ਪੰਜਾਬ ਦੇ ਕਲਾਕਾਰਾਂ ਦਾ ਸਹਾਰਾ ਬਣੇਗੀ ਆਰਟਿਸਟ ਐਸੋਸੀਏਸ਼ਨ !    ਅਸਤੀਫਾ ਦੇ ਚੁੱਕੇ ‘ਆਪ’ ਵਿਧਾਇਕਾਂ ਨੂੰ ਕਮੇਟੀਆਂ ’ਚ ਨਾਮਜ਼ਦ ਕਰਨ ਦਾ ਵਿਰੋਧ !    ਸ਼ੇਰ ਇਕੱਲਾ ਹੀ ਬਹੁਤ ਹੁੰਦੈ: ਮਾਨ !    ਛੇਵੀਂ ਪਾਤਸ਼ਾਹੀ ਦੇ ਪ੍ਰਕਾਸ਼ ਪੁਰਬ ’ਤੇ ਲੱਗੀਆਂ ਰੌਣਕਾਂ !    ਇਰਾਨ ਵਲੋਂ ਸੀਆਈਏ ਦੇ ਜਾਸੂਸੀ ਨੈੱਟਵਰਕ ਦਾ ਪਰਦਾਫਾਸ਼ !    ਪਾਕਿ ਸਿੱਖ ਆਗੂ ਵਲੋਂ ਕਰਤਾਰਪੁਰ ਲਈ ਦੋਹਰੀ ਦਾਖ਼ਲਾ ਵੀਜ਼ਾ ਸਹੂਲਤ ਦੀ ਸ਼ਲਾਘਾ !    ਅਯੁੱਧਿਆ ਦਹਿਸ਼ਤੀ ਹਮਲਾ ਕੇਸ ’ਚ ਚਾਰ ਨੂੰ ਉਮਰ ਕੈਦ !    ਗੁਜਰਾਤ: ਰਾਜ ਸਭਾ ਸੀਟਾਂ ’ਤੇ ਵੱਖ-ਵੱਖ ਜ਼ਿਮਨੀ ਚੋਣਾਂ ਖ਼ਿਲਾਫ਼ ਸੁਣਵਾਈ ਅੱਜ !    ਪੰਥ ਰਤਨ ਮਾਸਟਰ ਤਾਰਾ ਸਿੰਘ !    ਮੀਰੀ ਪੀਰੀ ਦੇ ਮਾਲਕ ਗੁਰੂ ਹਰਿਗੋਬਿੰਦ ਸਾਹਿਬ !    

ਉਸ ਸਮੇਂ ਦੀਆਂ ਲਿਖਤਾਂ

Posted On April - 13 - 2019

ਜੱਲਿਆਂ ਵਾਲਾ ਬਾਗ

ਹੀਰਾ ਸਿੰਘ ਦਰਦ

ਹੀਰਾ ਸਿੰਘ ਦਰਦ

(ਰਾਵਲਪਿੰਡੀ ਕਾਂਗ੍ਰੈਸ ਦੇ ਜਲਸੇ ਵਿਚ ਪੜ੍ਹੀ ਜੋ ਜੱਲਿਆਂ ਵਾਲੇ ਬਾਗ ਦੇ ਸਾਕੇ ਸਬੰਧੀ ਹੋਯਾ ਸੀ, 1919 ਈ:)
ਫੁੱਟੀ ਇਕ ਕਰੂੰਬਲੀ ਮੁਦਤ ਪਿੱਛੋਂ,
ਓਹ ਭੀ ਖਿਜ਼ਾਂ ਦੀ ਅੱਖ ਵਿਚ ਖਾਰ ਬਨ ਗਈ।
ਝੱਖੜ ਰੌਲਟ ਦਾ ਓਸ ਝੁਲਾ ਦਿੱਤਾ,
ਡਾਢੀ ਜਿੰਦਗੀ ਫੇਰ ਲਾਚਾਰ ਬਨ ਗਈ।
ਖੜਖੜਾਹਟ ਕੀਤੀ ਜਦੋਂ ਪੱਤਿਆਂ ਨੇ,
ਉਸ ਦੇ ਵਾਸਤੇ ਜਰਮਨ ਦੀ ਵਾਰ ਬਨ ਗਈ।
ਦੁਖੀ ਦਿਲ ਦੀ ਹੰਝੁ ਇਕ ਕਿਰੀ ਅੱਖੀਓਂ,
ਸਮਝੋ ਓਸ ਲਈ ਤੇਜ਼ ਕਟਾਰ ਬਨ ਗਈ।
ਗੁੱਸੇ ਨਾਲ ਮਸ਼ੀਨਾਂ ਦੀ ਬਾੜ ਝਾੜੀ,
ਉਲਟੀ ਬਾਗ ਦੀ ਦੁਗਨੀ ਬਹਾਰ ਬਨ ਗਈ।
ਨਾਲ ਕਹਿਰ ਦੀ ਅੱਗ ਦੇ ਸਾੜਿਆ ਸੂ,
ਐਪਰ ਖਾਕ ਥੀਂ ਨਵੀਂ ਗੁਲਜ਼ਾਰ ਬਨ ਗਈ।
ਉਸ ਨੇ ਸੋਚਿਆ ਮਿਟਸੀ ਨਿਸ਼ਾਨ ਮੇਰਾ,
ਇਹ ਤਾਂ ਸਦਾ ਲਈ ਇਕ ਯਾਦਗਾਰ ਬਨ ਗਈ।
ਦੋਸ਼ੀ ਸਮਝ ਕੇ ਜ਼ਾਲਮ ਨੇ ਕਤਲ ਕੀਤਾ,
ਦੁਨੀਆਂ ਲਈ ਸ਼ਹੀਦੀ ਮਜ਼ਾਰ ਬਨ ਗਈ।

ਸਿਆਪਾ ਡਾਇਰ ਦਾ

ਮੁਹੰਮਦ ਹੁਸੈਨ ਅਰਸ਼ਦ, ਅੰਮ੍ਰਿਤਸਰੀ

ਲਾਸ਼ਾਂ ਦਾ ਤੂੰ ਢੇਰ ਲਗਾਇਆ
ਤਰਸ ਦਿਲੇ ਵਿਚ ਮੂਲ ਨਾ ਆਇਆ
ਮਦਨ ਮੋਹਨ ਨੂੰ ਮਾਰ ਮੁਕਾਇਆ
ਬੱਸ ਨਹੀਂ ਕੁਛ ਮੇਰੇ,
ਲੱਗੇ ਗੋਲੀ ਡਾਇਰ ਓ ਤੇਰੇ
ਜੱਲ੍ਹਿਆਂ ਵਾਲੇ ਬਾਗ਼ ’ਤੇ ਜ਼ੁਲਮ ਕਮਾਇਆ।
ਆਸੇ ਪਾਸੇ ਲੁੱਕ ਛਿਪ ਬਹਿੰਦੇ
ਗੋਲੀਆਂ ਤੇਰੀਆਂ ਸੀਨੇ ਸਹਿੰਦੇ
ਆਖਰ ਮਰ ਮਰ ਲੰਬੇ ਪੈਂਦੇ
ਮੌਤ ਨੇ ਪਾ ਲਏ ਘੇਰੇ,
ਲੱਗੇ ਗੋਲੀ ਡਾਇਰ ਓ ਤੇਰੇ
ਜੱਲ੍ਹਿਆਂ ਵਾਲੇ ਬਾਗ਼ ’ਤੇ ਜ਼ੁਲਮ ਕਮਾਇਆ।
ਏਹੀ ਦਿਲ ਦੀਆਂ ਦਿਲ ਵਿਚ ਮੇਰੇ
ਬਦਲੇ ਲੈਣੇ ਡਾਇਰ ਤੇਰੇ
ਇਹ ਦੁਆ ਹੈ ਸ਼ਾਮ ਸਵੇਰੇ
ਮੌਲਾ ਮੇਰੇ ਦਿਨਾਂ ਨੂੰ ਫੇਰੇ,
ਲੱਗੇ ਗੋਲੀ ਡਾਇਰ ਓ ਤੇਰੇ
ਜੱਲ੍ਹਿਆਂ ਵਾਲੇ ਬਾਗ਼ ’ਤੇ ਜ਼ੁਲਮ ਕਮਾਇਆ।
ਹਿੰਦੂ, ਮੁਸਲਿਮ ਹੋ ਗਏ ’ਕੱਠੇ
ਨਾਲੇ ਖਾਲਸਾ ਭਾਈ ਰਲ ਕੇ
ਖਿਦਮਤ ਹਿੰਦ ਦੀ ਕਰਦੇ
ਗਾਂਧੀ ਦੇ ਬਣ ਕੇ ਚੇਰੇ,
ਲੱਗੇ ਗੋਲੀ ਡਾਇਰ ਓ ਤੇਰੇ
ਜੱਲ੍ਹਿਆਂ ਵਾਲੇ ਬਾਗ਼ ’ਤੇ ਜ਼ੁਲਮ ਕਮਾਇਆ।
ਆਰਜ਼ੂ ਦਿਲ ਦੀ ਇਹ ਹੈ ਮੇਰੀ
ਹੱਥ ਮੇਂ ਕੰਗਨਾ ਪੈਰੀਂ ਬੇੜੀ
ਨਾਲੇ ਸਿਹਰਾ ਬੰਨ੍ਹ ਕੇ ਜੀ
ਇਕ ਦਿਨ ਲੈਣੇ ਫੇਰੇ,
ਲੱਗੇ ਗੋਲੀ ਡਾਇਰ ਓ ਤੇਰੇ
ਜੱਲ੍ਹਿਆਂ ਵਾਲੇ ਬਾਗ਼ ’ਤੇ ਜ਼ੁਲਮ ਕਮਾਇਆ।
ਆਜ਼ਜ਼ ਗ਼ੁਲਾਮ ਰਸੂਲ ਪੁਕਾਰੇ
ਦਿਨ ਰਾਤੀਂ ਸ਼ਾਮ ਸਵੇਰੇ
ਲੱਗੇ ਗੋਲੀ ਡਾਇਰ ਓ ਤੇਰੇ
ਜੱਲ੍ਹਿਆਂ ਵਾਲੇ ਬਾਗ਼ ’ਤੇ ਜ਼ੁਲਮ ਕਮਾਇਆ।

(ਪੇਸ਼ਕਸ਼: ਗੁਰਦੇਵ ਸਿੰਘ ਸਿੱਧੂ)


Comments Off on ਉਸ ਸਮੇਂ ਦੀਆਂ ਲਿਖਤਾਂ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.