੇ ਨਵਜੋਤ ਸਿੱਧੂ ਨੂੰ ਮਾਈਕ ਸੌਂਪਿਆ
ਜਿਊਂ ਹੀ ਪ੍ਰਿਯੰਕਾ ਨੇ ਜਿਉਂ ਹੀ ਰੋਡ ਸ਼ੋਅ ਵਿੱਚ ਉਮੜੀ ਉਤਸ਼ਾਹੀ ਭੀੜ ਨੂੰ ਦੇਖਿਆ ਤਾਂ ਉਨ੍ਹਾਂ ਮਾਈਕ ਮੰਗਵਾ ਕੇ ਨਵਜੋਤ ਸਿੱਧੂ ਦੇ ਜਨਤਾ ਨਾਲ ਮੁਖਾਤਿਬ ਹੋਣ ਦੇ ਲਈ ਕਿਹਾ। ਸਿੱਧੂ ਨੇ ਮਾਈਕ ਤਾਂ ਫੜਿਆ ਤੇ ਪ੍ਰਧਾਨ ਮੰਤਰੀ ਮੋਦੀ ’ਤੇ ਹਮਲਾ ਬੋਲਦਿਆਂ ਕਿਹਾ ਕਿ ਜਦੋਂ ਭਾਜਪਾਈ ਹੁਣ ਲੋਕਾਂ ਨੂੰ ਕਹਿਣ ਕਿ ‘ਫਿਰ ਇਕ ਵਾਰ ਤਾਂ ਲੋਕ ਜਵਾਬ ਦੇਣ…ਬੱਸ ਕਰ ਯਾਰ।’ ਸ੍ਰੀ ਸਿੱਧੂ ਨੇ ਲੋਕਾਂ ਤੋਂ ਸੁਨੀਲ ਜਾਖੜ ਦੇ ਹੱਕ ਵਿਚ ਨਾਅਰੇ ਵੀ ਲਗਵਾਏ।


Comments Off on ‘ਹੰਕਾਰੀ ਸਰਕਾਰ’ ਦਾ ਵਕਤ ਖਤਮ: ਪ੍ਰਿਯੰਕਾ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.