ਦੇਸ਼ ਭਗਤ ਹੋਣ ਲਈ 27ਵੇਂ ਤੇ 28ਵੇਂ ਸਵਾਲ ਦੇ ਜਵਾਬ ਵਿੱਚ ਨਾਂਹ ਕਹਿਣੀ ਜ਼ਰੂਰੀ! !    ਮਹਾਂਪੁਰਖਾਂ ਦੇ ਉਪਦੇਸ਼ਾਂ ਨੂੰ ਵਿਸਾਰਦੀਆਂ ਸਰਕਾਰਾਂ !    ਸਾਹਿਰ ਲੁਧਿਆਣਵੀ: ਫ਼ਨ ਅਤੇ ਸ਼ਖ਼ਸੀਅਤ !    ਕਸ਼ਮੀਰ ਵਾਦੀ ’ਚ ਰੇਲ ਸੇਵਾ ਸ਼ੁਰੂ !    ਐੱਮਕਿਊਐੱਮ ਆਗੂ ਅਲਤਾਫ਼ ਨੇ ਮੋਦੀ ਤੋਂ ਭਾਰਤ ’ਚ ਪਨਾਹ ਮੰਗੀ !    ਪੀਐੱਮਸੀ ਘੁਟਾਲਾ: ਆਰਥਿਕ ਅਪਰਾਧ ਸ਼ਾਖਾ ਵੱਲੋਂ ਰਣਜੀਤ ਸਿੰਘ ਦੇ ਫਲੈਟ ਦੀ ਤਲਾਸ਼ੀ !    ਐੱਨਡੀਏ ਭਾਈਵਾਲਾਂ ਨੇ ਬਿਹਤਰ ਸਹਿਯੋਗ ’ਤੇ ਦਿੱਤਾ ਜ਼ੋਰ !    ਭਾਰਤੀ ਡਾਕ ਵੱਲੋਂ ਮਹਾਤਮਾ ਗਾਂਧੀ ਨੂੰ ਸਮਰਪਿਤ ‘ਯੰਗ ਇੰਡੀਆ’ ਦਾ ਮੁੱਖ ਪੰਨਾ ਰਿਲੀਜ਼ !    ਅਮਰੀਕਾ ਅਤੇ ਦੱਖਣੀ ਕੋਰੀਆ ਨੇ ਜੰਗੀ ਮਸ਼ਕਾਂ ਮੁਲਤਵੀ ਕੀਤੀਆਂ !    ਕਾਰ ਥੱਲੇ ਆ ਕੇ ਇੱਕ ਪਰਿਵਾਰ ਦੇ ਚਾਰ ਜੀਅ ਹਲਾਕ !    

ਨੰਨ੍ਹੇ ਪਰਿੰਦੇ

Posted On October - 17 - 2010

ਲੇਖਕ: ਅਮਨਦੀਪ ਸ਼ਰਮਾ
ਪੰਨੇ: 30, ਮੁੱਲ: 40 ਰੁਪਏ
ਛਾਪਕ: ਭਗਤਾਂ ਦਾ ਛਾਪਾਖਾਨਾ ਮਾਨਸਾ

‘‘ਨੰਨ੍ਹੇ ਪਰਿੰਦੇ’’ ਅਮਨਦੀਪ ਸ਼ਰਮਾ ਦੀ ਪਹਿਲੀ ਬਾਲ ਪੁਸਤਕ ਹੈ। ਇਸ ਵਿਚ ਉਸ ਨੇ ਨਿੱਕੜੇ ਬਾਲਾਂ ਲਈ ਅਠਾਈ ਕਵਿਤਾਵਾਂ ਤੇ ਗੀਤ ਦਰਜ ਕੀਤੇ ਹਨ। ਉਸ ਨੇ ਇਹ ਰਚਨਾਵਾਂ ਬਾਲ ਮਾਨਸਿਕਤਾ ਅਨੁਸਾਰ ਕਹਿਣ ਦਾ ਯਤਨ ਕੀਤਾ ਹੈ। ਡਾ. ਦਰਸ਼ਨ ਸਿੰਘ ਆਸ਼ਟ ਅਤੇ ਡਾ. ਕਰਨੈਲ ਸਿੰਘ ਸਮੇਤ ਕਈ ਹੋਰਾਂ ਨੇ ਵੀ ਉਸ ਨੂੰ ਥਾਪੜਾ ਦਿੱਤਾ ਹੈ। ਉਹ ਇਕ ਮਿਹਨਤੀ ਅਤੇ ਲਗਨ ਵਾਲਾ ਸਾਹਿਤਕਾਰ ਬਣ ਗਿਆ ਹੈ। ਇਸ ਪੁਸਤਕ ਦੇ ਪ੍ਰਕਾਸ਼ਨ ਵਿਚ ਪਿਆਰਾ ਸਿੰਘ ਗੁਰਨੇ ਕਲਾਂ, ਅਵਤਾਰ ਸਿੰਘ ਭਾਦੜ ਅਤੇ ਐਨ.ਪੀ. ਸਿੰਘ ਨੇ ਵਿਸ਼ੇਸ਼ ਸਹਿਯੋਗ ਦਿੱਤਾ ਹੈ। ਰੰਗਦਾਰ ਪੰਨਿਆਂ ’ਤੇ ਕਾਲੇ ਚਿੱਤਰ ਲਾ ਕੇ ਆਕਰਸ਼ਨ ਖਰਾਬ ਕਰ ਦਿੱਤਾ। ਜੇਕਰ ਚਿੱਤਰ ਰੰਗਦਾਰ ਹੋ ਜਾਂਦੈ ਤਾਂ ਕਮਾਲ ਹੋ ਜਾਣੀ ਸੀ।
ਇਕ ਸਰਕਾਰੀ ਅਧਿਆਪਕ ਹੋਣ ਕਰਕੇ ਉਸ ਨੇ ‘‘ਪੜ੍ਹੋ ਪੰਜਾਬ’’ ਸਬੰਧੀ ਵੀ ਸ਼ਾਨਦਾਰ ਗੀਤ ਸ਼ਾਮਲ ਕੀਤੇ ਹਨ। ਮਿੱਤਰ ਨਾਮੀ ਕਵਿਤਾ ਦਾ ਨਮੂਨਾ ਦੇਖ ਸਕਦੇ ਹਾਂ:
ਸਕੂਲ ਦਾ ਕੰਮ ਸਮੇਂ ’ਤੇ ਕਰਦਾ, ਨਾਹੀਂ ਕੋਈ ਬਹਾਨਾ ਘੜਦਾ।
ਮਨੀਟਰ ਹੁੰਦਿਆਂ ਵੀ ਕਦੇ ਨਾ ਲੜਦਾ, ਦੁਖ ਸੁਖ ਦੇ ਪਲ ਸਭ ਨਾਲ ਖੜ੍ਹਦਾ।

ਅਜਿਹੀਆਂ ਕਾਵਿ ਵੰਨਗੀਆਂ ਬਾਲਾਂ ਅੰਦਰ ਨਰੋਈਆਂ ਕਦਰਾਂ-ਕੀਮਤਾਂ ਭਰਦੀਆਂ ਹਨ। ਕਵੀ ਦੀ ਪਰਬਲ ਇੱਛਾ ਹੈ ਕਿ ਬਾਲਾਂ ਦਾ ਇਕ ਨਿਵੇਕਲਾ ਸੰਸਾਰ ਸਿਰਜਿਆ ਜਾਵੇ। ਅਮਨਦੀਪ ਸ਼ਰਮਾ ਦੀ ਇਹ ਪੁਸਤਕ ਘੱਟ ਅਤੇ ਇਸ ਰਸਾਲੇ ਦਾ ਪ੍ਰਭਾਵ ਜ਼ਿਆਦਾ ਪਾਉਂਦੀ ਹੈ। ਟਾਈਟਲ ’ਤੇ ਛਪਿਆ ਜਨਵਰੀ 2010 ਅੰਕ, ਇਸ ਦਾ ਭੁਲੇਖਾ ਪਾਉਂਦਾ ਹੈ। ਦੂਜਾ ਪ੍ਰਕਾਸ਼ਕ ਦਾ ਨਾਂ ਕਿਤੇ ਵੀ ਦਰਜ ਨਹੀਂ ਹੈ। ਸ਼ਰਮਾ ਦੀ ਹਰ ਰਚਨਾ ਗੀਤ ਵਰਗੀ ਕਾਵਿਕਤਾ ਨਾਲ ਭਰਪੂਰ ਹੈ। ਇਸ ਕਰਕੇ ਇਹ ਗੀਤ ਬਾਲ ਮਨਾਂ ’ਤੇ ਤੀਰ ਵਾਂਗ ਅਸਰ ਕਰਦੇ ਹਨ। ਕੁਝ ਗੀਤ ਤਾਂ ਪੜ੍ਹਦਿਆਂ ਹੀ ਯਾਦ ਹੋ ਜਾਂਦੇ ਹਨ। ਜਿਵੇਂ:
ਬਾਗ ਬਗੀਚੇ ਲਗਦੇ ਸੋਹਣੇ, ਜਦ ਫੁੱਲ ਖਿੜਦੇ ਮਨ ਨੂੰ ਮੋਹਣੇ।
ਲਾਲ ਗੁਲਾਬੀ ਕਾਲੇ ਫੁੱਲ ਖੁਸ਼ ਕਰ ਦਿੰਦੇ ਸਾਰੇ ਫੁੱਲ।
ਕਵੀ ਦੀ ਪਹਿਲੀ ਪੁਸਤਕ ਨੂੰ ਜੀ ਆਇਆਂ ਨੂੰ ਆਖਦਾ ਹਾਂ।

-ਬਲਜਿੰਦਰ ਮਾਨ


Comments Off on ਨੰਨ੍ਹੇ ਪਰਿੰਦੇ
1 Star2 Stars3 Stars4 Stars5 Stars (No Ratings Yet)
Loading...
Both comments and pings are currently closed.

Comments are closed.

Available on Android app iOS app
Powered by : Mediology Software Pvt Ltd.